________________
२७८
श्रीविजयपद्मसूरिविरचितः
बारसभेओ य तवो, णियसंचियकम्मणिज्जराकरणं । चोद्दसरज्जुपमाणो, लोओ जीवाइपरिकलिओ ॥१३॥ सुलहं चक्कित्ताई, सम्मत्तं दुल्लहं जिणाहीसो । सो चेव धम्मदंसी, एवं सुहभावणा सूरी ॥१४॥ सेवियगुरुकुलवासे, जियणिद्दे देसकालभावण्णे । आसण्णलद्धपडिहे, वंदे सूरीसरे सययं ॥१५।। उवणयणयहउण्णे, णिगमाहरणप्पहाणतत्तण्णे । सुत्तत्थविहिण्णवरे, थिरपरिवाडी अणासंसी ॥१६।। गहणासेवणसिक्खा-पयाणकुसले णवीणसीसाणं । जियपरिसे समयण्णे, वंदे गीयत्थवच्छल्ले ॥१७|| विणयपवत्तणसीले, अडविहगणिसंपयासमाइण्णे । आयरणाइविसिटे, विहिणाऽऽयरिए पणिवयामि ॥१८॥ विण्णायविविहभासे, गच्छे सुहसारणाइविहिदक्खे । रुइनाणसंजमतवे, उज्जुत्ते णममि सूरिंदे ॥१९॥ बारसपडिमावाही, रक्खियवयचत्तपावगनियाणे । विजियपरीसहसेणे, चोद्दसजियभेयताणयरे ॥२०॥ वयणावस्सयलेसा, भासा छद्दोस दविय संबोहे । विविहेसणापसत्ते, भयमयवियलोवगिइसत्ते ॥२१।। अडगुरुगुणसुद्धिपए, अडविहदसणचरित्तनाणड्डे । जोगंगणुओगहरे, कम्मण्णे सिद्धिदिट्ठिहरे ॥२२।। नवविहकप्पविहारे, तत्तुवएसे नियाणपरिहारी । नवभेयबंभचेरे, सूरी वंदामि विणएणं ॥२३॥ उववायासंवरणा-किलेसहासाइछक्कपरिचाई । दसविहसामायारी-समाहिसंपत्तविकसाए ॥२४।। सोलससमाहिभेया-सणसुद्धिपरूवगे अपडिसेवी । मुणिधम्मविणयवेया-वच्चण्णेऽकप्पपरिहारी ॥२५।। रुइसिक्खंगोवंग-प्पबोहपरिसोहिए महापण्णे । गिहिपडिमव्वयकिरिया-ठाणुवएसप्पयाणपरे ॥२६।। पायच्छित्तुवओगो-वगरणवरदेसणामहाकुसले । तवभावणमुणिपडिमा, निरुवगे णममि सूरिवरे ॥२७|| जियगुणठाणुवएसे, पडिरूवाइप्पहाणगुणणिलए । गारवसण्णासल्ल-च्चाई जोगस्सरूवण्णे ॥२८।। दव्वाभिग्गहयारी, उग्गमणुप्पायणोवएसदए । संजमवयणपदंसी, विराहणादोसणीसंगी ॥२९॥
