________________
प्राकृतस्तोत्रप्रकाशः
२५९
॥ ५. श्रीजिनेन्द्रतीर्थवन्दना ॥
पणमिय पासजिणिंद, पयकमलं णाहणेमिसूरीणं । थुत्तं समतित्थाणं, रएमि सत्थाणुसारेणं ॥१॥ (आर्याच्छन्द्रः) अहतिरियउड्ढलोए, तित्थयराणं समत्थबिंबाइं । वंदामि भत्तिभावा, पइदियह हिअयथेज्जेणं ॥२॥ भुवणवइट्ठाणेसुं, बिंबाई वंतराण निलएसु । तह वाणमंतराणं, वंदे बहुमाणभत्तीए ॥३॥ जोइसियाणं पडिमा, सव्वा वेमाणियाण देवाणं । जिणवरसरिसा भव्वा, वंदे बहुमाणभत्तीए ॥४॥ वेयड्तमेरुसिंगे, रुयगे तह कुंडले य वक्खारे । तित्थेसरबिंबाइं, वंदे बहुमाणभत्तीए ॥५॥ नंदीसरकरिदंते, कणयायलनिसढनीलवंतेसुं । तित्थे० ॥६॥ कुलगिरिरोहणसिहरे, हिमगिरिविंझायले य जमगे य । तित्थे० ॥७॥ दविडतिलंगे पोंडे, लाडविराडे तहेव कण्णाडे । तित्थे० ॥८॥ अंगे बंगकलिंगे, सुगयजणवए पयागगउडे य । तित्थे० ॥९॥ सिरिमालमालवेसुं, नेवाले सिंहले य कोसलए । तित्थे० ॥१०॥ उज्जइणीपंचासुं, कोसंबीकोसलासु महुराए । तित्थे० ॥११॥ गयपुरपट्टणकासी-कणगपुरे भदिले य नासिक्के । तित्थे० ॥१२॥ दसरहपुररायगिहे, पावाणयरीइ तामलित्तीए । तित्थे० ॥१३॥ आघाडकण्णकुज्जे, रम्मे सिरिमेयवाडसोरट्टे । तित्थे० ॥१४॥ सिरिविमलायलतित्थे, अब्बुयसम्मेयपव्वए चेव । तित्थे० ॥१५।। अट्ठावय रेवयए, कयंबतित्थे कायंबसुविहारे । तित्थे० ॥१६॥ जीवंतसामिपडिमं, महुमइणयरीट्ठियं महादिव्वं । तालज्झयबिंबाई, वंदे बहुमाणभत्तीए ॥१७॥ वरपाउयं सुरम्म, णाभेयपहुस्स हत्थिगिरिदेसे । सिद्धायलपणतित्थि, वंदे बहुमाणभत्तीए ॥१८॥ राणयपुरघाणेरा-जीवंतजिणेसवीरतित्थंमि । नाडोलनाडुलाई, तित्थे वंदामि पडिमाओ ॥१९॥
