________________
[५४]
NNNNNNNNNNNNNNNNNNNNNNNNNN
च चित्तवट्टियाए लिहाविया कुमारीहत्थेणेसा मए चक्कवाई । लिहिया य चक्कवाइहे?ओऽवत्थासूयणत्थमिमा मए सयंकया गाहा' । तं च मए निरूवित्ता पढियमिमं -
निययावत्थं साहइ, एस च्चिय नवरि नीसहसरीरा ।
अज्जत्तगहियनिवडिय-मुणालवलयाए चंचूए । पुणो य भणियं – 'साहु साहु ! सजीवं चित्तकम्म, तहा अवत्थाणुरूवा य ते गाह'त्ति ।
एवं च पइदिणमन्नोन्नविणोयंगपेसणेण संपत्ते विवाहदिणे कह वि गओऽहं तंमि चेव वणे । तत्थ य भवियव्वयानिओगेण तीए चेव चि(सि)लाए(?) लेप्पमयकामदेवमच्ती दिट्ठा मए कुमारी । चिंतियं च लेप्पमयकम्मविसेसेण संभाविऊण जहा – “पेमाणुरत्तं पि मं मोत्तुं अन्नपुरिसासत्ता कुमारी । ता किं ममेमाए जओ परिहरिओ तीएऽइ(हं) । ता महारायस्सऽसाहिऊणऽन्नत्थ जामि ।
तओ तीए चेव रयणीए कयवइ(कइवय) पुरिससहावो(ओ) निग्गओ अहं णगराओ य महाडविमेगमुल्लंघिउं पत्तो चंपापुरिं । आवासिओ विवित्तपएसे । सोहणदिणंमि सीहरहनाम(मं) तं नयरीरायं दट्ठमोलग्गिउमाढत्तो ।
इओ य सुरिंददत्तरन्ना गवेसाविओऽहं न कत्थ वि विन्नाओ । देवदत्ता वि मं गयं नाऊण बहुहा विलवंती भणइ -
नाओऽसि तुमं सामिय !, ममं पि जाणिहिसि दीहकालेण । मोत्तूण तुमं जम(म्म)तरे वि जइ अन्नहा होज्जा । किं बहुणा भणिएणं परिचत्ताई मए तुह विओए ।
विसयसुहाइ [महाय]स !, सहियाइं विलासकज्जेहिं ।। सोउं चेमं भणिया सा सहीहिं - 'सामिणि ! जो तुम मुत्तुमेवं गओ तस्स कए किमिरस(किमेरिस) पइण्णाइ ?' तओ तत्थेवाऽऽगंतुं जणणी भणइ – 'पुत्ति ! जइ सो समागमिस्सइ त(ता) सोहणमन्नहा तओ वि सुंदरयरो को वि होही । ता मा किलिस्ससु । जओ ते ताओ चेव सुंदरासुंदरं जाणइ' । कुमारी भणइ – “किमेवं जाणियव्वं ? तुमं चिय तायस्स साहेज्जसु जाहे(जहा?) ममेमंमि भवे सो वा जलणो वा हत्थे लग्गिही' ।
एवं च सा परिहरित्तु पुरिसदरिसणं सुव्वयागण(णि)णीसमीवे सावया होऊण धम्मनिरया चिट्ठइ त्ति।
तओ य चंपानयरीए सीहरहस्स रण्णो पुत्तो समरकेसरी नाम *सय(इ)वायरिओवएसेण मंतमब्भसमाणो कह वि मंतदेवयाए छलिओ जाओ गहिल्लो । भणियं च मं तं तेसिं च पुरओ रण्णा - 'पेच्छह कहं मे कुमारो गहेण विडंबिओ ?' तं चाऽऽयन्निऊणाऽऽणाविओ मए सो कुमारो । पउणीकरेह(कओ य) विहिणा । तओ राया महाणुभावत्तणेणाऽऽवज्जिओ 'रज्जद्धमिमस्स मए सोहणदिणे दायव्वं' ति जाव चिंतइ ताव निग्गच्छंतोऽहं राउलाओ सद्दाविओ रायमहादेवीए भणिओ – 'बहूणि दिवसाणि तुह संगमूसियाए मए गमियाणि । सवयं(संपयं) जं होइ तं कुणसु' । तं च सोउं विसन्नोऽहं पढामि - ★ शैवाचार्य
