Page Text
________________
[४९]
दुधणुसयपमाणो य सुपासकुमारो यं (पं) चपुव्वलक्खोवरि वीसपुव्वंगाहियाणि चोद्दसपुव्वलक्खाणि जाव कयरज्जो जेट्ठसुद्धतेरसीए निक्खंतो । नवमासोवरि फग्गुणकण्हछट्टीए संपत्तकेवलो फणालंछणो [सोत्थियलंछणो] वा भवं(व)ति। अवि य
-
जेणेग-पंच-नय(व)सिरि-सु नागसेज्जासु तिसु वि पत्तेयं । जणणी सुमिणे सुत्ता, गब्भत्थस्साऽऽसि सामिस्स ॥१॥ तेणेग[पंच-नव-]फण- फणिरयणा-रेहिय (ओ) समोसरणे । सक्केण सच्चविज्जइ, विविहं पि सुपाससीसाइ ॥२॥ एवं पासजिणस्स वि, ति - सत्तेहिं केवलं फणिफणाहिं । जणणिसुमिणाइपुव्वं, वत्तव्वं दुप्पयारं ति ||३||
जं चऽण्णं सत्थियलं-छणाइ भणियं जिणाण तस्स पुण । रिसहस्सेव सं(अं)गगयं, हंसणं (ण) णेयं निमित्तं ति ॥४॥
एवं च वाम-दाहिणपासेसु सीयादेवी (संतादेवी ?) - मायंगजक्खपज्जुवासिज्जमाणो पउमप्पहजिणतित्थपल्लट्टणेण पवत्तियनियतित्थो सुपासकेवली नवमासूणं वीसपुव्वंगूणं च पुव्वलक्खं जाव विहरेत्ता सम्मेयसेलसिहरे फग्गुणकण्हसत्तमीए सिद्धो त्ति । सुपासजिणो त्ति गयं ॥
सुपासजिणाओ य नउइसागरोवमकोडिसएहिं अट्ठमो चंदप्पहजिणो त्ति चंदप्पहजिणकहा भण्णइ - रयणचंपाए नयरीए पउमो नाम राया जुगंधरगुरुसमीवे विहियपव्वज्जो जाओ वेजयंतविमाणे देवो । तओ चेत्तकण्हपंचमीए चविऊण इहेव जंबुद्दीवे भारहे वासे चंदा ( दा ) णणाए नयरीए महसेणस्स रण्णो लक्खणाए देवीए चोद्दससुमिणसूइओ संभूओ गब्भे । तओ पोसकिहबारसीए जाओ दसपुव्वलक्खाऊ ससिवण्णो पुत्तो । गब्भगयंमि य जमिमंमि जणणीए जाओ चंदप्पियणे दोहलोओ (लओ ? ) चंदवण्णो य भगवं तेणेसो पइट्टिओ पिउणा चंदप्पहो नाम ।
I
सद्धधणुसयपमाणो य चंदप्पहकुमारो अड्ढाइयपुव्वलक्खोवरि चउवीसपुव्वंगाहियाणि अहछठ(अद्धसत्त?)पुव्वाणि(पुव्वलक्खाणि) जाव कयरज्जो पोसकिण्हतेरसीए निक्खंतो । बिमासोवरि फग्गुणकिण्हसत्तमीए संपत्तकेवलो चंदलंछणो वाम - दाहिणपासेसु जालामालिणीदेवी-विजयदेवपज्जुवासिज्जमाणो सुपासजिणतित्थपल्लट्टणे पवत्तियनियतित्थो चंदप्पहकेवली बिमासूणं चउवीसपुव्वंगूणं च पुव्वलक्खं जाव विहरेत्ता सम्मेयसेलसिहरे भद्दवयकिण्हसत्तमीए सिद्धो त्ति । चंदप्पहजिणो त्ति गयं ॥
चंदप्पहजिणाओ य नउइसागरोवमकोडीहिं नवमो सुविहिजिणो त्ति सुविहिजिणकहा भण्णइ
पुंडरीगिणीए नयरीए महापउमो नाम राया । जयनंद[न] परमगुरुसमीवे विहियपव(व्व)ज्जो जाओ वेजयंतविमाणे देवो । तओ फग्गुणकण्हनवमीए चविऊणिहेव जंबुद्दीवे भारहे वासे कायंदीनयरीए सुग्गीवस्स रण्णो रामादेवीए चोद्दससुमिणसूइओ संभूओ गब्भे । तओ मग्गसिरकिण्हपंचमीए जाओ दुपुव्वलक्खाऊ ससिवण्णो पुत्तो । गब्भगयंमि य जमिमंमि जणणी सव्वासु वि सुविहीसु कुसला जाया । तेणेसो पइट्ठिओ पिउणा सुविही नाम । पुप्फदोहलएण य दंतुग्गमाओ पुप्फदंतोति ।
-
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |