________________
[४६]
NNNNNNNNNNNNNNNNNNNNNN
सोउ[मि]मं चक्कवट्टी संभंतचित्तो जण्हुपुत्तं भगीरहिं(ह) नाम भणइ – 'पुत्तय ! तत्थ गंतुं दंडरयणसमण्णिओ विहिणा पुणो वि गंगं समुद्दे पक्खिवसु' ।
भगीरहो वि – 'जमाणवेइ ताओ'त्ति वोत्तुं मंतिसहिओ गओ तमुद्देसं नागरायाराहणत्थ(त्थं) उववासतिगं करेइ । नागराओ वि तवसा चलियासणो समागंतुं भणइ – 'भद्द ! किं कीरउ ?' भगीरहो भणइ - 'मग्गमणुजाणेसु जेण गंगं समुद्दे पक्खिवामि' । तओ तुट्ठो नागराया भणइ – 'वच्छ ! मा कस्स भाहि, सिग्यमेवं कुणसु' । तओ अणुजाणाविऊण गंगादेवयं दंडरयणाणुगामिणं गंगमारट्ठीहिं(गंगमट्ठीहिं) सह गंगासागरगयं काऊणाऽऽगओ भगीरहो । तओ निविण्णो तमेव भगीरहं रज्जेऽहिंसिंचिऊण सुट्ठियसूरिसमीवे पव्वइत्ता सिद्धो सगरचक्कवट्टि त्ति ॥छ।।
अह तत्थ समोसरिउं(अं), नाणिं नमिउं भगीरहो भणइ ।। 'भयवं ! कि(किं) मं मोत्तुं, ते दड्डा बंधवा होउं ?' ॥ नाणी वि भणइ - 'सुम्मउ, चलिओ स(सं)घो कया वि तित्थंमि । पच्चंतगाममेगं, पत्तो तं जत्थ उ कुमारो ॥ गामजणो य समिद्धं, संघं दठूण दुट्ठपरिणामो । निसिद्धो कहकह वि तए, [सुहवयणेहिं] ससूगेणं ।। सो वि य गामो तव्वासिचोरपुरिसेगलद्धदोसेणं । रण्णा सबालवुड्डो, दहाविओ बहुजणसमिद्धो । तं च तया गामंतर-मासि गओ मित्तसद्दिफुफुट्ठो (मित्तसद्दिओ सिट्ठो ?) । मरिऊण धणसमिद्धो, व(वि)राडदेसे वणी जाओ ॥ गामजणो वि जणवओ, जाओ तत्थेव ता तुमं मरिउं । गामजणपरियणड्डो, राया होउं सुरो चविउं ॥ जाओ भगीरह ! तुमं, गामजणे(णो) हिंडिउं च जण्हाई ।
जाया सप्पो(संघो)वद्दव-मणकयकम्मेण दड्डा य' ॥ तओ सोउमेवं भगीरहो वि सुमुणिसमीवे पव्वइत्ता मोक्खं पत्तो त्ति । सगरचक्कवट्टि त्ति गयं ॥
सगरचक्किपच्चक्खाजियजिणाओ य तीससागरोवमकोडिलक्खेहिं तओ संभवजिणो त्ति संभवजिणकहा भण्णइ -
धाइय(यइ)संडे दीवे एरवइ(य)वासे खेमपुरीनयरीए विमलवाहणो राया । सो य कयाइ महादुब्भिक्खे सयलसंघस्स भोयणाइदाणेणोवज्जियतित्थयरनामकम्मो सयंपहसूरिसमीवे णिक्खंतो । अणसणं काऊणाऽऽणयकप्पे जाओ देवो । तओ पुण( फग्गुण )सुद्धट्ठमीए चविऊण इहेव जंबुद्दीवे भारहे वासे सावत्थीनयरीए जियारिस्स रण्णो सेणादेवीए दिट्ठि(8)गयाइसुमिणाए संभूओ गब्भे । तओ मग्गसिरसुद्धदसमीए जाओ सट्ठिपुव्वलक्खाऊ कणयवन्नो पुत्तो । गब्भकालाओ विसेसेण स(सं)माणसंभवो त्ति पइट्ठिओ पिउणा संभवो नाम । चउसयधणूसियं च संभवकुमारं पन्नरसपुव्वलक्खोवीर(वरि) रायाणं
