Page Text
________________
[३५]
तओ भरहो भाउगाणं दूयं पट्ठवेइ, जहा – 'मम रज्जं समप्पेह' । ते भणंति - 'अम्ह वि रज्जं ताएण दिन्नं तुज्झ वि । तायओ ताव ताओ । सो य पुच्छिओ जं भणिही तं करेस्सामो' । एत्थंतरंमि भगवं विहरमाणो समोसरिओ अट्ठावए। तम्मि य समागया ते कुमारा वंदित्ता भणंति – 'ताय ! तुब्भेहिं दिन्नाइं रज्जाइं मग्गइ भरहो । ता किं करेमो ? किं जुज्झामो अहवा समप्पेमो ?' ताहे सामी मुत्तिसुहसंपत्तिमिच्छंतो गुरुपरिग्गहभोगासापिसायनडियचित्तनियत्तणनिमित्तं(त्त)मिंगालदाहगदिटुंतं कहेइ, जहा -
'एगो इंगालदाहगो एगं भाणं पाणियस्स भरेउं वणं गओ । तत्थ य तस्स निच्चरा(तिव्वयरा?)इच्च-अग्गितावेणं दारुकुट्टणपरिस्समेण य पुणो पुणो पियंतस(स्स) निट्ठियं तं पाणियं । तओ तिसाभिभूओ धाविओ सो निवाणाओ विमुहं वच्चंतो य तत्थंतरा चेव पी(प)डिओ सीयलतरुच्छायाए [सुत्तो, सुमिणं पासइ । तत्थ य -] तिसाआवेसओ य कव-तडाग-नइ-दह-समद्दे सव्वे पियइ । न य तस्स कह वि इ तण्हा । ताहे एगंमि जिन्नकूवे तणपूलियं गहाय उसिं(स्सि)चणेण तणग्गलग्गजलबिंदवो जीहाए लिंहतस्स वि जहा न का वि धरा (?) । तहा तुब्भेहि वि अणुत्तरा सद्द-रूय-रस-गंध-फरिसा ते सव्वढे अणुभूया तेहि(तह) वि तत्तिं न गया । संपयं पुण तुब्भे [एए] हिं माणुस्सएहिं कहिं(हं) तत्तिं जाइस्सह ?। ता संबुज्झह किं न तु(बु)ज्झहा ?'
एवमाइबहुविहधम्मोवएसेहिं अट्ठाणउई वि कुमार(रा) पव्वइय त्ति ।
इओ य वेयड्ढे रहनेउ[र]चक्कवालपुत्तो(पुरसामी?) बाहुबलिमित्तो पल्हाओ नाम विज्जाहरो, नयणावली नाम से भज्जा। तेसे(तस्स) भगिणी रयणावली नाम । [तीए] परिणाविओ पल्हाएण बाहुबलि(ली) । पुत्तुप्पत्तिं च विणा सा बहुयंबिलेहिं सासणदेवी(वि)माराहेइ । तीए वि तुट्ठाए दसपुत्तुप्पत्तिनिमित्तं दिन्नाओ दस गुलियाओ । ताए य रयणावलीए 'को पत्तेयं पुत्तपरिचेलू काही? एक्को चेव समीहि[य]पुत्तो होउत्ति चिंतिऊण(णु)वजीवियाओ(गिलियाओ?) समकालमयं(मेयाओ)। देवयादिन्नो वरो [न] अन्नहा फलप्प(इ) त्ति जाया तीसे दस पुत्ता, तं जहा – अइमुत्तो १ महामई २ वज्जवेओ ३ वीरंगओ ४ सायरो ५ इंदकेऊ ६ दहिवाहणो ७ हरिहरो ८ रयणमूलो ९ सयबाहु त्ति १० ।
इओ य पल्हाएण नयणावलीए जाओऽनिलवेगो नाम पुत्तो । तज्जम्मंमि य कयं महावद्धावणयं । णेण पुच्छिओ सुगुत्तो नामोहिनाणी मुणी, जहा – 'भगवं ! कहेसु बालस्सेमस्स जम्मरासिफलं' । मुणी भणइ – 'सव्वगुणसंपन्नो तेल्लोक्कस्स अजेओ य एसो बालो । किंतु चक्किचक्काओ विणि(ण)[स्सिस्सइ' । सोउं चेमं दूमिओ पल्हाओ 'सु(स)गोत्ते न चक्कं पहवई'त्ति चिंतिऊणाऽऽगओ सबालो बाहुबलिसमीवो(वे), साहियमुणिवुत्तंतो य बाहुबलिस्साऽनिलवेगं *पुत्तेडयं दाउं गओ सट्ठाणे । अनिलवेगो वि बाहुबलिगिहे सुहंसुहेण चिट्ठइ त्ति ।
तओ भरहचक्कवट्टी विन्नत्तो सुसेणसेणाहिवइणा, जहा - 'देव ! नऽज्ज वि पविसइ पुरीए चक्करयणं' । चक्की भणइ – “किं कारणं ?' तओ मंति-सामंताईहिं, 'जं बाहुबली नाऽऽणं पडिच्छइ'त्ति भणिए विसज्जिओ तक्खसिलाए बाहु[बलि]स्स सुवेगो नाम दूओ भणाविओ[य] 'सेवं पडिवज्जसु ज(जु)ज्झसज्झो वा होसु' । गओ य सुवेगो तत्थ । भणिओ बाहुबलिणा - 'कुसलं भरहस्स ? सुमरइ य सो कयाइ मं?' सुवेगो भणइ – 'को तस्साऽकुसलं काउं समत्थो ? चित्तुत्तिन्नो य सुमरिज्जइ । ★ पुत्तेडयं = अयं तुम्ह पुत्तो त्ति दाउं ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |