________________
[३०] वि सुमिणाणमिदमेव रसदाणं फलं । जओ अणेण भगवं मेरुव्व सच्छाओ, सूरो व्व नाणकिरिणइल्लो, जोहो व्व कम्मसत्तुजयपरो संजाओ त्ति । तओ सोउमेवं जणो सेज्जंसमभिनंदिऊण सट्ठाणाणि गओ ।
सेज्जंसो वि भगवं जत्थट्ठिओ पडिलाभिओ ताणि पयाणि 'मा पाएहिं अइक्कमीहामि त्ति भत्तीए तत्थ रयणमयं पेढं करावेइ झत्ति । सव्वं (म्मं ) अच्चेइ विसेसेण य वियाले अच्चिऊण भुंजइ । लोगो पुच्छइ 'किमेयं ?' सेज्जंसो भणइ ‘आइगरमंडलगं' । तओ लोगेण वि जत्थ जत्थ भगवं ठिओ भिक्खं गेण्हइ तत्थ तत्थ पेढं कयं, तं च कालेण आइच्चपेढं संजायं ति ।
तओ भगवं तक्खसिलं गओ । तत्थ य निउत्तपुरिसेहिं बाहुबलिणो निवेइयं । बाहुबलिणा वि चितियं 'कल्लं सव्वत्थुए (सव्विड्डीए) वंदिस्सामि'त्ति । निग्गओ पभाए । सामी य विहरंतो अन्नत्थ गओ । तओ अदिट्ठे अधिरं काऊण जहिं भगवं वुत्थो तत्थ जोयणपरिमंडलं पंचजोयणमूसियदंडं रयणमयं धम्मचक्कचिंधं कारियं ति ।
-
—
एवं च निरुवसग्गो, वाससहस्समुसहो विहरिऊण ।
फगु (ग्गुणकण्हेक्कारसि, केवलनाणं लहइ किं चि(च) ॥ मगहा-रायगिहाइसु, मुणओ खेत्तारिएसु विहरिंसु । उसभो नेमी पासो, वीरो य अणारिएसुं पि ॥ [आ.नि. २३४] उझ्या परीसहा सिं, पराजिया ते य जिणवरिंदेहिं । 'उग्गं च तवोकम्मं, विसेसओ वद्धमाणस्स || उसभस्स पुरिमताले, वीरस्स (स्सु) जुवालियानईतीरे । सेसाण केवलाई, जेसुज्जाणेसु पव्वइया ॥ [आ.नि. २५४] तेवीसाए नाणं, उप्पन्नं जिणवराण पुव्वन्हे | वीरस्स पच्छिमण्हे, पमाणपत्ताए चरिमाए || [२५३] अट्टमभत्तं तम्मि य, पासोसभ - मल्लि - रिट्ठनेमीणं । वसुपुज्जस्स चउत्थेण छट्टभत्तेण सेसाणं ॥ [२५५] नह-केसादि जिणाणं, केवलकालादवट्ठियाणेव । सक्काइट्ठा देवा, कुणंति जह तेसिमुचियाणि ॥ सुकसिणकेसजडाओ, रिसहस्स अंसेसु कणयवन्ने । सुट्टु सोहंति जं ता, सक्कविन्नवियधरियाओ ॥
तेण जडलंछणो वि य, जं तस्सोरूसु उ ( ज ) म्मणो वसहा (हो) । इय वसहलंछणो विय, केवलनाणं ( णो) विहरइति ॥
तह चक्केसरिदेवी-गोमुहजक्खेहिं वाम - दाहिणओ । सययं स पक्क (ज्जु) वासिय - कमकमलो विहरइ सुहेण ॥
१. नव जीवाइपयत्थे उवलभिऊणं च निक्खता
-
इति आ.नि. २३५ ।
