________________
NNNNNNNNNNNNNNNNNNNNNNNNNNNNNNNNNNNN
[२९] सेयपुरं रिट्ठपुरं, सिद्धत्थपुरं महापुरं चेव । धण्णकड-वद्धमाणं, सोमणसे(सं) मंदिए(रं) चेव ॥ [३२४] चक्कपुरं रायपुरं, मिहिला रायगिहमेव बोद्धव्वा । वीरपुरं बारवई, कोयकडं कोल्लयग्गामो ॥ [३२५] एएसु पढमभिक्खा, लद्धाओ जिणवरेहिं सव्वेहिं । दिन्नाओ जेण पढम, तेसिं नामाइं वोच्छामि ॥ [३२६] सेज्जंस-बंभदत्ते, सुरिंददत्ते य इंददत्ते य । पउमे य सोमदत्ते, महिंद तह सोमदत्ते य ॥ [३२७] पूसे पू(पु)णव्वसु पुण, नंद-सुनंदे जए य विजए य । तत्तो य धम्मसीहे, सुमित्त तह वग्घसीहे य ॥ [३२८] अपराजिय-वीससेणे, वीसइमे होइ बंभदत्ते य । दिन्ने वरदिन्ने पुण, धन्ने बहुले य बोधव्वे ॥ [३२९] एए कयंजलिउडा, पडिलाभित्ता जिणेसु बहुमाणा । सकयत्था संजाया, जेणेरिसकिच्चओ तेहिं(सिं) ॥ भवणं धणेण; भुवणं, जसेण; *भवणं(भयवं) रसेह(ण) सह विहिओ । अप्पा निरुवमसुक्खे, सुपत्तदाणं महग्घवियं ॥ [चउपन्नमहापुरिसचरियं, पृ. ४१] घुटुं च अहोदाणं, दिव्वाणि य आहयाणि तूराणि । +चेलुक्खेवो विहिओ, वसुहारा कुसुमवुट्ठी य ॥ सव्वेसि पि जिणाणं, जहियं [लद्धाओ] पढमभिक्खाओ । तहियं वसुहाराओ, वुट्ठाओ पुष्फवुट्ठीओ । [३३१] अद्धत्तेरसकोडी, उक्कोसा तत्थ होइ वसुहारा । अद्धत्तेरसलक्खा, जहण्णिया तत्थ वसुहारा ॥ [३३२] सव्वेसि पि जिणाणं, जेहिं दिन्नाओ पढमभिक्खाओ ते पयणुपेज्जदोसा, दिव्ववरपरक्कमा जाया ॥ [३३३] केई तेणेव भवेण, निव्वुया सव्वकम्मउम्मुक्का ।
केई तइयभवेणं, सिज्झिस्संती जिणसयासे ॥ [३३४] एवं चोसभसामिपढमपारणए देवागमणमहूसवे कोउगेणाऽऽगयं तावस-रीया(राया)इलोयं सेज्जंसो पण्णवेइ – 'भो भो सामीणमेएसिमेवं भिक्खाए वि(दि)न्नाए सुग्गइं गम्मइ' । ते भणंति – 'कहं तुम जाणसि?' सेज्जंसो भणइ – 'जाइसरणेण। जओऽहं सामिणा सहऽट्ठभवग्गहणाणि जाव हिंडिओ' । पुणो 'कहं कह'ति पुच्छंताणं तेसिं साहिओ सेयंसेण ललियंगय-सयंपभाइओ भववइयरो त्ति । तेसिं च तिण्ह
★ भयवं रसेण पडहत्थो । - इति पाठः चउपन्नमहापुरिसचरियग्रन्थे । + देवा य संनिवइआ वसुहारा चेव वुट्टा य - इति आ.नि. ३२१ ।
