________________
[२७]
दिव्वो मणुस्सघोसो, तूरनिनाओ य सक्कवयणेणं । खिप्पामेव निलुक्को, जाहे पडिवज्जइ चरित्तं ॥ काऊण णमोक्कार, सिद्धाणमभिग्गहं त सो गिण्हे ।
सव्वं मे अकरणिज्जं, पावं ति चरित्तमारूढो ॥ किं च - उसभो य व(वि)णीयाए, बारवईए अरिट्ठवरनेमी ।
अवसेसो(सा) तित्थयरो(रा), निक्खंतो(ता) जम्मभूमीसु ॥ [आ.नि. २२९] उसभो सिद्धत्थवणंमि वासुपुज्जो विहारगेहंमि । धम्मो य वप्पगाए, नीलगुहाए य मुणिनामा ॥ [२३०] आसमपयंमि पासो, वीरजिणिंदो य नाणसंडवणे । अवसेसा निक्खंता, [सहसंबवणंमि उज्जाणे] ॥ [२३१] [एगो भगवं वीरो, पासो मल्ली अ तिहि तिहि सएहिं । भयवं च वासुपुज्जो, छहि पुरिससएहि निक्खंतो ॥ [२२४] ॥ उग्गाणं भोगाणं, रायण्णाणं च खत्तिआणं च ।। चउहि सहस्सेहुसभो, सेसा उ सहस्सपरिवारा ॥ [२२५] निक्खंता] पत्तेयं, पुरिससहस्सेण सह जिणा सेसा(?) । [पढमस्स बारसंगं. सेसाणिक्कारसंगसयलंभो ।। पंच वया(जमा) पढमंतिम-जिणाण सेसाण चत्तारि ॥ [२३६] देवदूसेण खंधे, सहसक्कमेण निक्खमंति जिणा । काऊण पंचमुट्ठियलोयं चउमुट्ठियं रिसहो । सह रिसहेण सह(यं) चिय, कयलोया निक्खमंति चउसहसा ।
जह जं रिसहो काही, तहा तमम्हे वि काहामो ॥ संवच्छरं च जाव सामी सचेलो विहरिओ तओ परमचेलो संवुत्तो त्ति । मोणेण य विहरमाणस्स कप्पाकप्पाजाणएण लोएण कन्नाईहिं निमंतिज्जमाणस्स जोग(ग्ग)भत्तपाणमलभमाणस्स भगवओ चउरो वि सहस्सा पिट्ठओ लग्गा छुहा-पिवासाईहिं पीडिया विसन्ना कच्छ-महाकच्छे म(य) सव्वजेठ्ठत्तणओ भणंति - 'अम्हाणमणाहाण तुब्भे सामिणो होऊण जं कायव्वं तमाइसह' । तओ कच्छ-महाकच्छेहिं भणियं – 'अम्हे वि ण याणामो । जइ पुव्वमेव भगवं पुट्ठो होतो ता सोहणं होतं । संपयं पुण भरहलज्जाए घरगमणमकाउकामाणं वणवासो से(चे)व जुत्तो' त्ति सव्वसम्मएणं पज्जालोएऊण वक्कलचीरधारिणो कंदमूलफलाहारा तावसा वुत्ता।
कच्छ-महाकच्छेहि य पुत्ता नमि-विणमी पिउअणुरागाओ सह विहरमाणा वणवाससमासयणकाले भणिया – 'तुब्भे घरं चव्व(वच्च)ह अहवा भगवंतमेव सेवह, जेणेसो तुम्हाणमणुकंपाए फलदो भवइ' । तओ ते - पिउवयणं पमाणं ति काऊण भगवंतंमि पडिमाठिए पइदिणं विसिट्ठपूयापुरस्सरं रज्जलाभत्थमुभयसंघ(झ)माराहति । सेसकाले उभयपासेसु [स]खग्गं चेटुंति ।
