Page Text
________________
[२५]
__ न य एवं उसु(स्सु ?)त्तं, चडियपाडणे वि ववहारत्थिणो भगवओ तुलहारि व्व दोसो अ(न)त्थि । अहवा दोसाण(णु)रूवं छेयण-भेयणाइकम्मं कुणमाणस्स सुवेज्जे(ज्जस्स) व नत्थि दोसो । अहवा एगो बालगो कीलंतो सप्पहरमूलं गओ। तत्थ य तं डसिउकामो सप्पो पुणो पुणो हेल्लाओ देंतो बालगपिउणा कह वि दिट्ठो । तओ तुरियमागंतूण तेण भणिओ बालगो - 'पुत्तगा ! एहि एहि, मा सप्पेणेत्थ डसिज्जसि'। सो य बाल(लो) तू(उ)ण धावणेण सप्पाभिमुहं चेव वच्चंतो दट्ठण तस्सेव हियकरणत्थं पायाइसु घेत्तूण कड्डिओ पिउणा । जहा य बालस्स चम्मनित्थर-हल्लाणाइपीडासंभवे वि परिणामसुंदरत्तणओ कढुंतस्स पिउणो न दोसो दिट्ठो, तहा भगवओ पयाण परिणामसुंदरं थोवदोसनिग्गहाइदंडं कुणमाणस्स न साण(कम्माण) बंधो, को वि दोसो अत्थि त्ति ।।
न य तया कालस्साऽइसिणिद्धत्तणओ जलणस्स संभवो, तेण लोया कंदाईणि भक्खंति । भणियं च -
आसी कंदाहारा, मूलाहारा य पत्तहारा य ।
पुप्फफलभोइणो वि य, जइया किर कुलगरो उसभो ॥ [आ.नि.भाष्यगाथा ५] सयंरुहाओ य सालि-मुग्ग-गोहूमाइ-विविहोसहीओ आमाओ भुंजंति । ताओ य कालंतरेणाऽजीरविता सामिणो साहिति । सामी भणइ – 'हत्थेहिं मलित्ता भुंजेज्जह' । कालंतरेण पुणो वि साहिए भणइ - 'मलित्ता गुरुपत्तपडएसु तीमित्ता य भुजेज्जाह' । तओ पुणो साहिए भणइ – 'मलित्ता तीमित्ता हत्थसंपुडे धरित्ता य भुंज्जह' । तहा वि कालेणाऽजीरविंता साहिए भणइ – 'मलित्ता तीमित्ता हत्थसंपुडे धरित्ता कक्खंतरेस सेवियत्ता(सेयवित्ता) य भक्खियव्वाओ' । एवं च कह वि किलेसेण लोयाणमप्प(प)क्कोसहीओ जीरविताण किंचि कालरुक्खत्तणओ वणसंडेस तरुसंघरिसणेण जालामालाउलो समुत्थिओ जलणो। तं च तणकट्ठाइयं [डहमाणं] दट्ठणाऽपुव्वरयणबुद्धीए गहणत्थं धाविआ लोआ । डज्झमाणा य जलणेणं हत्थपायाईसु, भीया य समागंतुं भगवओ कर्हिति । तओ भगवं भणइ – 'तत्थोसहीओ पक्खिविऊण पक्काओ भुंजह' । ते वि य अजाणंता अग्गीए ओसहीओ पक्खिविंति । तओ सव्वाओ वि दड्डाओ ।
तं च दट्ठण भगवओ हत्थिखंधसमारूढस्स समागंतुं निवेइयं जहा - 'जडालफडालो सयमेव सव्वाओ वि ओसहीओ खाइ न अम्हं किंचि देइ' । तओ भगवया आणाविओ मट्टियापिंडो । सो य हत्थिकुंभत्थले भरिऊणं तेसिं पेच्छंताणं चेव निव्वत्तिओ तउल्लओ । तं च समप्पित्ता भणिया ते लोया - ‘एवमण्णाणि वि पत्तुल्लगाणि काऊण मज्झट्ठियाओ ओसहीओ अग्गीओ(ग्गिस्स) उवरिं दाउं पक्काओ खाइयव्वा ।' तओ तहेव काउमाढत्ता । जाया य तक्कालओ पढमं चेव कुंभकारसेणी। तओ पयट्टे जणाण भोयणाइवावारे भगवया पुणो पुणो दंसियाणि लोहाराइसेणीणं बहुविहाणि विन्नाणाणि ।
तओ भगवया दाहिणहत्थेणं दंसियं बंभीए विविहमक्खरविन्नाणं वामहत्थेण य दरिसियं सुंदरीए गणियमक्खायं । तं जहा -
अक्खं दहं सयं सहस्सं लक्खं दहलक्खं कोडिं दहकोडिं ।
कोडिसयं कोडिसहस्सं कोडिलक्खं कोडाकोडि त्ति । किंचि(च) -
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |