________________
[२४]
पार
तओ गओ सक्को सट्ठाणं ति ।
समइक्कंतबालभावा य सेसजिणा अग्गिपक्कमेवाऽऽहारं भुंजंति । उसहसामी उण पव(व्व)ज्जं अपडिवण्णो देवोवणीयदेवकुरु-उत्तरकुरुकप्परुक्खामयफलाहारं खीरोदहिजलं च उवभुंजंति(भुंजति) ।
देसूणवरिसस्स य भगवओ, किंचि मिहुणयं तालरुक्खस्स हेटुं नियं जायमिहुणयं मोत्तुमन्नत्थमभिरमइ । पवणपाडियतालरुक्खफलेण य जायमिहुणयस्स पुत्तो विणासिओ । जणयमिहुणगं च कन्नं कयसुनंदाभिहाणं वद्धारित्त पयणकसायं देवलोगं गयं । सा य सनंदा सुटु रूववई वणे भमंती जोलाहम्मिएहिं दट्टणेगागिणी नाभिकुलगरस्स समप्पिया । तेणा वि 'भज्जा उसभस्स भविस्सइ'त्ति भणिऊण गहिया । अवि य -
पढमो अकालमच्चू, तहि तालफलेण दारयंमि हए ।
कण्णा य नाभिणा सा, सिटे गहिया य रिसहरेसि(रिसहस्स?) || सुमंगला-सुनंदाहिं समं जोव्वणमणुपत्ते सामिम्मि सोहम्मिदो दिण्णोवओगो भगवओ पंचधणूसयपमाणस्स विवाहकरणत्थमागओ । कयं च सव्वं पि तेण भगवओ वरकम्मं सुमंगला-सुनंदाणं [य] देवीहि वहूकम्म ति । तओ वत्ते वीवाहे ताहिं सह भगवओ विसयसुहमणुहवंतस्स किंचूणेहिं छहिं वरिसलक्खेहिं गएहिं बाहुदेवो पीढदेवो य चविऊण अणुत्तरविमाणाओ भरह-बंभीनामगं मिहुणगं जायं । सुनंदाए सुबाहुदेवो महापीढदेवो य तओ चविऊण बाहुबलि-सुंदरीणामगं मिहुणयं जायं । तओ अन्नाणि एगूणपन्नासं पुत्तजुगलाणि सुमंगलाए जायाणि । एवं भगवओ सागल्लेण पुत्तसयं धीयादुगं च जायं ।
इओ य कालदोसेणं संपुन्नेसु कप्परुक्खेसु हक्काराइनीइमइक्कंता जोलाहम्मिया समागया सामिणो सरूवं साहिति । तं च सोउं -
जाईसरो उ भयवं, अपरिवडिएहिं तिहिं उ नाणेहिं । कंतीय य पुट्ठीय य, तेसिमिमं भणइ अब्भहिओ ॥ राया करेइ दंडं. सो पण बलवाहणेहिं संजत्तो.
अणइक्कमणिजणो(ज्जाणो), सव्वेसिं ल(म)हइ लोयाणं' । तेहिं भणियं – 'अम्ह वि राया को वि होउ' । तओ भगवया भणियं – 'जइ एवं तो नाभिकुलगरं गंतूण रायाणं मग्गेह' । तेहि वि तहा कयं । नाभिकुलगरेण भणियं – 'उसभो चेव अ(तु?)म्हाणं राया' ।
तओ सोहम्मिंदो चलियसीहासणो रज्जाभिसेयत्थमागंतूण भगवंतमलंकारा(मलंकारेइ ?) । तया भावा(जाव) निम्मलजलभरिय-पउमिणीपत्तपुडगहत्था समागया [जोलाहम्मिया] भगवंतमलंकियं दट्ठण 'किं करेमो'त्ति मूढमणसा सक्कस्स पेच्छंतस्स भगवओ पाएसु जलं पक्खिवंति । तओ सक्केण 'अहो विणीया पुरिस'त्ति परिभाविऊण बारसजोयणदीहा नवजोयणपिहुला तत्थेव निवेसिया विणीया नाम नयरी जा संपयमओज्जा-नामपसिद्धा । ।
तओ भगवं पयापालणत्थं काऊण हत्थि-हयाइपरिग्गहं तहा दुट्ठनिग्गहसिट्ठपालणत्थं ठविऊण मंतिसामंत-बलाहिय(व)-लेह-तलाराईए वीसपुव्वलक्खोवरि राया जाओ त्ति ।
