Page Text
________________
[१८]
NNNNNNNNNNNNNNNNNNNNNNNNNNN
ताहे गवेसिउमाढत्ता । तओ जाणियं तेहिं जहा - अमृगस्स अस्थि दो वि एयाणि । गया तस्सगासे दो लक्खाणि घेत्तुं । वाणियगो संभंतो भणइ – 'किं देमि ?' ते भणंति – 'कंबलरयणं गोसीसचंदणं च देहि'। वाणियओ भणइ – “किं तेहिं कज्जं ?' ते भणंति – 'साहुस्स किरिया कायव्वा' । सो भणइ – 'अलाहि मम मोल्लेण । एवमेव गेण्हह, करेह किरियं । मम वि धम्मो होही' । चिंतेइ [य] - 'जइ ताव एएसिं बालाणं एरिसा सद्धा धम्मस्स उवरि, ता किं मम नाम मंदपुन्नस्स इहलोगपडिबद्धस्स नत्थि ?' तओ संवेगमावण्णो तहारूवाणं थेराणं अंतिए पव्वइओ सिद्धो त्ति ।
इमे य घेत्तूण ताणि ओसहाणि य गया जत्थुज्जाणे सो साहू पडिमं चिट्ठइ । वंदिऊण य भणंति - 'अणुजाणह भगवं ! अम्हे तुम्हं धम्मविग्धं काउं उवट्ठिया' । तओ तेहिं तेण तेल्लेण सो साहू अब्भंगिओ, तं च तेल्लं रोमकूवेहिं सव्वं अय(इ)गयं । तंमि य अइगए उम्हाभिभावेणं किमिया सव्वे वलवलिया । तेहिं चलंतेहिं तस्स साहुणो अईव वेयणा पाउब्भूया। ताहे ते निग्गए दट्ठण कंबलरयणे[ण] सो वेढिओ साहू, जओ तं सीयलं तं च तेल्लं उण्हवीरियं । तेण ते किमिया तत्थ लग्गा । ताहे पुव्वाणीयगोकलेवरे तं पक्खो(प्फो)डियं, ते सव्वे पडिया । ताहे सो साहू णं चंदणेण लित्तो, जाओ । एवमेक्केक्क-दो-तिन्नि वारे अब्भंगिऊण सो साहू ती(ते)हिं नीरोगो कओ । पढमं मक्खिज्जइ ताहे पाउणिज्जइ। एवमेयाए परिवाडीए पढमब्भंगे तयागया निग्गया, बीयाए स(य?) मंसगया, तइयाए अट्ठिगया किमिणो निग्गय त्ति । तओ संरोहणीए ओसहीए कणगवन्नो जाओ । तओ खामित्ता पडिगया ।
तं च कंबलरयणं पहावहीणं संवुत्तं, जायं पंचाससहस्समोल्लं । तं विक्किणियं(य) विज्जेण तेण मोल्लेण धा(का)रावियं जिणाययणं । तओ पडिमाठावणे भणिया वयंसा विज्जेण – 'एयं भो ! सव्वेसि पि देवकुलं तेणं कंबलरयणमोल्लं(ल्लेणं) कयं'ति । तओ ते परितुट्ठा सुयधम्मा य पडिवन्ना सावगं(ग)धम्मं ।
तओ सो अभयघोसो साहूणं वेयावच्चकरणेणं उत्तमेहिं सील-व्वय-तवोविसेसेहिं अप्पाणं भावेइ । पच्छा सामन्नं काउं अहाउयं पालइत्ता छ वि जणा अनुप(अच्चुए) इंदसमाणा देवा उववण्णा ।
___ तओ चइऊण अभयघोसदेवो इहेव जंबुद्दीवे पुव्वविदेहे पुक्खलावइविजए पुंडरीगिणीए नयरीए वयरसेणस्स रन्नो धारिणीए देवीए वयरनाहो नाम पुत्तो जाओ । रायपुत्त-सिट्टिपुत्त-अमच्चपुत्तसत्थवाहपुत्तदेवा वि कमेण बाहु(१)-सुबाहु(२)-पीढ(३)-महापीढ(४)नामगा वयरनाभस्स भायरो जाया । केसवदेवो(५) वि वयरनाहस्स सारही जाओ ।
__ वयरसेणो दिण्णवयरनाहरज्जो पव्वइओ तित्थयरो जाओ । इयरे संवड्डिया पंचप्पयारे भोगे भुंजंति । जद्दिणं वयरसेणस्स केवलनाणं समुप्पन्नं तद्दिणं वयरनाहस्स चक्करयणं समुप्पन्नं । तओ वयरनाहो चक्की जाओ । तेण साहुवेयावच्चेण चक्कवट्टिभोगा उदिण्णा । अवसेसा चत्तारि मंडलिया रायाणो जाया । तत्थ वयरनाहचक्कवट्टिस्स चउरासीपुव्वलक्खा सव्वाउ । तत्थ कुमारो तीसं(३), मंडलिओ सोलस(१६), चउवीसं(२४) चक्कवट्टी, चउदस(१४) सामन्नपरियाओ, एवं चउरासीय(ई)(८४) सव्वाउयं ति ।
__अन्नया तत्थेव वयरसेणतित्थयरसमोसरणं । तओ चक्की पिउपायमूले चउहि वि सहोदरेहिं सारहिणा य सह पव्वइओ । तत्थ वयरनाभेण चउद्दसपुव्वा अहिज्जिया । सेसा एक्कारसंगधरा चउरो । तत्थ बाह तेसिं वेयावच्चं करेइ। जो सबाह सो साहणो विस्सामेइ । एवं ते करते वयरनाभो भगवं
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |