Page Text
________________
[ ३४१ ] सच्चवईए दो पुत्ता चित्तंगओ चित्तवीरिओ य | चित्तवीरियस्स तिण्णि भज्जाओ - [ अंबा ], अंबिका,
अंबाडिका य । अंबिकाए पुत्तो धयरट्ठो अंबाडिकाए पत्तो पंडू | अंबा पुत्तो विदुरो । तत्थ य वइराडे
रे धरट्ठो राया । तेण वासुदेवससुरयस्स नग्गजिरन्नो सउणी नाम भाया, तस्स अट्ठ भगिणीओ परिणीयाओ । तासिं दुज्जोहणाइयं पुत्तसयं जायं । ते य कउरवा णाम पसिद्धा । तहा हत्थिणाउरे पंडू राया । तेण वसुदेवस्स पुफिया कुंती नाम परिणीया । तीसे जुहुट्ठिल- भीम - अज्जुणनामगा तिन्नि पुत्ता जाया । तहा अवरा वि सल्लस्स रण्णो सगा भगिणी समुद्दविजयाईणं तु माउलभगिणी मद्दी नाम परिणीया । तीसे पुत्ता नउल-सहदेवा । एए य पंच वि पंडवा नाम पसिद्धा । एएसिं भज्जा दोवइति । दोवईकहा भण्णइ
-
-
इहेव भरहखेत्ते चंपाए नयरीए सोमदेवं - सोमदत्तं - सोमभूइँ ओ नामगा बंभणा भायरो धणड्ढा विभत्तधणा परिवसंति । तेसिं च नार्गसिरी- भूयसिरी - जक्खँसिरीनामिगाओ बंभणीओ भज्जाओ । अन्नया सोमा(सोमदेवा)ईणं नेहेण 'परोप्परं जमिस्सामो' त्ति बद्धनिच्छयाणं वारोसारएण सकुडुंबाणं भुंजंताणं समागओ सोमदेवगेहे भोयणवारओ । तओ तं जाणित्ता नागसिरी विविहमाहारं परिकम्मवेइ । तहात अजाणंतीए कटुतुंबयसालयणं विविहरससमाउलं काऊण 'केरिसं जायं'ति चिंतिय चक्खंतीए 'अहो ! सुदव्वं संजोइयं पि केरिसं पगरिसकडुयं जायं ति जाणित्ता एगंते झत्ति संगोवियं । भुंजाविया ते बंभणा तीए तत्थऽण्णरसोईए गया सगिहं ।
एत्थंतरंमि य तीए चेव णयरीए बाहिं सुभूमिभागुज्जाणेण समोसरियाणं धम्मघोसायरियाणं सीसो धम्मरुई णाम मासखमणपारणत्थं नागसिरीघरं पविट्ठो । तओ तीए 'एसो वि संवओ ( तोसिओ ? ) होउत्ति चिंतिय दिन्नं तस्स तं कडुतुंबगं । सो वि तं घेत्तूण गओ नियगुरुसमीवं । तओ 'अउव्वं मए दव्वं लद्धं 'ति दंसणत्थं धरियं गुरुहत्थे । ते वि य तं सुंघेत्ता अईवकडुगंधाभिभूया धम्मरुइं भति 'जइ एयं भुंजिहसि तो ते कालो भविस्सइ । ता बाहिं गंतुं एयं परिट्ठवेत्ता अन्नमाहारं गवेसित्ता पारणयं करेहि' । तओ सूरीहिं सो धम्मरुई एवं वुत्तो समाणो बाहिं गओ सुद्धथंडिलं । तत्थ य कहं वि तेड्डीहूयपत्तयवसेण पडिओ कटुतुंबयरसबिंदू । तल्लग्गाओ य कीडियाओ विणस्संतीओ दट्ठूणं 'वरमहमेगो मओ, मा बहुजीवक्खओ होउ'त्ति चिंतित्ता कयसमाहिविहाणो कडुतुंबगमुवजीवेइ । तओ तेणोवक्कंताऊ कालं काऊण सव्वसिद्धे तेत्तीससागरोवमाऊ देवो जाओ ।
इओ य धम्मघोसायरिएहिं चिरगओ त्ति कट्टु धम्मरुइस्स सारकरणत्थं साहवो पेसिया । हिं बाहिं धम्मरुइं कयकालं दट्ठूण तस्सोवगरणं गहाय जहादिट्ठमागंतूण गुरूणं निवेइयं । तओ तेहिं अइसयनाणोवउत्तेहिं नागसिरीवुत्तंते कहिए समणा समणीओ य तवस्सिविघाएणं कुविया चंपामज्झमागंतूण सोमाईणं अन्नेसिं च लोयाणं नागसिरीसमायारं पयडेंति । सोऊण य तं सोमाईहिं नीसारिया नागसिरी । तओ सव्वत्थ वि साहुकयकम्मदोसेणं थुत्थुक्किज्जंती महदुक्खाभिभूया कालं काऊण छट्टाए नरयपुढवीए बावीससागरोवमाऊ नेरइयत्ताए उववन्ना ।
तओ सदुक्खं बहुं संसारमणुहिंडिऊण इहेव जंबुद्दीवे भारहे वासे चंपाए णयरीए सागरदत्तस्स सत्थवाहस्स भद्दाए भारियाए सुकुमालिया नाम धीया जाया । इओ य तीए चेव नयरीए जिणदत्तो नाम सत्थवाहो, भद्दा भारिया । तेसिं सागरो नाम पुत्तो । अन्नया कयाइ जिणदत्तो सत्थवाहो सागरदत्तसत्थवाह
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |