Page Text
________________
[ ३४० ]
पडिहणिज्जमाणमवि वासुदेवस्स वच्छत्थलं तुंबेणाऽऽहणित्ता रहमज्झे पडियं । तक्खा (ग्घा ) यपीडं च खणमेत्तमहियासित्ता वासुदेवेण मुक्कं चक्कं । तेणयवि ( तेणाऽवि) सीसं छिन्नं, विणासिओ जरासंधो चउत्थि णरयपुढविं गओ त्ति । जरासंधो त्ति गयं ।
एत्थंरंमि य ‘समुप्पण्णो कण्हो नामेसो नवमो वासुदेवो'त्ति उग्घोसित्ता सन्निहियदेवया-विज्जाहरेहिं गयणत्थेहिं मुक्का सगंधोदगा पुप्फवुट्ठी, समाहयाणि दिव्वतूराणि ।
-
तओ बीयदिवसा(से) लद्धजया जायवा वासुदेवसमीवत्था वसुदेवागमणवट्टं जोइंता चिट्टंति । एत्थंतरंमि य समागयाओ तिन्नि विज्जाहरथेरीओ । भणियं च ताहिं – 'देव ! संपयं चेव वसुदेवो पज्जुन्न-संबविज्जाहरविंदपरिगओ एस (हि ?) बहुपच्चइलग्गो, [ता] नाऽवसेरियव्वं' । तओ पुच्छियं समुद्दविजएणं 'किं तेण तत्थ ववसियं ?' ताहिं भणियं 'देव ! निसुणिज्जउ । तया तुम्हा सगएणं वसुदेवेणं पज्जुन्नसंब-सपक्खविज्जाहरसमण्णिएण विपक्खविज्जाहरा पबंधेणं ताव जोहिया जाव कल्लदिणे सन्निहियदेवयाई हिं आगासगएहिं “विणासिओ जरासंधो, समुप्पण्णो नवमं (मो) वासुदेवो "त्ति घोसणं सुणाविया (यं) । ओ ते सोऊणेवं घोसणं झत्ति नियत्ति [य] स ( सं ) गामा विज्जाहररायस्स मंदरवेगनामस्स समीवं गंतूण जहावट्टियं निवेइंति । तेण य भणिया "नियनियपुरेसु गंतूण महग्घाई पाहुडाईं गिण्हित्ता सिग्घं आगच्छह, जेण वसुदेवसहिया वासुदेवं सरणं पवज्जामो" । तेहिं तहेव कए मंदरवेगो विज्जाहरराया अज्जप्पहायसमयमि वसुदेव-पज्जुन्न-संबे दुवा[ रा ] भिमुहोववेसिए अहिसिंचित्ता नियभगिणिं पज्जुन्नकुमारस्स देइ । तहा देवसिरीविज्जाहरराया नियधूयं संबस्स देइ । तओ तेहिं चेव गहियमहग्घवत्थाभरणेहिं विज्जाहरेहिं परिवारिओ वसुदेवो पज्जुन्न-संबसहिओ तुम्हंतियमागच्छंतो चिट्ठ | अम्हे पुण तुम्ह वत्तानिवेयणत्थं अग्गओ वसुदेवेण पेसिय'त्ति । जावेवं ताओ जंपंतीओ चिट्ठति ताव तत्थ संपत्तो चेव वसुदेवो । कयमुचियकरणिज्जं ।
-
—
तओ सव्वे वि जायवा जयसेणाऽऽणंदाइकुमारमरणं सोऊण सोयग्गिसंतत्तमाणसा तेसिं मयकिच्चाणि काउं संगामे संजायजय त्ति तत्थेवाऽऽणंदमुक्कुंदेति । तेण सिणवल्लीए तप्पभिडं आणंदपुरं नाम जायं । लोए पुण संगामपडियजणसिरेहिं तत्थ बलं जायं तेण सिरबलयं णाम पसिद्धं ति ।
एवं च छहिं मासेहिं साहियभरहद्धखेत्तो कोडियसिलं चालित्ता सबलवाहणो संपत्तो वासुदेवो बारवईए । कोडुइनेमित्तियाइट्ठसुहमुहुत्तंमि य अहिसित्तो सव्वेहिं वि महारायाभिसेएण । तओ जो जस्स पच्छोप्पए कोई पुत्त-पोत्तयाई जीवइ सो वासुदेवेणाऽहिसिंचित्ता नियनियदेसं विसज्जिओ । उग्गसेणस्स य सयं रज्जमणिच्छंतस्स धरो नाम पुत्तो महुराए विसज्जिओ । जरासंधधूया य जीवजसा 'कंसघायगे जीवंते जलणं पविसिसामि'त्ति पुव्वकयनियपइन्नानिव्वाहणत्थमग्गिमि पविट्ठा | तब्भाया य सहदेवो नामाऽणाहिट्ठियपंडवसहिओ गहियसव्वस्सपाहुडो समागंतूणं वासुदेवस्स सरणं पवन्नो । सो य वासुदेवेणाऽहिसिंचिऊण विसज्जिओ गओ नियं रज्जमणुभुंजइ जहा पंडवति ।
पंडवका भण्णइ
इहेव जंबुद्दीवे भारहे खेत्ते इमाए ओसप्पिणीए उसहसामी नामाऽऽसि पढमतित्थयरे । तस्स पुत्तो कुरू, जन्नामेण जायं कुरुखेत्तं णाम देसो । कुरुपुत्तो अ हत्थी, जन्नामेण जायं हत्थिणाउरं नाम पट्टणं । हत्थिणो य पुत्त-पोत्तयाइपरंपराए जाओ अनंतवीरिओ, तप्पुत्तो य पुव्वुत्तो सुभूमचक्की । तओ ओ । तओ बहुसु गएसु सांतणू नाम जाओ । तस्स दो भज्जाओ गंगा सच्चवई य । गंगाए पुत्तो भीसमो ।
—
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |