Page Text
________________
[ २९७ ] नामेणाऽनीयजसो, अनंतंसेणो य अजियँसेणो य । अणिर्हंयनामो चोत्थो, देवैजसो सर्त्तुसेणो य ॥ अह अण्णया कयाइ, पुत्तविओएहिं दुहियदेहाए । रिउण्हायदेवईए, सरसं वसुदेवभुत्ताए ॥ गंय-सूंर-सीहँ-सिँरि-धयें-विर्माण - [प] उमसरदिट्ठसुमिणाए । सो गंगदत्तदेवो, च[वि] उं गब्भंमि संभूओ ॥ तत्तो कमेण समए, सावणसुक्कट्ठमीए वरपुत्तो । अद्धरत्तंमि जाओ, कण्हतणू तेण कहो ति ॥ देवयकयसण्णिज्झो, पडिहयसत्तुजणदिट्ठिविणिवाओ । तत्तो य देवईए, वसुदेवो सद्दिओ सहसा ॥
भणिओ य 'सामि ! णिसुणसु, जइ वि तुमं कंसनेहपडिबद्धो । तह वि य मम वयणमिणं, काऊण किवं सदुक्खाए ॥
किं कंसस्साऽहं पिउणा दासभावेण दिण्णा जेण ममाऽकारणवेरिओ जाए जाए पुत्ते विणासेइ ? ता तुमं एयं एक्कं पुत्तं नंदगोउले णेऊण रक्खाहि' । वसुदेवो वि 'एवं करेमि 'त्ति वोत्तुं जाव तं घेत्तूणं चलिओ ताव उत्तमपुरिसपक्खवाइणीहिं देवयाहिं सव्वं विपक्खजणं सुवावेत्ता धरियं तस्सोवरि छत्तं । ओ मग्गुज्जोओ। मुक्का कुसुमवुट्ठी । धवलवसहरूवेण य पुरओ ठाऊणुग्घाडियाणि सव्वदुवाराणि । एवं च वच्चंतो महुरापउलीदुवारदेसंमि कंसनिउत्तपुरिसेहिं धरिएणुग्गसेणेणं सपक्खो त्ति देवयाकयजोयाइपहावं पेच्छंतेण पुच्छिओ वसुदेवो – 'किमेयं ?' तेणाऽवि कंसस्सेसो पच्चणीओ त्ति चिंतिय साइसयं तं बालगं दंसेत्ता भणिओ उग्गसेणो 'जया एसो लद्धपसरो बालगो भविस्सइ तया तुममिमस्स पहावेणं अम्हाणं मज्झे जेट्ठराया भविस्ससि । परं न तए रहस्समिमं [कस्स] वि कहेयव्वं' । तओ सोऊणेवं हिट्ठचित्तेणुग्गसेणेणं 'हो' त्ति कए गओ वसुदेवो रत्तीए चेव नंदगोउलं ।
-
-
तत्थ य तंमि चेव समए नंदगोउलियस्स भज्जा जसोयानाम डिक्करियं पसूया । तीसे य सो समप्पिओ कुमारो । तड्डिक्करियं च घेत्तूणाऽऽगओ देवईमूलंमि ठवेत्ता झत्ति अवक्कंतो । तओ विउद्धाओ कंसपडिचारिगाओ तं डिक्करियं कंसस्स दरिसेंति । कंसेण वि तीसे नासाउङ्कं (डं) छिंदावियं जेण अलक्खणा होइ ।
तओ मासे गए देवई वसुदेवं भणइ 'मिसं ‘वच्चामि गोउलं पुत्तं दğ’ । तेणाऽवि भणिया विणा वच्चंती कंसेण लक्खिज्जिहिसि । ता बहुनारीपरिवारिया गोमज्झेणं गावीओ सव्वत्थ वि विविहं पूयंती वच्चसु' । तओ देवईए तहेव गोउलं गंतूण दिट्ठो वासुदेवो । एवं च बहुसो तत्थ तीए वच्चंतीए लोयंमि गोवंदणाईओ धम्मो पयट्टो ति ।
-
-
एत्थंतरंमि जो पुव्वं वसुदेवेण सुप्पगो णाम विज्जाहरो आसि तब्भगिणीओ वसुदेवस्स किंचि काउमसमत्थाओ कहंचि तप्पुत्तं गोउले नाउं दो वि विज्जाहरीओ सउणि कडपूयणणामाओ कहस्स सगडाहोठियस्स विसविट्टं (दिद्धं) थणं देंति । तओ कण्हकयपाडिहाराए देवयाए थणं लूसिय हयाओ सगडं च भग्गं ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |