________________
[ २९२ ]
पेल्लइ जीसे चिट्ठइ, सुएण सह सामिणि'त्ति सोउं च । साऽऽगंतुं रोहिणीए, तं कहइ; सुणित्तु सा वि इमं ॥ दुस्सहकलंकदूमिय-चित्ता नवदंत - भोयणेण (?) ठिया । सुद्धिकए स (न) य भुंजइ, जाय [व] मण्णाविया वि तओ ॥ पउरायइ(पउराइ)जणेहिं समं, सोरीउ (नयरीओ) णीसरित्तु उत्तरओ । जउणानईढिगोवरि, चडिया सावणमिमं कुणइ ॥
'जइ वसुदेवं मोत्तुं, भगवइ ! जउणे ! मया परो पुरसो । मणसा वि पत्थिओ ता, तुह जलमज्झे निबुड्डेज्जा | जइ पुण वसुदेवो च्चिय, रमिओ ता मज्झपडणदेसाओ । टलिउं तुमं वहेज्जसु', तो जलमज्झे कुणइ झंपं ॥ जउणा वि तस्सइत्तण-पहावओ रित्तु (ओसरित्तु) तसं । वामेण दाहिणेण य, वूढा दठ्ठे चिमं चोज्जं ॥ तुट्ठजणेहुग्घुट्टं, 'महासई रोहिणि 'त्ति तालाहिं । तत्थ य पसिद्धमज्ज वि, तित्थं रोहिणिछणं नाम ॥ अह अण्णया य सउरी, कंससमेओ समुद्दविजयस्स । अत्थाणमंडवंमी, जावऽच्छइ ताव तत्थेव ॥ भिसिय-गणेत्तिय-छत्तिय - दंड - कमंडलुधरो कविलसो । पाउयजुयलारूढो, संपत्तो णारयरिसित्ति ॥
नारयकहा भण्णइ
सोरियपुरे समुद्दविजओ राया । तत्थ य बाहिं ध (व) णे जण्णजसो णाम तावसो । त सोममित्ता नाम भज्जा । तीसे जण्णदत्तो नाम पुत्तो । तस्स सोमजसा णाम भज्जा । तीसे वेयड्डणिवासिवेसमणकायदेवाणं मज्झाओ चविऊण णा [र]ओ नाम पुत्तो जाओ । य तावसा एगदिवसे उववासं काऊणं बीयदिवसे तंमि चेव वणे उंछित्ता भुंजंति । तं च णारयं बालगं तंमि चेव वणे असोगरुक्खच्छायाए ठविऊण पारणयदिणे सव्वं पि दिवसमुंछंति ।
-
इओ य वेयड्ढाओ णारयजीवस्स ते पुव्वसंगइया वेसमणकाइया देवा तेणंतेणाऽऽगच्छंता बालगं दण दिण्णोवओगोहिणा जाणंति ‘एसो सो अम्हाणं सहवासी' । तओ 'मा तावेणेसो पीडिज्जउ'त्ति णेहविऊ (हु)रा असोगरुक्खच्छायं थंभेत्ता गयाणि य पओयणेणं । तओ कयकिच्चा तेणेव प्पएसेणं ते जंभगदेवा वलंता तं बालगं तहेव दद्धुं गाढणेहओ घेत्तूणं गया वेयङ्कं । सो य असोगरुक्खो देवेहिं थंभिअच्छाओ तहेव ट्ठिओ तप्पभिरं छायारुक्खो जाओ ति ।
—
बालो वि जंभगेहिं वेयड्ढगुहाए पालिओ नेउं कप्पतरुफलेहिं कयणारयनामो । अट्ठवरिसो य सिक्खविज्ज[इ] पण्णत्तिविज्जमह सो वि तस्साहणेण जाओ गगणगई । जंभगेहिं भणिय' मम्हेहिं पुच्छियजिणेण कहिओ तुमं चरिमदेहो नवमो णारयविप्पो' । जमुस्सप्पोसप्पिणीसु पिहं चउवीस जिणा, बारस चक्की, णव पडिहरी, णव सरामा हरिणो । चक्कि - हरीसु य केसु वि णव नारया होंति ।
