________________
[२९१]
NNNNNNNNNNNN
चिटुंति जाव हिट्ठा, सव्वे सिरिमंडवंमि रुहिरस्स । विज्जाहरलोयाओ, एक्का विज्जाहरी ताव ॥ पत्ता मज्झिमवेसा, तत्तो य समुद्दविजयमाईणं । पणिवइउं चलणजुयं, पभणइ वद्धाविउं सउरिं ॥ 'वेगवई देव ! तुमं, नमिउं विण्णवइ बालचंदा य । "सुमरामो अच्चंतं, पइदियहं देवपायाणं" ॥ जणणीए अहं जणणी, देव ! वियाणाहि बालचंदाए । नामेण वण्णगई(धणवई) इह, समागया तुह सयासंमि ॥ तं पि विवाहिऊण य, कुणसु कयत्थं च बालचंदं मे' । इय भणिए जेट्ठमुहे, दिण्णा दिट्ठी कणिद्वेण ॥ तत्तो समहविजओ. जलभरियच्छो भणड वसदेवं । 'जासु तुमं परमिहि, णिदि(द्दि)ट्ठरि(जि?)टेण होयव्वं' ॥ वसुदेवो वि य तं पइ, कवडाविणयं कयं खमावेइ । गहिऊण सा वि पत्ता, विज्जाहरनगवरं रम्मं ॥ कंससहिया य सव्वे, उवागया जायवा वि नियनयरं ।
अह गयणवल्लहंमी, सउरी वि पुरंमि संपत्तो ॥ दिवो(ट्ठा) य तत्थ तेणं, वेगवई तह य बालचंदा य । कंचणदाढाणुमया, परिणीया बालचंद त्ति ॥ सउरिस्स गमणवित्तं, नाउं च विउव्वियं वरविमाणं । सह धणवईए रम्मं, वेगवई-बालचंदे(दा)हिं ॥ कंचणदाढेण तओ, महाविभूईए पूइओ सउरी । तंमि विमाणे चडिओ, भज्जाहिं समं सपरिवारो ॥ गहिऊणं भज्जाओ, सव्वाओ सयलपरियणजुयाओ । पुट्वि परिणीयाओ, तत्तो सउरी पुरं पत्तो ॥ तत्तो य धणवई सा, अवयरिऊणं विमाणमज्झाओ । सयलसउरीण साहइ, वसुदेवसमागमं हिट्ठा ॥ तत्तो ते हिट्ठमणा, सव्वे वि समागमे कणिट्ठस्स । कयकिच्चा कंसजुया, वद्धावणयं कुणंति तओ ॥ दटुं समुद्दविजयं, तत्तो खयरी वि धणवई चलिया । खयरनिकायसमेया, नियठाणं जायवविमुक्का ॥ सययं च पज्जुवासइ, रामो जणणि जुवा वि भत्तीए । तं दटुं दुट्ठजणो, दुस्सीलेस त्ति भगभगइ ॥ अह अण्णदिणे भाडे, धाणा भुंजावियाऽऽगया तीसे । दासी पेल्लियमहिला, ताहिं भण्णइ – 'किमियमम्हे ॥
