________________
[२७५]
एयस्स य पुण वंसे, रोहिणिपमुहाओ विज्जुदाढस्स । पुरिसाणमित्थियाण य, महइमहंताओ विज्जाओ ॥ सिज्झिस्संति न एत्तो, साहु-महापुरिसदसणे कह वि । सिज्झेज्ज व किच्छेणं", इय भणिऊणं गओ वरुणो(धरणो) ॥ तह सामिय ! तव्वंसे, केउमई नाम कण्णगा पुट्वि । विज्जमिह साहमाणी, हरिपुंडरिएण परिणीया ॥ तस्सेवाऽहं वंसे, जाया नामेण बालचंद त्ति । गुरुअणुनाया सज्जा, होहामि न एत्थ संदेहो ॥ ताऽहिं(ह) पि सिद्धविज्जा, तुज्झ पसाएण संपयं देव ! । ता किं पि वरं जायसु, अहयं विज्जाहिया देव !' । वसुदेवो भणइ तओ, – 'वेगवईए पयच्छ विज्जाओ' । सा गयणवल्लहपुरं, तं घेत्तूणं तओ पत्ता ॥ वसुदेवो वि य वलिउं, वणं गओ; तत्थ नरवरे दोण्णि । पेच्छइ नवगहियवए, संगामकहापबंधपरे ॥ विविहकहाआसत्ता, निंदंता निययपोरुसं तत्थ । हरिवंसजेण भणिया, – 'किं तुम्हं लोयतत्तीए ?' || ते आह - 'इहेक्केणं, संगामे निज्जिया वयं सव्वे । अहिणवदिक्खं गहिउं, समागया संपयं एत्थ' ॥ वसुदेवेणं भणियं, – 'कहमेगेणं विणिज्जिया तुम्हे ?' । ते बेंति - 'सुणऽत्थि निवो, सावत्थीए अणिय(एणी)पुत्तो । तस्स य पियंगुसुंदरि-धीयाए सयंवरंमि आयाणं । को वि न वरिओ त्ति तओ. संगामो तेहिं पारद्धो ॥ पिउणेगेण रहेणं, जित्ता सव्वे दिसोदिसिं नट्ठा ।। जलणमन्ने पविठ्ठा, के वि य गिरिसिहरपडिया ।। अम्हे वि मोहियमण(णा), चिंतेंता तस्स पोरुसं एत्थ । अच्छामो वणवासे, परमत्थविवज्जिया सव्वे' ॥ सोऊणेवं तेसिं, धम्मं समसत्तु-मित्तपरिणामं । कहिऊणं वसुदेवो, सावत्थीए गओ तत्थ ॥ उज्जाणे देवगिहे, तिव्वारे; तेसि सम्मुहे सययं । बत्तीसग्गलपिहिए, सण्णिज्झाओ त्ति पविसित्ता ॥ पासवारेण मज्झे, पेच्छंतो तिण्णि रयणपडिमाओ । मुणि-कामदेव-तिचरणमहिसाण कमेण विम्हइओ ।। तत्थऽत्थं दियमेगं, पुच्छइ – 'किमिमा तिपायमहिसस्स । पडिमा कया सुरूवा ?', भणइ दिओ - 'सुम्म साहेमि ॥
