________________
[ २७० ]
दसरहनामो तस्स य, कोसल तह केगई सुमित्ताय । भज्जा उ ताण पुत्ता, [ रा ]मो नारायणो भरहो || गहिओ य सयंवरंमी, रामो सीयाए; सेसयाणं च । जणएण कुमाराणं, दिन्नाओ पवरदुहियाओ ॥ रज्जाहिसेयकाले, रामस्स य दसरहो उ केगईए । भणिओ दिण्णवरेणं, दिज्जउ भरहस्सिमं रज्जं ॥ दिन्नंमि सीयसहिया, वणवासं राम-लक्खणा पत्ता । सुप्पनहीसंबंधे, निहओ खरदूसणो तेहिं || पुत्तवहजायरोसा, सुप्पनही रामणस्स साहेइ । नियभाउयस्स गंतुं, सीयारूवं रइसरिच्छं | मारीइणा वि रामो, आगंतुं रामणस्स वयणेणं । लोहविऊणं नीओ, दूरं काऊण मिगरूवं ॥ रामेण तओ कलिउं, "न एस हरिणो "त्ति निद्दयं पहओ । भणियं च मरंतेणं, 'लक्खण ! परितायसु ममं " ति ॥ अह लक्खणो वि रामं तं कलिउं धाविओ ओहुतं ।
दसगीवेण य सीया, अवहरिया तंमि पत्थावे ॥
-
—
"4
कहियं जड़ाउणा वि य, 'अह हरिया रामणेण सीय "त्ति ॥ दहवयणस्स य उवरिं, किंकिंधिउरं गओ रामो ॥
वाली - सुग्गीवाण य, दोण्ह वि भाईण तत्थ किं । इत्थीकज्जे चलियं, विणिज्जिओ वालिणा इयरो || हणुयंत - जंबवेहि य, सहिओ दुग्गे समस्सिओ तत्तो । सुग्गीवो; संपत्ता, लक्खण-रामा वि तो तत्थ ।। सुग्गीवेण यदिट्ठा, गंतूणं साहिओ नियवरोहो । संगामे संजाए, रामेण य मारिओ वाली ॥ तत्तो सुग्गीवेणं, लंकाए पेसिओ य हणुयंतो । दण सो वि सीयं, समागओ साहए वत्तं ॥ वानरभडेहिं सहिओ, सुग्गीवो लक्खणो य रामो य । आयासेणं सहसा, लंकानयरीए संपत्ता | दसगीवो य न जाहे, वट्टइ वयणे विहीसणाईणं । लक्खण-रामाण तओ, गंतूण विहीसणो मिलिओ ॥ जायं च महाजुज्झं, दोण्ह वि सेण्णाण अइमहाघोरं । वानर- रक्खसयाण, नच्चंतकबंधपेच्छणयं ॥ लक्खण-रामेहिं तओ, दहगीवो सयण- बंधवसमेओ । सभडो य सपरिवारो, विणासिओ तत्थ संगामे ॥
