________________
[२५९] इय भणिए सा बाला, समागया सहियणेण; सा तत्थ । भणिया य तीए – 'गेण्हसु, नीलजसे ! पिययममिमं तं' ॥ अह सा वि खामदेहा, घेत्तुं वसुदेवकुमरमुप्पइया । सह परियणेण वच्चइ, तत्तो य समुग्गओ सूरो ॥ अह आह हिरण्णवई, वसुदेवं - 'हे कुमार ! एजो स(एसो जो) । दीसइ हिरिमंतगिरि, कलिओ मेहप्पहवणेण ॥ एयस्स उवरि सिहरे, चारणगणसेविते परमरम्मे । अंगारगु त्ति नामे(मो), भत्तीजो असणिवेगस्स ॥ जलणवेगस्स पुत्तो, तह व्वि (तहेव वि)मलस्स पोत्तगो एसो । विज्जाभट्ठो जाओ, महाबलो खयरनरनाहो ॥ पुणरवि साहइ विज्जं, एसो सो एत्थ पव्वए दिव्वे । बहुणा कालेण इमा, सिज्झइ विज्जा पुणो रुद्धा ॥ तुम्ह उण दंसणेणं, सिज्झइ सा आसु नत्थि संदेहो । तम्हा दीसउ एसो, गंतूणं जायवकुमार !' ॥ 'दिद्वेण अलं एएण' जायवो भणइ तत्थ तं खयरिं । अह वेयड्ढे नीओ, खणेण सिवपव्वयं नयरिं ॥ तस्सुज्जाणे रम्मे, वसुदेवं जायवं परमहिट्ठा । संचलिया नीलजसा, मोत्तुं मायंगिगुणकलियं ॥ तत्तो य सीहदाढस्स, राइणो आगया य पडिहारी । दासी-दासपरिगया, गहिउं पहाणं समालहणं ॥ ण्हविऊण समालहिउं, कुमरो खयरेहिं रहवरारूढो । संपत्तो रायहरं, परियरिओ खयरवंदेहि ॥ अत्थाणत्थं दटुं, काऊण सिरंमि अंजणी(ली) पणओ । सउरी तं नरनाहं, तेण वि अब्भुट्ठिउं कुमरो ॥ पणमंतो उक्खित्तो, गहिऊणं नियकरहिं सिरकमलं । गउरविओ य; पसत्थे, दिगंमि तत्तो य कल्लाणं ॥ सह कल्लाए वित्तं, अणोवमं तत्थ जायववरस्स । नीलजसाए सद्धिं, सो अच्छइ भोगदुल्ललिओ ॥ अह ग(अ) ण्णया कयाइ, सोउं कोलाहलं तओ सउरी । पडिहार परिपुच्छइ, – 'किं एसो कलयलासद्दो ?' ॥ सा भणइ – 'अत्थि नयरं, सयडमुहं नाम एत्थ वेयड्ढे ।। नामेण नीलवंतो, नीलच्छवी तत्थ नरनाहो ॥ नीलंजणा य धया. नीलकमारो य तस्स तणयाई । संकेओ संजाओ, किल तेसिं भाइ-भइणीणं ।।
