________________
[२५८]
NNNN
दो वि तओ सवियारे, दट्ठणीसाए सारहिं भणइ । कुविय गंधव्वसेणा, - 'लहु तुरए भद्द ! चोएहि' ॥ अह सो वि भणियमेत्तो, चोएऊणं वर्णमि संपत्तो । कीलित्तु तत्थ विविहं, पुणो वि नयरीए संपत्ता ॥ वसुदेवस्स य तत्तो, सुहासणत्थस्स वुड्ढमायंगी । तेसिं मायंगाणं, मज्झाओ सपरियणाऽऽगंतुं ॥ दिन्नासीसा दिन्नासणे मुव(उव)विसित्तु भणइ - 'हे कुमर ! । साहिप्पं(ज्जं)तं सुम्मउ, संखेवेणं मया किं पि ॥ नाऽऽसी विलहण(विभयण)काले, णमि-विणमी तेण रज्जलाभत्थं । निक्खंतोसभसामि, सेवंति सपरियणा पासे ॥ तत्तो सासणकंपो, देविजुओ समेच्च धरणिंदो । विज्जाओ ते दाउं, खयरवई कुणइ णमि-विणमी ॥ तत्तो ते नमि-विनमी, दाऊण सुयाण निययरज्जाई । उसहंते पव्वइउं, पत्ता य सिवं विगयमोहा ॥ मायंगो णाम सुओ, नमिस्स मोत्तूण तत्थ सो रज्जं । पव्वइऊणं धीरो, देवत्तं सो वि संपत्तो ॥ मायंगस्स य वंसे, संखाईएस नरवरसरेस नरवइसएस । पहसियणामो राया, संजाओ तस्सऽहं भज्जा ॥ नामेण हिरण्णवई, मम पुत्तो अत्थि सीहदाढो त्ति । तह धीया नीलजसा, नच्चंती जा तए दिट्ठा ॥ सा तुह रत्ता परिणसु', सोउमिमं जायवो वि कयराओ । तं भणइ – 'कहिस्सामो, चिंतित्तु पुणो वि आयाए' ॥ इय भणिया सा विमणा, सविलक्खा निग्गया इमं वोत्तुं । 'तं वाऽवि तत्थ गच्छसि, अहं व एस्सं न याणामो' ॥ अह अण्णया निदाहे, जलकीलं काउ निब्भरपसुत्तो । गंधव्वसेणसहिओ, भूएणं चंदवयणेणं ॥ गाढं घेत्तुं हत्थे, भणिओ - 'उठट्ठ' सो वि तं सोउं । मुट्ठीहिं ताडमाणो, वेएणं कड्डिओ कुमरो । वणिभवणाओ नीओ, कमेण बी(ची)यासमीवमह जलणं । पेच्छइ य महाघोरं, तं मायंगिं च सो तत्थ ॥ 'हे चंदवयण ! आगच्छ, सागयं' तीए भणियमेत्तो सो । कुमरं पणमिऊणं, पेओ असणीहूओ ॥ भणिओ य विहसिऊणं, वसुदेवो तीए - 'चिंतियं तं ति । इण्हि पि एत्थ चिंतसु, अम्ह हियं गुरूवरोहेण' ॥
