Page Text
________________
[२२७]
NNNNNNNNNNNNNNNNNNNNNNNNNNNN
नाम धीया अवहरिया । पडिया य सा विमाणाओ वणनिरांजे । चक्कवटिपेसियविज्जाहरवाहराए सह जुज्झमाणस्स तव्वओएण य पुण [प]व्वइत्ता कयनियाणो गओ देवलोयं । तओ चुओ जाओ एसो लक्खणनारायणो त्ति । अणंगसुंदरी वि वणट्ठिया चेवुग्गतवं काऊणीसाणे देवी जाया । तओ चुया लक्खणनारायणस्सेसा जाया विसल्ला नामऽग्गमहिसि त्ति । जो य [गुण]मईए भाया गुणधरो नाम आसि सो संसारं हिंडिऊण कुंडलमंडिओ रायपुत्तो होउमी(मे)सो सीयाए [भाया] जाओ भामंडलो त्ति ।
संपयं पुण सीयासुयाणं लवणंकुसाणं पुव्वभवसंबंधो भण्णइ -
कायंदीनयरीए रइवद्धणो नाम राया । सुदरिसणा तस्स भारिया । तीए य पियंकर-सुहंकरा नाम अत्थि दोण्णि पवरपुत्ता । सव्वगुत्ताहिहाणो य रइवद्धणस्स मंती । सो य पडिकूलो नरवइस्स छिद्दाणुगवेसी वसीकयसयलरज्जो । अण्णया य विजयावली नाम मंतिभज्जा । सा य रयणीए गया रइवद्धणराइणो सयासे। भणिओ य तीए णरवई - 'ममं समाइच्छसु । अहं तुज्झाणुरत्ता समागया' । भणिया य नरवइणा - 'न जुत्तमिमं उत्तमपुरिसाणं जं परकलत्तमभिरमिज्जइ । ता न सोहणं कयं तए जमिहाऽऽगया। ता वच्च नियगेहं । तुज्झ वि न इमं परभवसुहावह' । इमं च भणिया गया सा । जाणियं च तं कह वि मंतिणा जहा - 'एसा राइणो सयासं गया । तओ कुद्धेण मंतिणा रयणीए पलीवावियं रायभवणं । गूढसुरंगाए य जग्गंतो तं नाउं सुदरिसणादेवीए सुएहि य सह णिग्गओ राया । गओ वाणारसीविसयंमि।
मंतिणा य वसीकयं तं रज्जं । पेसिओ य वाणारसीए कसिवनरिंदस्स तेण दूओ । भणावियं च जहा – '[अहं] संपयं राया । ता पडिच्छसु मम आणं, जहा रइवद्धणस्स पडिच्छंतो' । तओ तत्थ गंतुं दूएण तहेव भणिए रुट्ठो कसिवराया भणइ – 'रे ! को तस्स सामिघायगस्स बीहेइ आणं वा करेइ ? ता वच्च तुमं दूय ! साहेह(हि) तस्स जहा - ण याणसि तुमं अत्ताणयं तेण एवं जंपसि । अण्णं च मुंच इमं रज्जं, अण्णहा न होसि मम सयासाओ' । गओ दूओ । साहियं तस्स । रुट्ठो य विणिग्गओ सव्वबलेण सव्वगुत्तमंति(ती) रायाकसिवस्स उवरिं । कसिवेण समागच्छंतं [तं] सुणिऊण समागया(समीकया?) सामग्गी।
इमंमि य अंतरे संपत्तो वाणारसीए रइवद्धणो राया । परिण्णाओ य समागच्छंतो कसिवनरिंदेणं । तओ गंतूण सम्मुहं दिट्ठो सुय-कलत्तसमेओ । कयपणामेणं गरुय-विच्छड्डेणं पवेसिओ णयरीए । पविट्ठस्स य कयं वद्धावणयं । तओ सह रइवद्धणेण कसिवनराहिवो संभिट्टो सव्वगुत्तस्स रणंगणे । जुझंताण य भग्गो सव्वगुत्तो । अवहरिउं(यं) तस्स सव्वं रह-गय-तुरंगमाईयं बलं । तओ पविट्ठो अडवीए । तत्थ य जाओ
गो। पणो वि य कायंदीए जाओ रइवद्धणो राया । कसिवो वि भंजइ तं वाणारसिं नियविसयसमेयं रइवद्धणपसाएणं ।
तओ बहुणा कालेण काऊण रज्जं रइवद्धणराया निव्विण्णकामभोगो दाऊण सुयाण तं रज्जं निक्खंतो सुभाणुसूरिसमीवे । तओ कयाइ मसाणंमि दिण्णकाउस्सग(गो) तीए सव्वगुण(त्त)मंतिव(णो) [वि]जयावलीभज्जाए अट्टज्झाणाओ मरिऊण रक्खसीहूयाए दट्ठणोहिणा रइवद्धणमुणी पुव्वजम्माणुराएण बहुविहमुवसग्गंतीए वि रइवद्धणरायमुणी संपत्तकेवलो सिद्धो त्ति ।
पियंकर-सुहंकरा वि दिण्णनियपुत्तरज्जा पव्वइत्ता जाया गेवेज्जगेसु देवा । तओ चुया जाया इमे
भिल्लसमाण
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |