Page Text
________________
[२०२]
तुमं वच्चसि तत्थ पंचग्गितवं तवंतस्स तावसस्स सयासे दहणत्थमाणियाए एरिसाए कट्ठखोडीए मॉमि तुज्झ पियामहो खेमंकरो नाम मरिउं नागो समुववन्नो चिट्ठइ । ता तए सो महाणुभावो खोडिं फाडाविऊण रक्खियव्वो' । इमं च सोऊण गओ राया । फाडाविया खोडी । दिट्ठो नागो । जायपच्चओ य राया जाओ पव्वज्जाभिमुहो । तओ नाऊण भणिओ सुयरइणा 'महाराय ! न तुम्हमेसो कुलाग[य] धम्मो। तहा वि जइ निब्बंधो ता पच्छिमवए च्चिय जुत्तं वयगहणं । इमं च सोऊण मणागं भग्गपरिणामो चिंतइ राया - 'किमेत्थ मए करणीयं?' । एवं च चिंताउरं दट्टण रायाणं सर सि )रिदामाए तस्स भारियाए पुरोहियासत्ताए चिंतियं - 'अहं वियाणिया रण्णा, तेणेवमाउलचित्तो जाओ । ता जावऽज्ज वि अम्हं अवगारे न पयट्टइ ताव विणासेमि' । तओ तीए पुरोहियमएण विसं दाऊण मारिओ राया' ।
तओ दो वि [कुलं]कर-सुयरइया संसारं हिंडिऊण रायगिहे कविलबंभणस्स सावित्तीए भारियाए जमलगा विणोय-रमणनामगा पुत्ता जाया । तओ वेयपढणत्थं रमणो गओ देसंतरं । सिक्खिऊण य वेयं नियत्तो समागओ रायगिहं । न य घरमवेलं ति काउं पविट्ठो, बाहिरियाए चे[व] वसिओ जक्खालए ।
व भाउणो विणोयस्स भज्जा साहा नाम दत्तबंभणस्साऽऽसत्ता दिन्नसंकेया समागया तं चेव जक्खालयं । जायसंको य तीए चेव पुट्ठिलग्गो समागओ खं(खे)डयहत्थो विणोओ । सा वि तं चेव सुत्तं रमणमुट्ठवित्ता रमिउमाढत्ता । विणोएणाऽवि कुविएणाऽसिणा मारिओ रमणो । साहाए वि वियाणिऊण रमणच्छुरियाए विणासिओ विणोओ' ।
'तओ विणोओ संसारमणुहिंडित्ता धणो नाम इब्भपुत्तो जाओ । रमणो वि संसारमणुहिंडित्ता तस्सेव धणस्स लच्छिभज्जाए भसणो नाम पत्तो जाओ । परिणाविओ य सो पिउणा बत्तीसमिब्भकण्णगाओ । ताहिं य समण्णया(ण्णिओ) पासाओवरि विसयसुहमणुहवंतो रयणिचरमजामंमि विउद्धो सिरिहरस्स मुणिणो समुप्पण्णकेवलनाणस्स केवलिमहिमाकरणत्थमागयाणं देवाणं सकुसुम-गंधोदगवुट्ठि-देवनिनायाइ-महामहिममुवलंभिऊण । समुप्पण्णधम्मपरिणामो [य] तव्वंदणत्थमुत्तरिओ नियय(या)वासा उवरिमतलाओ। उत्तरिऊण य चलिओ मज्झेणाऽसोगवणियाए । गच्छंतो य दट्ठो सप्पेणं । ____ तओ सुहपरिणामो चेव हिंडिऊण सुहगईसु इहेव जंबुद्दीवे अवरविदेहे महाविजए रयणउरनयरे अयलचक्कवट्टिणो हरिणीमहादेवीए पियदंसणो नाम पुत्तो जाओ । पव्वइउकामो य निलंभिऊण पिउणा परिणाविओ कण्णगाणं तिण्णि सहस्साइं । तहा वि सो संविग्गो गहत्थो चेव उग्गतवं चउसटिवरिससहस्साई चरिऊण जाओ बंभलोए देवो' ।
'धणो वि भूसणपिया संसारमणुहिंडित्ता पोयणपुरे सउणग्गिमुहबंभणस्स सोयाए बंभणीए मिउमई नाम दुव्विणीओ पुत्तो जाओ । नीसारिओ य खुंढो त्ति काउं पिउणा । हिंडंतो य मेइणीए सव्वकलाकुसलो महाधुत्तो य होउं समागओ पुणोवि नियगेहं । न य कया वि सो जिप्पइ जूयं रमतो त्ति विढवियपउरत्थो वसंतसेणाए गणिया[ए] सह बहुकालं भोगे भुंजिऊण पच्छा कयसामण्णो मरिऊण(णु)ववण्णो बंभलोए देवो' ।
'तओ चविऊण मिउमइदेवो तेण पुव्वजम्मनिम्मियमायापवंचदोसेण सो वेयड्वगिरिसमासण्णमहाडवीए करी जाओ । तओ सोंडीरयाए रामणेण घेत्तुं कयमेयस्स नामं भुवणालंकारो त्ति । सीयानिमित्तेण य विणासिए रामणे संपयमेसो तुह हत्थी हूओ त्ति' ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |