Page Text
________________
[२०१]
सिग्घागमणवृत्तंतो । विहीसणेण वि सिक्खविऊण पेसिया विण्णाणियविज्जाहरा । तेहिं वि भरहस्स साहित्ता सव्वं सारविया साएयपुरी । तओ समागंतुं साहियं विहीसणस्स ।
विहीसणेण वि भणिया राम-लक्खणा – 'जइ गंतव्वमवस्सं साएयपुरीए ता पयट्टेह संपयं जेण वच्चामो' । एवं च भणिए पुप्फगविमाणारूढा सीया-विसल्लापमुहंतेउरसमण्णिया विविहविज्जाहरभडपरिवारा पयट्टा राम-लक्खणा । पत्ता विविहकाणणाइकोउगं पेच्छमाणा सुहंसुहेण साएयपुरीए । नाऊण य गयवरारूढो सम्मुहमागओ भरहराया । जायं समागमे परोप्परं साइ(य)याइ सिणेहकिच्चं । तओ पविट्ठा पुरीए । जाओ राम-लक्खणाणं जणणिसमागमाणंदो । कारावियं च सव्वत्थ भरहाईहिं परमपमोएण वद्धावणयं ति ।
एत्थंतरंमि य राम-लक्खणसमागमणेणं सिढिलीकयरज्जचित्तो पुव्वं चिय भावियमई जाओ निक्खमणाभिमुहो भरहराया । तओ नाउमेवं केगईए साहियं रामदेवस्स । रामेण वि सपरिवारेण भणिओ भरहराया जहा – 'पालिऊण निव्विग्धं रज्जं पच्छा पच्छिमवयंमि अणुन्नाओ धम्मं करेज्जसु' ।
इय एवं अइबहुयं, भणिओ रामेण भणइ तं भरहो । 'निविण्णकामभोगं, मा भायर ! मं इमं भणसु ॥ तह पुत्ता मे भा(जा)या, रज्जं परिपालियं सह जणेण ।
[तह चेव मए] दिण्णं, अत्थीण जहिच्छियं दाणं ॥ एवं च भणमाणो समुट्ठिओ आसणाओ भरहो गंतुं पयट्टो । तओ लक्खणेणुट्ठित्ता घेत्तुं करं करेण नीओ नियमंदिरे । तओ रामाइट्ठाओ तत्थेव संपत्ताओ सीया-विसल्लाईयाओ देवीओ । ताहिं य(च) विरत्तचित्तो वि बलामोडीए कीलणत्थं नीओ सरोवरे । तत्थ य ताभि(सि)मुवरोहओ खणमेत्तं कीलिऊण जाव ताहि समण्णिओ नीसरइ भरहो ताव उम्मूलियालाणखंभो नगरमुव(वेंतो सम्मुहमागओ भुवणालंकारहत्थी। तं च दटुं भीयाओ देवीओ ।
एयंमि अंतरंमी, सव्वे वि समागया नयरिलोया ।
लक्खण-रामसमेया, करिगहणत्थं ससामंता ॥ भरहो पुण तं करिं दटुं जाओ पसन्नवयणो । भुवणालंकारो वि भरहमवलोइऊण सहस त्ति जाओ विमओ । तओ रामवयणेण नीओ मेंठेण हत्थिसालाए त्ति ॥
एत्थंतरंमि य समोसरिया तत्थ ते पुव्वकहिया देसभूसण-कुलभूसणा केवलिणो । तओ तव्वंदणत्थं सपरिवारा निग्गया राम-लक्खण-भरहा । देसभूसणकेवलिणा वि दिन्नो तेसिं धम्मोवएसो । तओ लद्धावसरेण पुच्छियं रामेण – 'भयवं ! किमेस भुवणालंकारकरिवर(रो) [भर]हं दट्ठण विगयमओ जाओ?' केवलिणा वि भणियं – 'सुणह । अओज्झाए नाभि-मरुदेवीणं पुत्तेणुसभनाहेण समं चउसहस्सपमाणा खत्तियकुमारा पव्वइया । ते य भगवओ वयणमलभमाणा वणंमि तावसा जाया । तेसिं मज्झे सुप्पहरण्णो पण्हाए(पल्हायणाए) देवीए पुत्ता चंदोदय-सूरोदयाभिहाणा तावसा अनायपरमत्था संसारं हिंडिया' ।
'तओ चंदोदयजीवो गयउरे हरिमइस्स रंतो(रन्नो) चंदलेहाए भारियाए कुलंकरो नाम राजा जाओ। सूरोदयजीवो वि तंमि चेव गयउरे विस्सभूइबंभणस्स अग्गिकुंडाए बंभणीए सुयरई नाम पुत्तो जाओ । अण्णया य कयाइ कुलंकरो राया तावसासमं गच्छमाणो दट्ठणोहिनाणिणाऽभिनंदणसाहुणा भणिओ- 'जत्थ
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |