Page Text
________________
[ १७१ ]
जहा
'मम सुयं मारिऊण केहिं वि पावकम्मेहिं एगित्थियासमेएहिं दोहिं पुरिसेहिं गहियं तं सिद्धप्पायं सुज्जहासं महाखग्गरयणं । अहं च रुयमाणी गहियनिजुच्छंगसुयउत्तिमंगा तेहिं पावकम्मेहि पुत्तवहसोयसंतत्ता भणिया – “इच्छेह अम्हे, अण्णहा तुमं पित (न) होसि अम्हं सयासाओ" । तओ अणिच्छमा बलामोडीए भुंजिउं समाढत्ता । तहा वि नेच्छिया ते मया । तओ अहं दंत - नहेहिं एयारिसं पाविया अवत्थंतरं । तहा वि कह कह वि मोइऊण ताण अत्ताणयं अक्खंडियसील - चरित्ता समागया' ।
तओ पुत्तमरणं निसामिऊण खारियं खरदूसणो रामणस्स दूयं पेसित्ता सबल-वाहणो रामाइमारणत्थं संपत्तो दंडगारण्णं । दट्ठूण य समागच्छंतं नहेण खरदूसणसेण्णं सि (सी) याए भयाउराए साहियं रामलक्खणाणं । रामेणाऽवि - 'लक्खण ! एसो सो कण्णगावइरो 'त्ति पजंपमाणेणं निवेसिया कालपट्टधणुहं करालदिट्ठी । लक्खणो भण 'न जुत्तमेयं जं मए संतंमि तुम्हं रणकरणं । ता चिट्ठ तुमं एत्थेव सीयं रक्खमाणो जावाऽहमिमे माणुसकीडगे डो (मो) डित्ता समागच्छामि । परं जइ कहवि वेरियवेढिओ सीय (ह)नायमहं विहेज्जा, ता तए सिग्घमागंतव्वं' । तओ सन्नद्धसन्नाहो समारोवियकालपट्टधणुहो लक्खणो गंतूण खरदूसणसेण्णेण सह जुज्झिउं पवत्तो ।
एत्थंतरंमि पत्तो दूएणं तो ( पे ? ) रिओ निसामेउं । चंदनहा-नहदाणं, मरणं संबुक्ककुमरस्स ॥ गयणेणं दहवयणो, आरूढो पुप्फगे विमाणंमि । भव (वि) यव्वयाए कह वि, हु आगच्छंतो अहोभाए ॥ दिणदिट्ठी य पेच्छइ, रमंतिं तंमि काणणे सीयं । सह रामेण सलीलं, चिट्ठतिमित्थि (त्थी) रयणं ति ॥ सीयारूवक्खित्तो, विद्धो कामेण तिक्खबाणेहिं । दढसल्लियसव्वंगो, जहा मिगो लुद्धएणेत्थ ||
एवं च [काम]परायत्तदेहेण रामणेण अवलोइयमवलोयणीविज्जाए । विण्णायं च तप्पभावओ तेसिं चरियं जहा 'जो [जु]ज्झइ सो लक्खणो, एसो उण रामो सीयासमणिओ । संकेओ य एएसिं सीहणाय - जणिओ अत्थि । ता गंतुमेत्थ सीयाहरणत्थं करेमि सीहनायं, जेण रामस्स तत्थ गयस्स अवहरामि सीयं । एए य दो वि खरदूसणेण चेव सबलवाहणेणं मारिज्जिस्संति' । एवं च चिंतिऊण तत्थ गंतुं रामणेणं मुक्को सीहनाओ । तं च सोउं रामदेवो लक्खणकयसीहनायसंकाए गहिऊण तं वज्जावत्तगंडीवं भणिऊण य सीयं जहा – ‘सुंदरि ! तुममेत्थेव विमुक्कभया मुहुत्तमेगं जडाउणा सह चिट्ठसु जाव विद्दारिऊणाऽहमिमं दुट्ठविज्जाहरसमूहमागच्छामि' । तओ वारिज्जंतो वि दुट्ठसउणेहिं पविट्ठो रणभूमिं राम ।
―
इओ य छलहाइणा रामणेणं गयंमि रामदेवे वेएण सीयाहुत्तमवयणि (रि) ऊण धरणीए सा झड त्ति घेत्तुं (त्तु)मुप्पाडिऊण चडाविया पुप्फगविमाणे धाहावंती । कहं ?
'धा धाह धाह धावह', धाहावंती 'इमेण पावेण । निज्जामि अहं कत्थ वि, अवहरिया दुट्टपुरिसेणं' ॥
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |