Page Text
________________
[१६७]
सुयाणं सहायत्तं । ता मग्गह, जं तुम्ह समीहियंसंपाडेमि' । रामो भणइ - 'सव्वमम्हं परिपुण्णं । किंतु जइ एवं ता आवयवडियाणं सहायत्तणं करेज्जासु' । तओ महालोयणो – “एवं होउ'त्ति वोत्तुं सेसदेवेहिं गओ सटाणं ति ।
तओ वंसत्थलपरसामी समागओ तत्थेव सरप्पहो राया । पणमिऊण य रामं कणइ सव्वं पि लोइणा(भोयणा)इकिच्चं । तओ रामाणाए तेण करावियाई वसंसेलोवरिं अणेगाई जिणभवणाइं । तप्पभिई च सो रामगिरी नाम पव्वओ पसिद्धि गओ त्ति ।
तओ सोऊण समुद्दासण्णं दंडगारण्णं भणिओ रामेण लक्खणो – 'वच्चामो दंडगारण्णं, जेण तत्थ निवासं काऊण कस्स वि उवरोहमकुणमाणा चिट्ठामो' । लक्खणो भणइ – 'जं तुममाणवेसि' । तओ संभासेऊण सुरप्पभरायं पविट्ठा दंडगारण्णे ।
चिटुंति सुहेण सुहं, तंमि य ते राम-लक्खणा निच्चं ।
गिरिगुहनिवाससहिया, सीयासहिया विविहकीला ॥ तओ कयाऽवि तेसिं भोयणवेलाए गयणेणाऽऽगया तिगुत्त-सुगुत्ता नाम दो मुणिणो । ते य वंदिऊण राम-लक्खण-सीयाहिं परमभत्तीए पडिलाहिया तक्कालोचिय-भत्त-पाणएणं ति । अवि य -
जं( कं)बूदीवाहिवइ(ई), रयणजडी खेयरो कह वि जंतो । तेसिं मुणिदाणभावं, दट्ठणोयरइ धम्मत्थी ।। दो य सुरा तत्थाऽऽया, गंधुदग-हिरण्णवरिसणं काउं ।
नाउं चोत्तमपुरिसे, तेसिं सु(स)तुरयरहं दिति ॥ इओ य तत्थेव दंडगारण्णे खुसियसव्वपंख-पोड-रोमो महारोगी गंधो नाम पक्खी परिवसइ । सो य तरुट्ठिओ चेव तया साहुदरिसणेण संजाइ(य)जाइसरणो तरुसिहरादुत्तरिऊण भत्तीए निवि(व)डिओ साहुचलणेसु । ते य साहवो फरिसणोसहिसंपण्ण त्ति तप्फरिसणेण सो पक्खी पुणो वि समुल्लुहियसव्वपंख-पोड-रोमो, तहा नीसरियरयणपुंजाणुकारिसि(सी)सजडो य नीरोगो जाओ । तं च तहाविहं दट्ठण पुच्छियं रामेण – 'भयवं ! किमेयस्स पक्खिणो कारणं जेण तुम्हं पणामत्थमागंतुं चरणफरिसरसायणेणेरिसो संजाओ ?' तओ भणियं सुगुत्तसाहुणा – 'राम ! सुम्मउ । पुव्वमेसो राया दंडइ(ई) नामाऽऽसी जस्स सालओ खंदयकुमारो त्ति खंदयकुमारकहा भण्णइ -
सावत्थीए नयरीए जियसत्तू राया । धारिणी से देवी । ताणं सुओ खंदयकुमारो, धीया य पुरंदरजसा । इओ य कुंभयारकडे नयरे दंडयी नाम राया । तेण य परिणीया सा पुरंदरजसा । अण्णया य केणइ तहाविहेण पओयणेणं दंडइराय(इ)णो पालगो नाम बंभणो जियसत्तुसगासं पेसिओ दूओ । सो य कालक्कमेण पडिहारनिवेइओ पत्तो जियसत्तुसगासं । सो य राया वियक्खणो सावओ तंमि समए पंडियजणमज्झत्थो धम्मधि(वि)यारनिरओ चिट्ठइ । इओ सो पालगो बंभणो कउलो तं सोऊण धम्म दूसिउमाढत्तो । तओ खंदयकुमारेण जुत्तिकुसलेण धम्माणुरागओ सो सव्वहा निरुत्तरीकओ । तओ 'धम्मो जयइ, को संदेहो'त्ति भणंतीए सभाए बहुविहमुवहसिओ पालगो गओ निययरज्जं' ।
'सो य खंदर(ग)कुमारो संसारसुहनिम्विन्नो मुणिसुव्वयसामिणो अंतिए रायाणं पंचहिं सएहिं सह
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |