Page Text
________________
[ १६५ ]
त्ति य गुरुफेक्काररवं कुणमाणो विउव्वियबहुविहविगरालस (से) ण्णो महावेयालरूवो साहूवसग्गकरणत्थमुट्ठिओ अनलप्पभो नाम देवो ।
तत्तो दट्टं विग्घं, साहूण राम - लक्खणा दो वि । घेत्तुं ससरं चावं, सीयं मोत्तूण मुणिमूले ॥ उत्थरिया पडिहंतुं, तं भीमं भूयरक्खसाणीयं । अनलप्पभो वि देवो, ते दद्धुं तेयमसहंतो ॥ संपत्तो नियठाणं, मुणीण जायं तु केवलं नाणं । देवेहिं समागंतुं, केवलिमहिमा तओ रइया ॥ नमिऊण तओ रामो, पुच्छइ उवसग्गकारणं साहुं । तो साहिउं पयत्तो, साहू कुलभूसणो नाम ||
वा(जहा?) परमिणीपुरीए धारिणीभत्तारो विजयपव्वओ नाम राया । तस्स य अमयसरो नाम दूओ । तस्सोवओगा नाम भज्जा । तीए उदिय - मुदिया नाम पुत्ता । तहा अमयसरस्स वसुभूई नाम बंभणो मित्तो । तेण य सहोवओगा संगमं कुणमाणी अमयसरं हंतुमिच्छइ । अण्णय (या) कत्थइ दूयकज्जेणं रण्णा पेसिओ अमयसरो । सो वि य तत्थ गओ सह वसुभूइमित्तेणं । वच्चमाणाण य मग्गंमि उवओगासम्मएणं वसुभूइणा छलं लहिऊणाऽसिणा छिण्णं अमयसरस्स सीसं । तओ वलिऊणाऽऽगओ पउमिणीए जणस्स साहइ जहा - 'नियत्ताविओऽहं पओयणत्थममयसरेण' । एगंते य कहियमुवओगाए जहा 'सोहणं कयं । किंतु एए वि मम पुत्ता विसं दाऊण
—
-
'मारिओ सो मए तुह दुट्टभत्ता' । तीए भणियं
मारिज्जंतु' । तेण भणियं 'एवं कीरउ' ।
1
एसो य तेसिमुल्लावो निसुओ वसुभूइघरिणीए । तीए वि ईसाविनडियाए गंतुं साहिओ उदियमुदियाणं । उदिएणाऽवि समुप्पण्णरोसेण तिक्ख [ख] ग्गं घेत्तूणेक्कपहारेणेव छिण्णं वसुभूइसीसं । सो मरिऊण ईसिनलपल्लीए जाओ मेच्छो त्ति । अण्णया य पउमिणीपुरीए समागओ मइवद्धणो नाम सूरी । तस्संतिए य विजयपव्वओ राया सहोदिय - मुदिएहिं धम्मं सोउं पव्वइओ । अण्णया य उदिय - मुदिया सम्मेयसेले देववंदणत्थं चलिया । भुल्ला य कह वि मग्गाओ परिब्भमाणा पत्ता तमीसिनलपल्लिं । दिट्ठा य तेण वसुभूइजीवमेच्छेणं । कुद्धो य सो पुव्वजम्मवेराणुबंधेण तेसिमुवरि खग्गमायड्डिऊण वहणत्थं धाविओ। दट्ठण य मेच्छसेणावइणा निवारिओ । जओ सो मेच्छसेणावई पुव्वजम्मंमि सउणिओ होंतो । सो य आहेडिएणं मारणत्थं गहिओ संतो उदिय - मुदिएहिं पुव्वजम्मंमि करिसमे (गे?) हिं दट्ठूण मेल्लाविओ आसि ।
तओ ते निवारिओवसग्गा सम्मेयसेलसिहरे देवे वंदिऊण विहरमाणा उदिय - मुदिया सुंदर-सुकेसा नाम महासुक्के देवा जाया । वसुभूइमेच्छो वि संसारं भमित्ता लद्धमाणुसजम्मो तावसो होऊण जोइसियसुरो धूमकेऊ नाम जाओ । सुंदर - सुकेसा वि चविऊण सुक्काओ इहेव भरहवासे अरिट्ठउरे नयरे पियंवयस्स रण्णो कयणा( कणया ) भाए भज्जाए रयणरह - चित्तरहा नाम पुत्ता जाया । धूमकेऊ पुण वधि (चवि) ऊण तस्सेव रण्णो कणयाभाए भज्जाए अणुद्धरो नाम पुत्तो जाओ । सो य समच्छरो रयणरह-चित्तरहोवरि न यते तस्सोवरि ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |