Page Text
________________
[१५५]
सो पुरिसो – “कहं तुम इमं वियाणसि ?" तेण भणियं - "सुम्मउ, कइंदपुरे(कुंदपुरे) नयरे संगामो अत्थि वाणियगो । जउणा से भज्जा । तेसिं विज्ज(ज्जु )अंगो नामाऽहं सावगो पुत्तो । पत्तो य जोव्वणं । समागओ उज्जेणीए गहिऊण कयाणगं कयविक्कयनिमित्तेण । तत्थ य अणंगलयं वेसं दट्ठण विद्धो कामसरेहिं । न लहामि धियं(इं) विणा तीए । वसिउमारद्धो समं तीए । विणासियं च सव्वं पिउणा विढत्तं सह तीए अत्थजायं" ।'
___ 'भणिओ य अण्णदिणे अहं तीए – “सीहोयरस्स राइणो सिरिधराए महादेवीए जारिसाई पवरकुंडलाई चिटुंति कन्नेसु तारिसाइं ममं सिग्धं घडावेसु" । मए भणियं - "घडावेमि" । विणा य अत्थेण न पारिज्जंति घडाविउं । तओ मए चिंतियं – 'अवहरामि ताणि चेय राइणो पत्तीए कुंडलाई । जओ न अण्णाई मम संवहति । तेहि य विणा म(न) एसा मम भविस्सइ । अहं च न इमीए विणा पारेमि खणमवि अच्छिउं' । इमं च चिंतिउं समागयाए रयणीए वंचिऊण सव्वे वि पाहरिए खणियं खत्तं रायभवणे। ग[ओ] उवरिमतलं, जत्थ अच्छइ राया समं सिरिधराए ।'
___'एत्थंरंमि उ पुच्छिओ सीहोयरो महादेवी[ए] जहा – “महाराय ! किं ते अज्ज उव्वेवकारणं ? जेण चिंताउरो व्व लक्खिज्जसि? न सेवेसि अरुच्चणिमिव नारिं मणायं पि निदं?" रण्णा वि साहिऊण पुव्वुत्तं वज्जयन्नवइयरं भणिया देवी - "जाव दुव्विणीओ दुट्ठनराहिवो म(न) सो मए मारिओ ताव नत्थि मम निद्द"त्ति । इमं च निसामिउं चोरियानियत्तोऽहं साहम्मिइ(य)त्तणओ तुरियतुरियमेत्थाऽऽगओ । कहिया तुह वत्ता । संपयं पुण जमुचियं होइ तं विहेज्जसु' ।'
'तओ सोऊणेवं कया वज्जयण्णेण नयरगुत्ती । पिहियाइं दाराइं । कइं(यं) सव्वं कण-तण-जलाईहिं अक्ख(क्खू)णं । इमंमि य अंतरे पेसिओ सीहोयरेण वज्जयन्नस्स दूओ, भणावियं च - "जइ ममाऽऽगंतुं न य णमसि(न पणमसि) ता तुह नत्थि जीवियं" ।'
तं भणइ वज्जयन्नो, 'गेण्हउ राया पुरं च देसं च । गय-तुरय-दव्वजायं, अण्णं पि य अस्थि जं मज्झ ॥ किं तु मम धम्मवारं, देउ नरिंदो वयामि जेण अहं । अंगंतेउरबीओ, अवरं देसंतरं किंपि ॥ जा पुण मए पइण्णा, गहिया जह - देवया य साहू य ।
मोत्तु न नमामि अवरं, सा न चलइ एत्थ जम्मंमि' ॥ इमं च निसाम(मि)उं दूओ साहेइ सव्वं गंतूण सीहोयरस्स । सीहोयरो वि इमं देसं चूरमाणो गंतुं रोहेइ दसपुरं, न देइ वज्जयन्नस्स जायमाणस्स वि धम्मदुवारं । अच्छइ य सो एवं तत्थ तेण रोहिओ। ता देव ! इमं इमस्स देसस्स उव्वसणकारणं तुम्ह साहियं ति । जं पुण तुम्हेहिं पुच्छियं - 'कत्थ चलिओ?' तं पि स(सु)म्मउ । अहमेयस्सेव देसस्स एगंमि गामे वसमाणो संपयं फंफसीए नासिऊण अन्नत्थ गओ । न य संवाहाभावओ भंडगाणि नेउं सक्कियाणि । तेसिं च गहणत्थं पुणो वि महेलिहा(या)ए पेसिओ । ता सामि मोक्कल्लेह मं जेण ताणि घेत्तुं वच्चामि' । तओ सोउमेवं दिण्णं कडिसुत्तयं तस्स रामदेवेण । सो य कयपणामो कडिसुत्तयं घेत्तुं गओ भंडगहणत्थं ति ।
तओ राम-लक्खणा पयट्टा दसपुराभिमुहं । पत्ता तस्स बाहिरुज्जाणे । तत्थट्ठियदेवहरंमि य
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |