Page Text
________________
[ १५३ ]
जणओ वि पणमिऊणं, नियत्तिओ राम-लक्खणेहिं सो । अणवरयं मुज्झंतो, पोयमाणो सुए बेवि ॥
मंतियणं पि असेसं, स (सा) मंतजणं च सेवगजणं च । नायरजणं च सव्वं, नियत्तियं रामदेवेण ॥
साएयपुरी जाया, अण्णं (सुण्णा ?) वि[व] रामलक्खणविओए । न जणइ जणस्स धी (धि) इं, उव्वेवं जणइ दीसंती ॥
ते य रामलक्खणा वसिमं वसिमेण वच्चंता खाण - पाणवत्थाईहिं सम्माणिऊण धरिज्जंता वि जण बलामोडीए वणमणुसरंति त्ति ।
इओ य भरहो ताण विओए विमण-दुम्मणो विवज्जियसयलकरणीओ नेच्छइ जणएण दिज्जमाणं पि तं रज्जं । एवं च आयण्णो दसरहराया पेसेइ सयलसामंते राम-लक्खणनियत्तणकए । दिट्ठा य हिं वच्चमाणा पच्छिमदिसाहुत्तं । पणमिऊण य भणिया बहुविहं पल्लट्टणनिमित्तं । जाहे न नियत्ता बहुविहं पि भणिज्जमाणा, तओ ते वि पत्थिया स(सा) मंतेहिं (ता) न नियत्तंति भणमाणाण वि राम-लक्खणाणं ।
तओ पत्ता पारियायदेसासण्णं अणेयदुम- सावयाउलं प( पा ) रियायं नाम महारण्णं । तत्थ य गंभीरावत्ता नाम अगाहा महानई । तहिं निव्वत्तियखाण - पाण- भोयणा भणिया ते रामदेवेण 'इमा अणोरपारा अइदुत्तरा महानई । इमं च वसणाइ [ अ ]विरहियं अणेयपच्चवायं भीमसावयाउलं महारण्णं । ता नियत्तियव्वं तुम्हहिं । न एत्थ अस्थि निव्वाहो । तहा अम्हसंतिया गंतूण साहियव्वा ताय - भरहाइयाणं सव्वेसिं कुसलपत्ती' । एवं च संबोहिऊण बहुविहं नियत्तिया ते बलामोडीए पउम - लच्छीहरेहिं ।
-
तओ काऊण भुयावलग्गं सीयं तरिऊणुत्तरिऊणुत्तार (रि) ओ तं नई रामदेवो सह लक्खणकुमारेण । ते वि विलोयमाणा ताव ठिया जाव ते समुत्तरियसरिया अदंसणमुवगया । [तओ] नियत्तिऊण समागया साएयपुरिं । सिद्धं च दसरह - भरहाइयाणं सव्वं जहावत्तं । दसरहेण भणिओ भरहो - 'न ते ताव नियत्ता | ता सुत्त (य) ! उवविससु तुमं रज्जे । अहं पुण करेमि पव्वज्जं' । न इच्छियमणेण भणियं च 'ताय ! नियत्तावेमि ते अहं गंतूणं' ।
-
-
इमंमि अंतरे दट्ठूण अणवरयं महासोयपूरियहिययाओ पइदिणं पि पुत्तसोएण कलुणसद्देण सदुक्खं रुयमाणी[ओ] राम-लक्खणजणणीओ [पेच्छिऊण] पच्छायावेण पुण समागयचित्ता ( ? ) समागया केगई । भणिओ य इमाए सह भरहेण दसरहो 'न सोहए निक्कंटं पि भरहस्स दिज्जमाणं इमं रज्जं विणा रामदेव-लक्खणकुमारवरेहिं । अण्णं च तेसिं जणणीओ तव्विओगजणियगुरुसंतावाओ महादुक्खदुक्खियाओ रुयमाणीओ दुहं चिट्ठति । ता नियत्तावेहि पुत्त (त्तं) गतुं मए सहिओ ते कुमारे' ।
इमंमि भणिए, सह जणणीए सामंत- मंतिलोयसहिओ पयट्टो भरहो दसरहाणुमएण । पु ( प ) त्तो अणवरयपयाणएहिं तं रण्णं । दिट्ठा य समं सीयाए समावासिया रण्णमज्झे कुणमाणा वणफलेहिं सरीरट्ठिइं । दट्ठूण य समागंतुं सम्माणिया पायवडि (ड)णेण तेहिं तह सीयाए य केगई भरहमाया । अवगूहिओ य भरहो पायवडणुट्ठिओ सह सामंतलोएण । अच्छिऊण य सुहेण पमोयवत्ताकहाहिं कयउचियपाणवित्तिणा सुहासणत्थेणं सव्वेसिं भणियं भरहेण 'किमणाहं मं मोत्तूण पत्थिया तुम्हे वणवासं ? ता पसिऊण कयगुरुअणुग्गहा नियत्तेह । तायवयणमणुमन्नह । तहा कुणउ जेट्टभाया रामदेवो रज्जं, लच्छिकुमारो हवउ प ( अ ) त्थाणमंती,
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |