________________
[ १४८ ]
तत्तो कि(क)यसिंगारा सीया वि सपरियणा विभूईए । अवयरिउं रंगसहं, पविसइ तं धणुहवरसालं ॥ परिपूइऊण धणुहं, सीया काउं मणंमि रामं च । पूए [इ] कामदेवं, रामवरत्थं समणुरत्ता ॥ तत्तो तं रंगवरं, रामाइविभूसियं नियंतीए । नामग्गाहं सव्वे, कंचुइणा दंसिया तीए ॥ मंतीहि वि ते भणिया, 'वज्जावत्तं धणुं चडावेइ । जो तुम्हमिमं खयरा !, सो चेव लहिस्सए सीयं' ॥ सोउमिमं ते सव्वे, अहमहियाए झडत्ति समकालं । वेएण धावमाणा, संपत्ता धणुसमीवंम ॥ तं पि पलोइयमेत्तं, धणुहं [ किर] देवयापहावेणं । सोरग - जलणपलित्तं, ते सव्वे दहिउमादत्ता ॥ तत्तो जलणपलित्ता, जीयं घेत्तुं झड त्ति नासंति । जीवंतनरोऽवस्सं, पासइ भद्दाणि इइ मुणिउं ॥ नवकारिऊण भीया, भांति अच्चंतवेविरसरीरा । 'कुणउ सिवं [.....], पसिउं कण्णा य धणुहं च ॥
जइ वि विरूवा उ दढं, घरिणीओ अम्ह मणसा वि तह वि ।
सीयं नाऽहिलसामो, कया निवित्ती धुयमिमी ' ॥
इय विलवंते खयरे, दट्ठण समुट्ठिओ तओ रामो । सव्वे मंभीसंतो, उवसग्गं तं निवारंतो ॥ तत्तो नियसत्तीए, तं धणुहं वामपाणिणा घेत्तुं । नियचलणोवरि कोडिं, काऊण चडावियं तेण ॥ तत्तो साहुक्कारे, सव्वेहिं वि खयरेहिं घुट्ठमि । अप्फालिऊण पुणरवि, गुणाउ विहडावियं चावं ॥ 'कुणसु सजीवं' भणिओ, य लक्खणो तेण वि तहेव । सज्जीवं काऊणं, अप्फालेउं पले मुक्कं ॥
एयंमि अंतरंमी, सीया तुट्ठा गलं [ मि] रामस्स । खिवइ[य मालं] तेण वि, परिणीया सा विभू[ई]ए ॥ भरहो वि रामसत्ति, दट्ठूण अणोवमं अइविसण्णो । चिंतइ मणेण – 'पेच्छह, जायाण वि एक्कजणएणं ॥ पुण्णेहिं एस अहिओ, महिलारयणं जगुत्तमं सीया । लद्धा तेण इमेणिं, कायव्वमओ मया पुणं' ॥
