________________
[ १३८ ]
होऊण चुया य तओ, जाया धूया महिंदरायस्स । अंजणसुंदरिनामा, पवणंजय भारिया एसा ॥
पडिमा दुट्ठवणकयं, कम्मं अज्ज वि व (वि) यंभइ इमाए । न लहइ तेणऽवयासं, सव्वत्थ वि मणुयमज्झमि ॥ संपइ खीणप्पायं, अणुहूयमिमाए गरुयदुक्खेण । ता गिण्हह जिणधम्मं, न पुणो जेणेरिसं होइ ॥ एसो य इमीए गब्भो, पुत्तो होऊण लद्धसम्मत्तो । विज्जाहरवरराया, होही तइलोइ (य) विक्खाओ || थोयदियहेहिं होही, इमीए सह पिययमेण संजोओ । हणुरुहनयरेऽवस्सं, गयाए नियमाउलगिहंमि' ॥ दिन्नो य दिसाबंधो, सावयभयरु (र) क्खगो मुणिवरेण । भणिआओ 'अच्छह सुहं, आगच्छइ माउलो जाव' ॥ कहिऊण तओ धम्मं, मुणिसुव्वयजिणवरं मणे तेसिं । ठविऊण तेहिं नमिओ, गओ मुणी गयणमुप्पइओ || मुणिसुव्वयतित्थयरं, पूयंति नमंति तत्थ वदंति । ताओ तिसंझयालं, विणणं गरुयभत्तीए ॥ अच्छंति सुहेण तर्हि, भयरहियाओ गुहानिवासेण । सयणासणमाईयं, पाणाहाराइयं तह य ॥ तक्कालदेससरिसं, फणि (ल) - कंद - पवालमाईयं ताए । सवयं (सव्वं) वसंततिलया, संपाडइ तम्मि रन्नंमि ॥ तत्तोऽन्नदिणे पसवइ, देवकुमारसममंजणा पुत्तं । तमुच्छंगेण घेत्तुं झूरंती भणिउमादत्ता ॥
'पुत्त ! किमेत्थाऽरण्णे, तुह जम्ममहूसवं पयासेमि ? । तम्हा वद्धावणयं, तं वि ( तंमि ? ) जयंते मुहं दिट्ठ' ॥ भणइ य वसंततिलया, 'सामिणि ! तं मुंच संपयं खेयं । जह मुणिकहिओ पुत्तो, जाओ; तह ते सुहं होही' ॥ तासिं च सोउमेवं, परोप्परुल्लावमागओ खयरो । सहसा बहुपरिवारो, पुच्छइ ' तुब्भेऽत्थ काओ ?' त्ति ॥ कहइ य वसंततिलया, तं सिट्टं दट्टुमंजणाचरियं । तो भइ सअंसुवाओ, सो 'भाणेज्जा ममेस'ति ॥
'जं हणुपुर - भाणुनिवो, सुंदरिमो (मा) लासुयस्स मे ताओ । हिययस्सुंदरिभाया, तेणीए मामओ होमि ॥ पडिसुज्जओ त्ति नामं, तुम्ह समीवाओ तत्थगयमुणिणो (णा) । जाणाविओ सरूवं, तुम्हाणयणत्थमायाओ' ॥
