________________
[१३७]
बंधवजणेण चत्ता, अयाणमाणेण गब्भदोसेण । पत्ता य(ए)त्थ य रण्णे, भममाणी अंजणा नाम ॥ ता कहसु भयवमम्हं, को एसो अंजणाए गब्भत्थो ?। केण व कम्मेणेसा, पत्ता दुहमेरिसमउव्वं ?' ॥ इय पुच्छियो(ओ) तिनाणी, सो भणइ मुणी - 'सुणेह साहेमि । जंबुद्दीवे मंदिरनयरे पियनंदि नामाऽऽसी ॥ तस्स य जयनामाए, पुत्तो भज्जाए नाम दमदंतो । सो पेच्छिऊण साहू, धम्मं सोऊण पडिबुद्धो ।। दाऊण साहुदाणं, काउं तवं संजमं च ईसाणे । देवो जाओ मरिउं, तओ चुओ जंबुदीवंमि ॥ *अरुणप्पहंमि नयरे, जाओ सो सीहवाहणो नाम । हरिवाहणस(स्स) पुत्तो, कंताए सुकंठनामाए । विमलजिणपवरतित्थे, निक्खंतो लच्छिवाहणसयासे । मुणिणो तव-नियमरओ, चरिऊण य तत्थ वरचरणं ॥ मरिउं लंतयकप्पे, तओ चुओ एस अंजणागब्भे । उववण्णो पुण होही, पवरसुओ एस विक्खाओ ॥ गब्भस्स संभवो ते, कहिओ एसो; सुणाहि एत्ताहे । तुहसामिणीदुक्खं, संजायं विरहजं जेण ॥ कणयपुरे कणयरहो, राया कणओयरी य लच्छिमई । तस्सऽत्थि भारियाओ, लच्छिमई साविया तत्थ ।। नियघरजिणायलं(लय)मी, रयणमयिं सा जिणिंदवरपडिमं । पूएइ नमइ वंदइ, अणवरयं उभयकालं पि ॥ तीए विरहे सा मच्छरेण कणओयरीए जिणपडिमा । पे(घे)त्तुं कियारमज्झे, पक्खित्ता असुइठाणंमि ॥ एत्तो य विहरमाणा, अज्जा नामेण जयसिरी दटुं । तं भणइ – “धम्मसीले ! कणओयरि ! किं तए वत्ता(खित्ता)? || पढमे(पडिमे)सा; न हु जुत्तं, पावं एवंविहं समायरि । जिं(जं) जिणपडिमावण्णा, भवदुक्खपरंपराहेऊ" ॥ इय सोऊण(सोउं) संविग्गा, पच्छायावेण वोयणा संती । अज्जे(ज्ज) भणिउं पडिमं, निवेसए निययठाणंमि ॥ तप्पभिई सम्मत्तं, लहिउं धम्मं च जिणवरुद्दिटुं ।
काऊण मरणयाले, मरुओ(मरिउं) देवी पढमकप्पे ॥ मियंकनयरे हरिवाहण-पियंगुलच्छीण सीहचंदो नाम पुत्तो, तओ अरुणपुरे सुकंठ-कणओयरीण सीहवाहणो नाम पुत्तो त्ति
पउमचरियंमि ॥
