________________
[१३९]
NNNNNNNNNNNNNNNNNNNNNNNNNNNNNNNNNNNNNNNNN
नाउमिमं जाणावियं, रुन्ना कलणेण दीणसद्देण । संभरियपुव्वदुक्खा, माउलयसमागमे तं च ॥ संठविउं रोवंति, पडिसुज्जो सरि(ह)समागयं खयरं । नेमित्तियमापुच्छइ, रासिफलं जायबालस्स ॥ सो भणइ – 'पंचमंसे, रासिस्स जेणिमो बालो । तेण बहुखेयराणं, राया होउं सुगइगामी' ॥ तो तं पूजिय चलिओ, पवरविमाणेण हणुरुहपुरंमि । ससुया ताओ गहिउं, नहेण पडिसुज्जओ ताहे ।। किंकिणिजालं दिढे(दटुं?), विमाणभूसयं(ण) चहुं वा तं(गहेउं तं?) । बालो माउच्छंगादुच्छलिय नगोवरि पडिओ ॥ वज्जतणुणा य तेण य, दूराओ निवडिएण सो सेलो । विहडियसिलसंघाओ, सयहा संचुण्णिओ सव्वो ॥ दट्ठण निवडियं तं, रोइइ सा अंजणा - 'निहिं दाउं । उत्तोलियाई दोण्णि वि, अच्छीणि समं'ति भणमाणी ।। अवयरिउं सा सिग्छ, गेण्हइं(गेण्हिउं) पडिसुज्जएण सह बालं । धाहारवं मुयंती, गिरिसिहरसिलायले [प]डियं ॥ निरुवहयसव्वदेहं, दटुं हरिसेण निब्भरा जाया । गेण्हइ पसंसमाणा(णो), बालं पडिसुज्जओ ताहे ॥ तीए समप्पिउं तं, पुणरवि जाणेण हणुरुहपुरंमि । पत्तो कमेण गंतुं, पवेसिओ गुरुपमोएण ॥ जम्मूसवं महंतं, विहिउं वद्धावणाइयं सव्वं । हणुओ त्ति कयं नाम, जेण गओ हणुरुहपुरंमि ॥ बीयं पुण सिरिसेलो, जं सेलो चुण्णिओ निवडिएणं । सव्वजणाणंदयरो, सुहेण सो वड्डए तत्थ ॥ एत्तो य रामणो तं, वरुणं जाहे न साहिउं तरइ । पवणंजओ वि [ता] हे, संधि(धि) काऊण तेण समं ।। खरदूसणं मुयावइ, तुद्वेण य वा(रा)मणेण पवणगई । संमाणिऊण गाढं, विसज्जिओ नियपुरं पत्तो ।। कयगुरुजणपणिवाओ, अप्पेच्छमाणो तमंजणं तत्थ । पुच्छइ मित्तं तेण वि, कहिओ य नाउं जहावित्तं ।। जह 'जायगब्भदोसा, निब्भच्छेऊण तुह जणणीए । निद्धाडिया रुयंती, वराइणी दीणसद्देण ॥ आरक्खिएण मुक्का, नेऊण महिंदपुरवरासन्ने । संझाए रन्नमज्झे, एत्तो य परं न याणामि' ॥
