________________
[ १३५ ]
सा गब्भलक्खणेहिं, नाउं पवणंजयस्स जणणीए ।
भणिया 'हा ! किं पावे !, कई (यं) तए पइपरोक्खंमि ?' ॥ सा तीए पायवडिया, साहइ पवणंजयस्स आगमणं ।
मुद्दं च पच्चयत्थं, केउमईए पयंसेइ ॥
सा भणइ य
'तुज्झ पावे !, नामं पि न जो कयाइ गेण्हंतो । सो किह दूरपवासं, गंतूण समागओ एत्थ ? ॥ धिद्धित्ति विगयसीले !, कम्मं एयारिसं कुणंतीए । नियकुलकरं(लं)ककारिणि !, कुलमसिकुच्चो तए दिन्नो || ता दुट्ठे ! गयलज्जे !, पवसियसीले ! अहम्मकयकज्जे !! दुवा (च्च) रिए ! अणज्जे ! विगयभए ! कुलकलंकयरे ! ॥ वच्चसु मम गेहाओ, [ एत्थ ] न एयारिसाणमवयास । निस्सीलविणट्ठाणं, दुच्चारिणि ! तुज्झ सरिसाणं' ॥ एय एवमाइ सविउं, दुट्ठेहिं दुहावहेहिं वयणेहिं । दुक्खभरनिस (ब्भ) रंगी, दीणा दुहिया कलुणवयणा ॥ हियए निरुद्धदुक्खा, सोयंती निययदुक्खनियरे य । उवलब्भंती य दढं, निया (य) याई चिरजम्मकम्माई ॥ नीसारिया गिहाओ, उवालभेऊण दुट्ठवयणेहिं । आरक्खिओ य भणिओ, 'नेह इमं जणयगेहंमि' ॥ तेण वि जाणारूढा, वसंततिलयाए अंजणा सहिया । मुक्का खमाविऊणं, महिंदनयरस्स आसण्णे ॥ एत्थंतरंमि सूरो, अत्थमिओ अंधयारदुप्पेच्छा । जाया रक्खसिरूवा, रयणी (णि) बहुसावयसय [ किण्णा ] ॥ किच्छेण कह वि रयणी, निद्दारहियाण ताल (ण) वोलीणा । उइए दिवायरंमी, गयाओ पिउसंतियं नयरं ॥
तत्थ वि राउलबारं, गयाओ रुद्धाओ दीर (ण) विमणाओ । एगागिणीओ दट्टु, पडिहारेणं विसंतीओ ॥ सिद्धं च पुच्छियाए, वसंततिलयाए जं जहावित्तं । पडिहारस्स असेसं, पवणंजयसंगमाइयं ॥ पडिहारेण वि तुरियं, तासिं च (व)त्ता तहेव गंतूण । आगमणंता सव्वा, महिंदरायस्स परिकहिया ॥ सोऊण लज्जिओ सो, अहोमुहो चिंतिउं समाढत्तो । 'पेच्छह मम वयणिज्जं, समागयं धूयसंजणियं' ॥ सुणियं (उं) पसण्णकित्ती, महिंदरायस्स अंगजो भइ । 'निवाडेह लहुं तं पावं कुलदूसणिमणि (ण) ज्जं' ॥
-
—
