________________
[ १२२]
तओ वंदिऊणुत्तरंतस्स परिवारस्स दससिरस्स सुणिऊण विज्जाहरकलयलसद्दं गुलुगुलिओ महारवेणं वणहत्थी । तं च दट्ठूण भणिओ दहसिरो पहत्थविज्जाहरेण 'देव ! गेण्हसु इमं हत्थिरयणं जं देवाण वि दुगे(ग्गे)ज्झं' । दससिरो [वि] विविहकरणेहिं परिस्समं नेऊणाऽऽरूढो वणहत्थिखंधे, कयं च तस्स नाम भुवणालंकारोति । तओ वसिओ कयवद्धावणओ तत्थेव तं रयणि । पहाए पट्ठिओ अत्थामंड गयकहाहिं य चिट्ठिउं पयत्तो सह भडेहिं ।
एयंमि अंतरेण अणो (णे) यपहारज्जरियसरीरो पवणव (ग ) ई नाम खयरो समागओ, नेहेणं पणमिऊण यदहवयणं उवविट्ठो साहिउं समारद्धो ‘देव ! पायालपुराओ रिक्खरया - ऽऽइचरया गया किक्किंधम्मि जमालिसु (जमस्सु)वरिं । जायमाओहणं । जुज्झताण य गहिया जमेण रिक्खरया - ऽऽइच्चरया । काराविया तेण वेयरणिमाइया बहवे नरया । गहिया बहवे य वानरभडा । तेसु य नरएसु ते दुक्खमणुहवाविज्जंति । इमं च दट्ठूण जमविचेट्ठियं (य) म (मि) हाऽऽगओ तुरंतो रिक्खरयाइच्चरया (य) संतिओ भडोऽहं । ता देव ! ता(तहा) कुणसु जहा तेसिं दुक्खविमोक्खो हवति' ।
त(ग)ओ य तस्स घाए भंजावेत्ता किक्किंधिपुरं दहवयणो । विद्धंसिया य तेण जमस्स नरया । उत्तासिया नरयवाला । सिद्धं च तेहिं जमस्स दहवयणागमणं । जमो वि निग्गओ सबलवाहणो जुद्धसज्जो । दससिरेणाऽवि गुरुपहारजज्जरियसरीरो काउं पाडिओ धरणीए मुच्छिओ य ।
य
-
गहिऊण सुएण तओ, कयंतनामेण परियणसमेओ ।
इंदसयासे नीओ, रहनेउरचक्कवालपुरे ॥
भणिओ य तेण राया
-
'देव ! विमुक्कं मए जमत्तणं । न मम कज्जं दिसावालत्तणेण । अवि
रूसह जइ वा तूसह, सव्वं वा जीवियं हरह जइ वा । उग्गं च कुणह दंडं, न करेमि जमत्तणं कह वि ॥ वेसमणो दिसिवालो, जेण जिओ तहा गओ वणे गहिओ । गहिउं देवेहिं वि न, सक्किओ किं नु खयरेहिं ? ॥ भग्गो मडप्फरो देव !, तेण जमवायसंतिओ मज्झ ।
तमिह (ता गिण्ह) जमि (म) त्तमिमं पयच्छ अण्णस्स वा एत्थ ॥ सोउमिमं जमवयणं, कयरणचित्तो वि मंतिजणरुद्धो ।
देइ पुरं वेयड्ढे, सुरसंगीयं जमस्सिदो ॥
दससिरो वि किक्किंधिपुरमाइसू (च्च) रयस्स रिक्खउरं रिक्खरयस्स [य] दाउं पुप्फगविमाणारूढो महाविच्छेड (ड्डे)ण पविट्ठो लंकापुरीए रज्जं कुणइति ।
इओ य आइच्चरयस्स किक्किंधिपुरे इंदुमालिणीए महादेवीए जाओ वाली नाम पुतो । बीओ सुग्गीवो, सिरिप्पभा एएसिमुवरि जाया । तहा रिक्खपुरे आइच्चरयभाउणो रिक्खरह (य) स्स हरिकंताए भारियाए जाया नल-नीलनामगा दो पुत्ता । आइच्चरओ वि वालिस्स रज्जं दाउं सिद्धो त्ति ।
इओ य दससिरस्स भगिणी सा चंदनहा नाम कण्णगा मेहप्पहविज्जाहरपुत्तेण खरदूसणेण कह वि
