Page Text
________________
SANNNNNNNNN
ormmmmmmmmmm........... [१२१]
भणियं – “जो ते सुयस्स रयणासयस्स पुत्तो भविस्सइ तस्सयासाओ सव्वमिमं संपज्जइ । सो य सूयाओ डित्थो चेव तुम्हं साइसयं हारं पुव्वपुरिसकमागयं करेहिं घेत्तुं नियकंठे विलपं(सं)तो नायव्वो । तहा सो भरहद्धसामी महाबलो सत्तवीरियसंपन्नो होऊण पडिवक्खसेविओ महारायाहिराओ भविस्सइ" ।' ___'इमं च सव्वं साहिन्नाणं तए समुववन्नेण अम्ह संजायं । तो भविस्सइ तुह सयासाओ अम्हं सव्वं साहुसमाइ8 रक्खसवंसस्स समुन्नइकरणं'ति । इमं च निसामिऊण हरिसिया सव्वे वि रक्खसभडा । दससिरेण वि सहरिसमेव समाइच्छियं तं तस्स वयणं । एवं च सिद्धविज्जो दससिरो सह सयलबंधवेहि सुहंसुहेणं चिट्ठइ त्ति ।
इओ य वेयड्डनगरे(नगे) दाहिणाए सेढीए सुरसंगी[य]पुरवरे मओ नाम खेयराहिवई । हेमवई तस्स भज्जा । तीए मंदोदरी नाम पवरदुहिया । सा य जोव्वणत्था पिउणो चलणाणं वंदणत्थं जणणीए पेसिया । पणिवइओ य सो तीए । तओ जणएण सम्माणिया सगिहं गया । पुच्छिया य तेण मंतिणो - 'कस्स उण एसा मए पहाणधूया दायव्वा ?' मंतीहिं वियारिऊण सह मयखयरीसरेण रूव-पयाव-विज्जासामत्थाई सयलविज्जाहरेसराणं भणियं - 'दहवयण[स्स] इमा पवरकण्णा जोग्गत्ति अम्ह मई'। तओ मएणाऽवि भणियं – 'एवमेयं' । काऊण य सयलसामगिंग विवाहस्स सपरियणो घेत्तूण मंदोयरिं सयंवरणत्थं दससिरपुव्वा(रा?)भिमुहं चलिओ मयराया । जाणावियं चऽणागयमेव सुमालिपमुहाणं सयंवरकन्नागमणं । तेहिं वि महाविभूईए विवाहिओ दससिरो मंदोदरं । तीए य जाया कालेजिंदजि-मेहवाहणनामपुत्त त्ति ।
कयाइं च कीलणत्थं दससिरो गओ मेहरह(व)गिरिं । तदुवरिं च पहाणसरे विज्जाहरकन्नगाणं छसहस्साई मज्जंताई पेच्छिऊण गंधव्वविवाहेण परिणेइ । तओ महल्लएहिं गंतूण कहियं तासि पिऊणं जहा - 'दहमुहेणं परिणीयाओ तुम्ह दुहियाओ' । तेवं ति(ते वि तं) सोउं दससिरस्स पिट्ठओ निग्गया जुज्झसज्जा। दससिरेणाऽवि ते सव्वे हुँच-विलुंचिज्जंता मोयाविया नियधीयाहिं गया सट्ठाणं । दससिरो वि ताहिं समं संपत्तो नियपुरं ति ।
इओ य कुंभय(उ)रे महोयरो नाम राया । तस्स सुरूवनयणाए भज्जाए तडिमाला नाम धीया,
र(न्ने)ण परिणीय त्ति । तहा वेयड्ढदाहिणसेढीए जोइप्पहपुरे वीरो नाम राया । तस्स [नंद]वईए भारियाए पंकयसिरी नाम दुहिया । सा विहीसणेण परिणीय त्ति ।
अण्णया य कुंभयण्ण-विहीसणा गंतूण सग्गलंकाओ रि[उ] विसयाओ वेसमणिददिसापालसंतियं गय-रहि(रहाइ)यं धाडीए पुणो पुणो घेत्तुमागच्छंति । तओ वेसमणेण नाउमिमं सुमालिस्स पेसिओ दूओ भणावियं च – 'किमेए तुह दुदंतकुमारा कालकवलिया जेणेवं मए सह खउलिंति ?' इयं(य)जंपियावसाणे गहिऊणं अमरिसेण चलणेसु कड्डाविज्जइ दूओ पुरिसेहिं कुंभयन्नेण । एवं च विमाणिओ दूओ गंतूण वेसमणस्स साहेइ । वेसमणो वि तं निसामिऊण अईव संखुद्धो सबलवाहणो निग्गओ जुद्धसज्जो । दससिरो वि तहेव निग्गंतु तेण समं जुज्झिउं पवत्तो । वेसमणो वि – 'ममेसो समहिओ बलेणं । ता अकयपरलोयस्स मा ममेत्थ रणे मरणं होउत्ति चिंतिऊण विज्जुक्खित्तकरणेण दूरमोसरित्ता ठिओ काउस्सग्गेणं ति । दससिरो वि तं तहा दटुं पाएसु पडित्ता – 'खमसु मम जं दुच्चं(च्चे)ट्ठियं । तहा तुमं पि भाया, ता कुणसु सह अम्हेहिं रज्जं'ति पुणो पुणो विन्नवेइ । एवं च भणिओ जाहे न देइ पडिवयणं ताहे खामिऊण आरूढो वेसमणस्स पुष्फगं नाम विमाणं, गओ य सपरिवारो तदारूढो सम्मेयसेलसिहरे पडिमावंदणत्थं ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |