Page Text
________________
[१२०] इओ य वेयड्डपव्वए कोउगमंगले नयरे दो(वो)मबिंदू नाम राया । तस्स कोक्कसी-केक्कसी नाम दो धूया । तत्थ कोक्कसी जक्खउरे वीससेणरण्णा परिणीया । तीए य पुत्तो वेसमणो नाम । सो य इंदेणं लद्धजएणं लंकेसरो अहिसित्तो । तहा लंकाइ पुव्वाइदिसट्ठगावट्ठिएसु जोइपुर१-अग्गिपुर२किक्किंधिपुर३-नलउर४-रसायलउर५-सत्तुभंजण६-दुल्लंघउर७-सीयलपुरेसु८ कमेण सोम१-अग्गि२जम३-नल४-वरुण५-पहंजण६-कुबेर७-ईसाण८नामगा पवरविज्जाहरा सयमिदेण दिसापाला निवेसिया। तओ इंदो अइराव(य)-गयारूढो गओ वेयड्ढपव्वए निक्कंटं भुंजइ दो वि विज्जाहरसेढीओ त्ति ॥
__ इवं(ओ) य सुमालिपुत्तेणं रयणासएणं वोमबिंदुधीया वेसमणलहुमाउसिया केक्कसी जा पुब्वि भणिया सा परिणीया । तीसे य सीहसुमिणसूइओ जाओ साहियबारसवरिससहस्साऊ पुत्तो जातो । इओ य जो भीमरहरक्खसेण देवयाहिट्ठिओ नवमाणिक्कनिम्मिओ पुटिव दिन्ना(न्नो) मेहवाहणस्स आसि हारो सो कालमेत्तियं जाव करंडियागइ(ओ) पु(पू)इज्जतो ठिओ । संपयं पुणोऽणेण जायबालएण कह वि सयणिज्जाओ एहसिएण पुण्णाहियत्तणओ करेहि घेत्तुमारोविओ नियकंठे । तओ केक्कसीए तं दटुं कहियं रयणासवस्स । तेणाऽवि गुरुहरिसावूरियचित्तेण नवमाणिक्कपडिबिंबियसिरस्स कयं तस्स पुत्तस्स नामं दससिरो त्ति ।
तओ केक्कसीए भाणुसुमिणसूइओ पुणो जाओ बीओ पुत्तो । कयं च तस्स नामं भाणुकण्णो त्ति । सो य कुंभकण्णो नाम लोए पसिद्धो । तेसिं च उवरि केक्कसीए यं(णं) जाया धीया । सा य चंदसमा नहेहिं ति पइट्ठिया पिउणा चंदनही नाम । जा लोए पसिद्धा सुप्पनहा नाम । तओ पुणो वि चंदसुमिणसूइओ जाओ विहीसणो नाम पुत्तो त्ति । ।
साहियसोलसधणूसिया य दससिर-कुंभयन्न-विहीसणा सा(स)मत्थीहूया विज्जाहरविज्जासाहणत्थं गया महाडवीए । तेसिं वरिज्जाओ(च विज्जाओ) साहिताओ कीलणत्थं तत्थेवाऽऽगओ संतेउरो जंबूद्दीवाहि[वई?] जक्खो आणाहिओ(अणाढिओ?) नाम । तेण य ते विज्जाओ साहंते दट्ठण पओसेण भणियाओ नियजुवईओ - 'तहा करेह जहा एएसिं विज्जाओ न सिझंति' । तओ तव्वयणेण तासिं बहुविहमुवसग्गंतीण वि महासत्तत्तणओ सिद्धाओ दससिरस्स सव्वाओ वि कम्म(कमा?)गयाओ [वि]ज्जाओ। तासिं च मज्झे इमाओ चउरो वि पहाणविज्जाओ, तं जहा – रोहिणी १, पन्नत्ती २, गोरी ३, गांधारी ४ । कुंभयण्ण-विहीसणाण वि निय-पुण्णाणुरूवं सिद्धाओ काओ वि विज्जाओ ।
तओ दससिरं सिद्धविज्जं नाऊणाऽऽगओ अणाढियजक्खो संवेयरो(संतेउरो) खामेत्ता भणइ – 'सयं भरहद्धनरीसरो तुमं भविस्ससि' । तओ दससिरो सिद्धविज्जो कुंभयन्न-विहीसणेहिं समुप्पइऊणाऽऽगओ पायाललंकापुरीए । पणमिऊण गुरुवयणं(गुरुयणं) सुमालिपियामहं पुच्छइ – 'किमम्हाण रक्खसवंसो त्ति पसिद्धो ? किमत्थं वा चिंधेसु रक्खसा कीरंति ? केण वा कारणेण पायाललंकाए पविट्ठा चिट्ठामो ?' तओ सुमालिणा मेहवाहणकालाओ रक्खसवंसुप्पत्तिं साहिऊण कहिओ सव्वो वि सवित्थरो वुत्तंतो जाव 'महाभाउगो माली विणासिऊणिदेणं सदिसापालो तुह माउसिहाओ(माउसियओ) उ वेसमणो नाम सग्गलंकाए राया कओ'त्ति ।
'अण्णया य सम्मेयसेलसिहरोवरि वंदणत्थं गओ अहं जिणपडिमाणं, वंदियाइं च तत्थ जिणिंदबिंबाइं। तत्थ य मए मुणी समणसीहो चउनाणी वंदिऊण पुच्छिओ नियरज्जलाभं लंकापुरीपवेसं च । तेणाऽवि
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |