Page Text
________________
[११९]
तेण तए एसो वानरो संतो विणासिओ' त्ति ।
तओ सुकेसं नाम नियपुत्तं रज्जे ठविऊण सिद्धो तडिकेसो । महोदहिरहो(वो) वि किक्किंधिनामनियपत्तं रज्जे ठवेत्ता सिद्धो त्ति ।
इओ य वेयड्डनगे रहनेउरचक्कवालपुरे नामेण असणिवेगो नाम राया खयरीसरो । सुओ तस्स नामेण विजयसीहो बीओ उण विज्ज(ज्जु )वेगो त्ति ।
तत्थेवाऽऽइच्चपुरे, मंदरमाली नरेसरो अत्थि । दुहिया य तस्स पवरा, सिरिमाला अत्थि नामेणं ॥ तीए सयंवरंमी(मि), आहूया आगया सयलखे(ख)यरा । मंचेसुवविट्ठाण य, समागया कण्णगा तत्थ ॥ सा सिरिमाला धूया, लीलाए दासचेडधाईहिं ।
परियरिया खोहंती, तं रायसहं समत्तं पि ॥
सा य पडिहारीदरिसियमग्गा विज्जाहरे पेच्छंती ताव गया जाव किक्किंधिनिवो । तओ जायाणुरागाए सिरिमालाए घल्लिया किक्किंधिनिवस्स वरमाला । तं च दटुं रुट्ठो विजयसीहो – 'अहो ! केण मे(भे) अण्णा[य]कारिणोऽपि पुदिव पि निद्धाडिया एत्थाऽऽणिया ? ता संपयं तहा करेमि जहा एए न हुंति'त्ति वोत्तुमुट्ठिओ तेसिं मारणत्थं । किक्किंधी वि सपरिवारो सम्मुहीहूओ तस्स । तओ जुझंमि वढुंते किक्किंधिकणिट्ठभाउगेण अंधकुमारेणं छिन्नं विजयसीहस्स सीसं । तओ लद्धजया वानरा उप्पइऊणं झडित्ति समागया किक्किंधिपुरं ।
असणिवेगो वि निसुयपुव्व(त्त)मरणो सबलवाहणो समागओ तस्स पिट्ठओ । तओ जुज्झमि वट्टमाणे विणासिओ विज्जु(असणि)वेगेणं अंधकुमारो । तओ हारिं पेच्छमाणो सुकेसो किक्किंधिं घेत्तुं वइरिदुक्खियं पविट्ठो पायाललंकापुरं । असणिवेगेणाऽवि लंकापुरीए निवेसिओ निग्घाओ नाम दाणवो । तओ गओ नियट्ठाणं । अण्णया य असणिवेगो सहस्सारं नाम नियपुत्तं रज्जे ठवित्ता निक्खंतो त्ति ।
इओ य पायाललंकाए सुकेसिणो रक्खसाहिवइणो इंदाणीभज्जाए मालि-सुमालि-मालवंतनामगा समुप्पन्ना तिन्नि पुत्ता । वानराहिवइस्स वि किक्किंधिस्स सिरिमालाए आइच्चरय-रिक्खरयनामगा जाया दो पुत्ता । तओ जोव्वणत्थेहिं मालिपमुहेहिं विन्नायवुत्तंतेहिं पायाललंकाओ निग्गंतुं विणासिओ निग्घायदाणवो । तओ लंकापुरीए जाओ मालि(ली) राया । वानरदीवे य किक्किंधेण पेसिओ आइच्चरहो(ओ) त्ति ।
इओ य रहनेउरचक्कवालपुरे असणिवेगसुयस्स सह[स्सार]स्स भज्जा चित्तसुंदरी गब्भपहावओ सक्कसंगमजायदोहला लज्जाए अकहमाणा दुब्बला जाया । तओ निब्बंधपुच्छणेण कहिए सहस्सारण विज्जासामत्थओ सक्करूवं काउं भुत्ताए पुण्णदोहलाए जाओ इंदो नाम पुत्तो । जोव्वणत्थस्स य इंदस्स जाया सव्वे विज्जाहरा वसवत्तिणो । तं च सोउं रुट्ठो लंकाहिवो माली । तओ रक्खस-वानरबलसहिओ सुमालिणा वारिज्जतो वेयड्ढमागओ रणमि विणासिओ इंदेणं ।
तओ सुमालि-आइच्चरया सपरियणा नासिऊण पवि[ट्ठा] पायाललंकाए । अच्छंति य तत्थिदभयभीयाओ । जाओ य तस्स समालिस्स धीइमईए भज्जाए रयणासवो नाम पत्तो
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |