Page Text
________________
[१०७]
कंडणी पीसणी चुल्ली उदकुंभ-पमज्जणी । पंचसूणा गिहत्थस्स डा(जा)हिं सग्गं न गच्छई ॥ संवासिउं पि न सहा निद्दोसे दोसिल त्ति जुत्तमिणं । जह धम्मिए मिलेच्छा ते च्चिय देसंमि जंमि पहू ।। एवं च चेल्लएणं बहुहाऽणेगंतपक्खवाएणं ।
जित्तो सो साहूणं गओ पओसं विसेसेण ॥ तओ रत्तीए वेरमुव्वहंतो मुणीण वहणत्थमागओ देवयाए थंभिओ । पभाए य तमच्छरियं दट्ठण राया लोगो य सुयधम्मो बहुओ समुवसंतो । नम्मुई य तहाऽवमाणिओ विलक्खीहूओ गओ हत्थिणारं, महापउमजुवरन्नो मंती जाओ ।।
इओ य पच्चंतवासी सिंघवाहणो नाम राया । सो य कोट्टाहिव त्ति महापउमस्स देसविणासं काउं पुणो दुग्गं पविसइ। तओ रण्णा रुद्रुण पुच्छिओ नम्मुई – 'जाणासि किंचि उवायं सिंघबलगओहणो(गहणे) ?' नम्मुई वि - 'सुट्ठ जाणामि'त्ति वोत्तुं गओ, निउणोवाएण दुग्गं भंजित्ता सिंघबलं च घेत्तूणाऽऽगओ । तओ तुटेण रण्णा 'वरं वरिहि'त्ति भणिए नमुइ भणइ – 'जया मग्गामि तया देज्जसु ।
___एवं च जुवरज्जमणुपालयंतंमि महापउमे जालामायाए कराविओ जिणभवणरहो । तहा अवरा वि मिच्छदिट्ठिणी जिणधम्मपडिणीया सावक्किया लच्छी नाम महापउममाया । तीए य कराविओ बंभरहो, भणिओ य पउमत्तरो राया जहा - 'एस बंभरहो पढमं परिभमउ नयरमज्झे. पच्छा जिणरहो' । इमं च निसामिऊण जालाए गहिया पइन्ना नरवइसमक्खं जहा - 'जइ पढमं जिणरहो न भमिही तो अवरजम्मो मम आहारस्स' । तओ राइणा निरुद्धा दो वि रहा ।।
तओ महापउमो इमं पेच्छिउं अईव अधिईए जणणिसोएण सोयगहियचित्तो नीसरिओ देसरि(देसा)ओ देसजत्ताए । पसुत्ते य जणे रयणीए न केण वि नाओ । गच्छमाणो य महादु(ड)ईए पविट्ठो । तत्थ य परिब्भममाणो पत्तो तावसालयं, कयसम्माणो य तेहिं अच्छिउं पयत्तो ।
इओ य चंपाए नयरीए जणमेजओ राया परिवसइ । सो य कालनरिंदेण पडिबु(रु)द्धो । जायमाणो(यो)हणं। पलाणो य नयरिजणो । अप्पंभरीहूओ सयललोओ । नटुं अंतेउरं । एवं च संजाए महाविब्भमे [जनमे]जयस्स राइणो भज्जा नागवई नाम सह मयणावलीए धूयाए पणट्ठा अडवीहुत्तं । संपत्ता य तं तावसाभयं(सासमं) । तत्थ य पुव्वागयचिट्ठमाणेण दिट्ठा महापउमकुमारेण सा मयणावली, तीए कुमारो । तओ सा कुमारावलोयणाणंतरमेव संजायाणुरागा लक्खिऊण भणिया जणणीए – 'संभरसु पुत्त(त्ति) ! नेमित्तिएण बालभावे तुह जमाइटुं जहा – तुमं चक्कवट्टिणो पहाणपत्ती भविस्ससि । ता मा कुणसु जम्मि वा तम्मि वा अणुरायं' । कुमारो वि तीए दढमणुरत्तो त्ति जाणिऊण कुलवइणा विसज्जिओ - 'कुमार ! गच्छ तुम जत्थ पयट्टो' । कुमारो वि 'नूणमिमीए समागमेणाऽहं समत्तभरहाहिवो होऊण गामनगराईसु [स]व्वत्थ जिणभवणाईहिं(णि) कराविस्सामि'त्ति मणोरहमालाउलो निग्गओ, भमंतो य पत्तो सिंधुनि(स )दणं नाम नयरं ।
तत्थ य उज्जाणियामहूसवे निग्गयाओ नयरनारीओ । कीलंति य लोओ विविहप्पयारेहिं । इओ
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |