Page Text
________________
[१०६]
तुब्भेहिं परिवेसियव्वं' । कत्तिओ भणइ – 'न जुज्जइ अम्हमेवं, तहा वि तुह छत्तच्छायाए वसामो त्ति करेमि', चिंतइ य - 'छ(ज)इ पुव्वमेवाऽहं पव्वइओ होतो ता ते(ने)रिसं कराविज्जंतो' ।
__ तओ गओ राउलं, तस्स परिवेसिउमाढत्तो । भगवो वि तस्संगुलिचालणेणं परि[ह]सेइ । परिवेसित्ता य तेणेव निव्वेएण वणिसहस्सपरिवारो मुणिसुव्वयसामिसमीवं गंतूण पव्वइओ कत्तियसेट्ठी । पढियबारसंगो य बारसवरिसाइं पव्वज्जं काऊण सोहम्मे कप्पे सक्को जाओ । गेरुयगो वि तेणाऽऽभिओगकम्मेणं मरिऊण तस्सेव वाहणो जाओ एरावणो नाम । तओ सक्कं दटुं पलाइउमारद्धो । घेत्तुं च तमारुहिओ सक्को । तओ कयाणि एरावणेण दो सीसाणि । सक्क(क्का) वि दो जाया । एवं जावइयाणि सीसाणि विउव्वइ एरावणो तावइयाणि सक्को वि नियरूवाणि विउव्वेइ । ताहे एरावणो पुणो वि पलायमाणो वज्जाउहहओ सक्केणोवसंतो त्ति ।
एवं च कत्तियाइपज्जुवासिओ मुणिसुव्वयकेवली सड्ढेकारसमासूणाणि अद्धट्ठमवरिससहस्साणि जाव विहरेत्ता सम्मेयसेलसिहरे जेट्टकण्हनवमीए सिद्धो त्ति मुणिसुव्वयसामि त्ति गयं ॥
मुणिसुव्वयसामिकालंमि य मुणि-नवमचक्कवट्टिणो विण्हुकुमार-महापउम त्ति विण्हुकुमारमहापउमचक्कवट्टिकहा भण्णइ -
इहेव जंबुद्दीवे भारहे वासे कुरुक्खेत्ते हत्थिणाउरे(रं) नयरं । तत्थ य रिसहसामिवंसप्पसूओ पउम( मु)त्तरो नाम राया। तस्स जाला नाम महादेवी सावी(वि)या । तीए सीहसुमिणसूइओ विण्हुकुमारो नाम पुत्तो, तहा चोद्दससुमिणसूइओ महापउमो नाम । वड्डिया य ते दो वि देहोवचएणं कलाकलावेण य । स जिगीसो त्ति पउमुत्तरेण कओ जुवराया महापउमो ।
इओ य उज्जेणीनयरीए सिरिवम्मो नाम राया । तस्स नम्मु( मु)ई नाम मंती । अण्णया य तत्थ समोसरिओ मुणिसुव्वयसामी(मि)सीसो सुव्वओ नाम सूरी । तस्स य लोओ नियनियविभूईए वंदणत्थं गच्छमाणो पासाओवरिट्ठिएण दिट्ठो रण्णा । भणियं च तेण जहा – 'लोगो अकालजत्ताए कहिं गच्छइ ?' तओ नम्मुइमंतिणा – 'देव ! एत्थुज्जाणे समणा आगया । तेसिं च जो भत्तो सो गच्छइ'त्ति वुत्ते राया भणइ - 'अम्हे वि गच्छामो' । नम्मुई भणइ - 'जइ धम्मं सोउमिच्छसि तो अम्हे चेव धम्मं विहियं सव्वलोगाइण्णं धम्म भणामो' । तओ रन्ना 'मया निच्छएण गंतव्वं'ति वृत्ते मंती भणइ - 'जइ एवं ता त(तु)मए मज्झत्थेण अच्छियव्वं, जेणाऽहं ते वायं काउं निरुत्तरे करेमो(मि)' ।।
तओ लोगेण सह गया ते तत्थ धम्म पुच्छंति । मुणिणो वि सव्वे मोणेणं ठिया । तओ नमुई रुट्ठो जिणमई(यं?) निंदतो सूरि भणइ – 'किमेस भ(ग?)वइल्लो जाणइ ?' तओ सूरीहिं भणियं – 'भद्द ! भणामो कि पि जइ ते मुहं खज्जइ'। सोउं चेममेगो वियक्खणो सूरिचेल्लओ - 'भगवं ! अहमेव निराकरिस्सामि पक्खमेयस्स'त्ति वोत्तं भणइ - 'भद्द ! भण जं ते फुरई' ।
भद्देणुत्त-'मसोया, तुम्हे पासंडिणो, तईबज्झा । संवासिउं न जुत्ता, देसंमि – ममेसपक्खो त्ति ॥
खुड्डेणुत्तमसोयं, सुरय(यं) तस्सेविणो य पासंडी । ते य तईबज्झा जे मिच्चेयत्था(?) तदत्थोऽयं ॥
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |