Page Text
________________
NNNNNNNNNNNNNNNNNNNNNNNNNNNNNNNNNNNNA
[१०५] पभावईदेवीतणयस्स सुव्वयस्स दिन्नरज्जो फग्गुणसुद्धबारसीए निक्खंतो । सड्डेक्कारसवरिसोवरि फग्गुणकण्हबारसीए संपत्तकेवलो कच्छवयलंछणो वाम-दाहिणपासेसु नरदत्तादेवी-वरुणदेवपज्जुवासिज्जमाणो मल्लिजिणतित्थपल्लट्टणेण नियतित्थं पवत्तमाणो विहरंतो समोसरिओ भर(रु)यच्छनयरे। विरइयं देवेहि समोसरणं ।
तत्थ य जच्चतुरंगमारूढो वंदणत्थमागओ जियसत्तुराया । तंमि य वंदिऊणुय(व)विढे पुच्छियं गणहरेण – 'भगवं! तुम्हमेयंमि समोसरणे धम्मं कहेमाणाणं कस्स जाया धम्मपडिवत्ती ?' भगवया भणियं- 'न कस्स वि मोत्तुमिमं जियसत्तुस्सेगमासरयणं' । तओ सोउमिमं चोज्जिएण भणियं रण्णा - 'भयवं ! को एस आसो जो तुम्ह वयणमायण्णिऊण रोमंचकंचुओ निच्चलो जाओ ?' भगवया भणियं - 'सुण, पोइणीखेडे नयरे जिय(ण)धम्मो नाम सावओ सेट्ठी । तस्स य सागरदत्तो नाम सयलपुरपहाणो मित्तो । सो य भद्दगभावत्तणओ जियधम्मसेट्ठिणा सह गच्छए जिणालयं । तत्थ य साहुणो पज्जुवासमाणेणं कयाइ निसुयं सायरदत्तेणं जहा' -
'जो कारवेइ बिंबं जिणाण जियरागदोसमोहाणं ।
सो पावइ अण्णभवे भवमहणं धम्मवररयणं ।' 'तओ सोउमेव(वं) जाइ(य)सद्धेण पइट्टाविया जच्चकंचणमई सायरदत्तेणं महाविभूईए जिणपडिमा' ।
'तहा तेण नयरबाहिरियाए पुव्वमेव कारावियं सिवाययणं चिट्ठइ । तत्थ य सो लिंगपूयाकरणत्थं गओ उत्तरायणदियहे। एत्थंतरंमि पुव्वसंचियघयाइघडया पव्वइएहिं कड्डिउमाढत्ता । तेसिं च घडयाण उद्देहियाओ पिंडपिंडेहिं लग्गाओ चिटुंति, जाओ मग्गपडियाओ ते पव्वइयगा संचरंता पाएहिं चूरेति । तओ दयमावन्नो सायरदत्तो पोत्तंतेणं ताओ समुस्सारिउमाढत्तो । तं च दट्ठण केण[इ] जडहारिणा उद्देहियापुंजं पाएण दलइत्ता भणइ(भणियं) - 'किं सेयवडेहिं सिक्खविओ जेणेरिसं दयं संपयं करेसि ?' सागरदत्तो धि(वि) तं सोउं विलक्खीहूओ परमायर(यरिय?)मुहं पलोएत्ता चिंतेइ – 'अहो ! महानिद्धम्मा एए कहं गुरुबुद्धीए पूइज्जति ?' तहा वि उवरोहओ किं पि कुणमाणो पयईए चेव दाणरुई कालं काऊणेसो तहोववन्नो जच्चासो। पडिबोहणत्थं चेमस्स अहमिह समोसरिओ । पव्वकारावियजिणपडिमाणभावओ य सोउमेसो धम्मोममोवएसं(मम धम्मोवएस) संबुद्धो जच्चासो'त्ति ।
तयणंतरं च सो आसो बहुलोएणं सलहिज्जमाणो य रण्णा य खमावेऊणं सच्छंदपयारो कओ । तप्पभिई(इं) च भरुयच्छंमि संजायं तं अस्सावतारं(वबोहं ?) नाम तित्थंति ।
तओ विहरमाणो मुणिसुव्वयसामी समोसरिओ हत्थिणाउरे । तत्थ जियसत्तू राया, कत्तिओ नाम सेट्ठी परमसावओ सेसपासंडपरम्मुहो परिवसइ । कयाइ तत्थ गओ गेरुओ नाम भगवो । सो य मासेणोववासंतो भत्तीए पइज्जइ पाराविज्जइ य सव्वलोएणं, न कत्तियसेट्रिणा । तओ सो सिट्रिस्स पओस[मा]वन्नो छिद्दन्नेसणपरो चिट्ठइ ।
अण्णया य गेरुओ निमंतिओ पारणत्थं रन्ना नेच्छइ । तओ पुणो पुणो निमंतेंतं रायाणं भणइ - 'जइ कत्तियसेट्ठी परिवेसइ तो जेवेमि' । तओ राया - ‘एवं करेमि'त्ति वोत्तुं, 'नूणमत्थि एत्थ कारणं किं पि'त्ति संभावेतो तुच्छपरिवारो म(ग)ओ घरं सेटुिं भणइ – 'अज्ज गेरुयगो मए निमंतिओ, तस्स
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |