Page Text
________________
[१०४]
भणियं 'भो भो ! किं विरत्तचित्ता परंमुहा जाया ?' तेहिं भणिय (यं) 'न सक्केमो गंधमेयं सोढुं' । मल्लीए भणियं 'महाणुभावा ! जइ ताव एइ (ई) ए जच्चकंचणपडिमाए पइदिणमाहारपक्खेवो (वा?) एरिसो असुहगंधपरिणामो, ता केरिसो माणुससरीरस्स वंमहिमं (चम्मट्ठिमंस) सोणियाहारस्स भविस्सइत्ति भाविऊण, तहा इओ तइयभवे सहभावेण य पव्वज्जासेवणं च नाऊण किं न संबुज्झह ? जेणऽज्ज वि विसयासेवणं पत्थेह ?'
-
तओ तेसिं मल्लिभणियमिमं विमरिसंताणं समुप्पण्णं जाईसरणं । तओ ते तहाविहे जाणित्ता मल्लिसामी जालियालयकवाडाई उव्वरिगाणं उग्घाडेइ । तेहि य दुवारेहिं ते समीवमागया मल्लीए भणिया - 'अहं ताव पव्वइस्सामि । तुब्भेहिं किं कायव्वं ?' तेह ( हिं) [भणि] यं - 'पुव्वं पि तुह समयं नाऽइक्कंता, संपयं पिजं तुमं करिस्ससि तं क ( का) हामो' । मल्लीए भणियं 'जइ एवं ता नियदेसेसु गंतूण पुत्ताई रज्जेसु ठवेत्ता पव्वज्जागहणावसरं पडिक्कं (क्खं) ता चिट्ठह' । ताहे ' एवं 'ति पडिवज्जिऊण गया ते नियदेसेसु । इओ य लोगंतियदेवेहिं 'भयवइ ! तित्थं पवत्तेहि त्ति विण्णत्ता संवच्छरं जाव दवावियमहादाणा मल्लिकुमारी वरिससओवर मन्नाविऊण अम्मापियरे बाहिरपरिवारारिह[ति ] पुरिससयसहिया अब्भितरपरिवारारिहतिनारीसह(य)सहिया य तवस्सिणीनेवत्थवरा मग्गसिरसुद्धेकारसीए निक्खंता, अहोरत्तोवरि केवलनाणं
—
—
चालीससहस्साइं भिसगाइमुणीण साहुणीणं च । बंधुमईपहाणं पंचावण्णं सहस्साणि ॥
—
पत्ता ।
तओ मल्लिजिणो कमलालंछणो कलसलंछणो वा वामदाहिणपासेसु वइरोट्टादेवीकुबेरजक्खपज्जुवासिज्जमाणो अरजिणतित्थपल्लट्टणेण नियतित्थपवत्तणत्थं समोसरिओ । तम्मि य धम्मदेसणं सोच्चा कुंभयराया सावओ जाओ । जियसत्तुपमुहा य छ रायाणो मल्लिजिणंते पव्वइत्ता सिद्ध
I
चुलसीइसहस्साहिय-सावयलक्खं च कुणइ मल्लिजिणो ।
पणसट्ठिसहस्साहिय-लक्खतिगं सावियाणं च ॥
एवं च मल्लिकेवली एगदिणूणाणि वाससऊणाणि य पंचावण्णं वाससहस्साइं विहरेत्ता सम्मेयसेलसिहरे पंचसाहु-सयबाहिरपरिवारसहिओ पंचसाहुणीसयअब्भितरपरिवारसहिओ य फग्गुणसुद्धबारि(र) सीए सिद्धोत्ति । मल्लिजिणो त्ति गयं ॥
मल्लिजिणाओ य चउपण्णाए वरिसलक्खेहिं वीसइमो मुणिसुव्वयसामि त्ति मुणिसुव्वयसामिकहा
भण्णइ -
चंपाए नयरीए सुरसिट्ठो राया नंदणगुरुसमीवे विहियपव्वज्जो जाओ पाणयकप्पे देवो । ओ सावणसुद्धपुण्णिमाए चविऊणिहेव जंबुद्दीवे भारहे वासे मगहादेसे कुसग्गपुरे हरिवंसे सुमित्तो नाम राया । तस्स पउमावतीनामदेवीए चोद्दससुमिणसूइओ संभूओ गब्भे । तओ जेट्ठकण्हडमीए जाओ । तीसवरिससहस्साऊ कसिणवण्णो पुत्तो । गब्भत्थंमि य भगवंते जणणी मुणि [ व्व] सुव्वया जाय ति पइट्ठिओ पिउणा सो मुणिसुव्वओ नाम । वीसधणूसिओ य मुणिसुव्वयकुमारो अद्धमवरिससहस्सोवरि पन्नरसवरिससहस्साणि जाव कयरज्जो, सरयंमि संतेउरो चडिओ पासायसिहरोवरि साडयमेहाडोवं चडतं पुणो वि वाउणा झत्ति विलिज्जतं च दठ्ठे 'अहो ! संसारो विरसो भंगुरसहावो'त्ति भाविऊण संबुद्धो,
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |