Page Text
________________
[९९]]
तओ रुटेण रिसिणा सविऊण कयाओ ताओ कण्णगाओ खुज्जाओ । तेण तं जायं नगरं कण्णकुज्जं ति । दिट्ठा य रिसिणा निग्गच्छंतेणेगा डिंभगेहिं सह रमंती कण्णगा । तीसे य रेणुगुंडियत्तणओ 'रेणुगे ! रेणुगे ! गेण्हसु'त्ति भणंतेण दरिसियं सरसं फलं । बालसहावओ य पस(सा)रिए हत्थे तं घेत्तुं वच्चंतस्स रिसिणो उवट्ठियाओ खुज्जाओ भणंति – 'सालियादम्मं पसाइकाऊण वच्चसु' । रिसी कुविओ ‘मे दम्म'त्ति संभंतो पुणो पउणीकाऊण ताओ, गओ आसमपयं । रन्ना वि बीहंतेण तत्थेवि(व) विसज्जिया सविसेसा गवाइदक्खिणा ।
परिणत्तायगं(ताउगा) बद्धविवाहेण रिसिणा भणिया रिउसमए – 'साहेमि ते भोयणं विप्पमंताभिमंतियं चरुगं नाम जेण सव्वबंभणप्पहाणो पुत्तो होइ' । सा भणइ - 'ममऽण्णा वि भगिणी हत्थिणाउरे अणंतवीरियरण्णा परिणीया चिटुइ त्ति तन्निमित्तं खत्तियचरुगं पि साहेस' । तहा कए रिसिणा. 'मा अहमिवाट(ड?)वीमिगो मे पुत्तो होउ'त्ति भावंतीए सु(भु)त्तो सयं रेणुगाए खत्तियचरुगो । भगिणी[ए] सो(उ)ण पेसिओ विप्पचरुगो। जाया य दोण्हंमि(पि) कमेण [पुत्ता] राम-कत्तवीरिया नाम । वड्डिया ए(य) देहोवचएण ।
__ अण्णया य तावसासमसंपत्त-गिलाणीहूय-पडिह(य)रियविज्जाहरेण तहा जमदग्गिणा य दिण्णा रामस्स परसुविज्जा। स(सा)हिया सरवणे । तओ जाओ परसुरामो । गहिआओ य तत्थेवाऽणेण सुबुद्धित्तणओ धणुव्वेयाइयाओ कलाओ त्ति।
रेणुगा वि हत्थिणाउरे भगिणीए पाहुणिगा गया, रण्णा सपुत्ता कया । गंतु(तुं) चाऽऽणीया तहेवाऽऽसमं जमदग्गिणा। दटुं च रुद्रुण विणासिया सपुत्ता परसुरामेण । तं च नाऊण भगिणीए सिटुं अणंतवीरियस्स जहा – 'वावाइया सपुत्ता रेणुगा' । तओ आगंतूण राइणा विणासिया आसमा । पहाविओ गावीओ घेत्तूण । रामेण वि गंतूण विणिवाइओऽणंतवीरी(रि)ओ। वालियाओ गावीओ।
___ तओ कत्तविरिओ राया जाओ । तारापमुहंतेउरेण य सह भोगे भुंजइ । अण्णया जणयमरणं नाऊण वावाइओ तेण जमदग्गि(ग्गी) । रामेण वि परसुणा मारेत्ता कत्तविरियं अहिट्ठियं रज्जं । इओ य सा तारादेवी सच्चवियचोद्दसमहासुमिणा संभमे[ण] पलायंती तावसासमं गया । कमेण य तीसे जाओ सट्ठिवरिससहस्साऊ पुत्तो । सो य सुट्ट भूमिं मुहेण गेण्हंतो जाओ त्ति पइट्ठिओ सुभूमो नाम ।
रामेण वि सत्तवारा निक्खत्तीकया पुहवी । भराविऊण य संखैजाणणत्थं तद्दाढाहिं थालं धरियं सीहासणस्स पुरओ। समाइट्ठो य परसू जहा – 'खत्तिए दट्टण तहा(ए?) जलियव्वं'ति । अण्णया तावसासमासण्णेण वच्चंतस्स जलिओ परसू । तओ - 'को इत्थ खत्तिओ'?त्ति पुच्छिए तावसेहिं भणियं - 'वयं चिय खत्तिया, तावसा संवुत्ता' । न य सो तावसे हणइ । एवं च तावसासमे विज्जाहर-देवयापरिग्गहिओ सुभूमो देहोवचएण कलाकलावेण य वड्डिउं पयत्तो।
इओ य नेमित्तिणा पुच्छिएणं सिटुं रामस्स – 'जो एयंमि सीहासणे निविट्ठो एयाओ खत्तियदाढाओ पायसीहूयातो खाही तत्तो ते मरणं'ति । तओ मढं काऊण ठवियं सीहासणं, पुरओ निवेसियं दाढापुण्णं थालं, निरूविओ य [अ]णिवारियसत्तागारो । वारिया आरक्खिया नरा ।
इओ य मेहवाहणो विज्जाहरो पउमत्थि(च्छि? )सिरीयाए नेमित्तियाइद्रं सुभमभत्तारं पडियारेंतो
★ संख्या ॥
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |