Page Text
________________
[९७]
NNNNNNNNNNNNNNNNNNNNNNNNNN
संवत्सर(च्छर)दुगं । अज्ज उण भगवंतं(भवंतं) दट्ठण मुच्छिया एसा । संभरिया जाइपुट्वि । वड्डियं तुमंमि चित्तं । ता उज्झेहि एयाई अट्ठिगाइं । परियायंतरजोगेण परिणेहि एयं' ।'
___तओ जाओ मे संसओ – ‘मा नाम नरिंदकवडं' ति । लक्खिओ ममाऽभिप्पाओ एएहिं । तओ भणियमण्णावएसेण – 'कोउगं च एत्थ अम्हाणं । ता पुच्छसु किंचि पच्चयं' । पुच्छियाए संठा(वा)इओ सुविणग(व)इयरो, अण्णो य बहुप्पगारो। तओ विलएणुज्झियाइं अट्ठिगाइं । सा(सं?)वाइऊण रण्णो परिणीया एसा । अइक्कंतो कोइ कालो भोगतप्पराण ।'
'अण्णया सरयसमए गहिया इमी जरेण । अइदारुणो से तावो । विसण्णा वेज्जा । तव्विसाएण गहिओऽहं महादुक्खेण । 'अत्ताणं वावाएमि'त्ति समारूढो [पा]सायं । दिसावलोयणं कुणमाणेण दिट्ठा(ट्ठो)मए गयणयलचारी साहू । ठिओऽहं थेववेलं। समागओ सो मम समीवं । वंदिओ सबहुमाणं । अणुसासिओ अहं तेण । अवि(व)णीओ य पिययमापरिभा(भ?)वो' ।
तओ ईदिसो संसारो'त्ति संजायसंवेगो व संहारिऊण सह पियाए ठिओ परलोगमग्गो(ग्गे) । ता एएण वइयरेणाऽहं पव्वइओ । सो उण मह गुरु(रू) इह तित्थंगरसमीवे निक्खंत्तो त्ति वंदणवडियाए पहाए आगच्छामि इह' इति सोऊण हरिसिओ चंदणो ।* [ ]
उप्पण्णो गयसुविणयसूइओ महापुरिसा(स)भावो अओज्झाहिवसुओ। जाओ कालक्कमेण । गब्भादारब्भ सय[ल]कल्लाणसंपत्ती राइणो त्ति कयं से नामं कल्लाणदेवो त्ति । इयरे वि कम्मगरा जाया मेहरसुय त्ति दंगियसुया नाम । जाओ कल्लाणदेवो राया । दिट्ठा य ते दंगियसुया जेण अस्सावहरिएणाऽडवीए। जाया परोप्परं पीई । आणीया नयरिं। कया महासामंता । अइसएण पीइयाणं ति विम्हि(म्ह)ओ लोगस्स । तहा तेर्सि पि अत्थि परोप्पर पीईकारणजाणणेव्वा(च्छा) ।
अण्णया समागओ तत्थ भगवं अरतित्थयरो । समोसरणे वंदिओ एएहिं । सुओ धम्मो । पडिवन्ना देसविरई । पुच्छियं पीइकारणं । साहियं भगवया । समुप्पण्णं जाई(इ)सरणं । संविग्गा ए[ए] । परिणामविसेसेण खओवसममुवगयं चारित्तमोहणीयं, पव्वईया तदंतिगे । जाया आराहगा । एवं गया सुरलोगं ति । कल्लाणदेव-दंगियसय त्ति गयं ।।
एवं च कल्लाणदेव-दंगियसुयाइपज्जुवासिओ अरकेवली एक्कवीसं वरिससहस्साणि जाव विहरेत्ता सम्मेयसेलसिहरे मग्गसिरसुद्धदसमीए सिद्धो त्ति ॥ अरनाथो त्ति गयं ॥
अरतित्थयर-भिन्नस्स(भणिस्स)माणसुभूमचक्कवट्टीणं च विचालो(ले) छट्ठो पुंडरीयवासुदेवो त्ति पुंडरीयवासुदेवकहा भण्णइ -
इहेव जंबुद्दीवे भारहे वासे चक्कपुरे महुरो नाम राया । तस्स वेजयंती-लच्छीवईदेवीणं चउसत्तसुमिणसूइया जेट्ठ-कणिट्ठा पंचसट्ठिवरिससहस्साउणो आणंद-पुंडरीया नाम दो पुत्ता । ते एगूणतीसधणूसिया बलिं नाम पडिवासुदेवं विणासित्ता बलदेव-वासुदेवा जाया । तओ पुंडरि(री)यवासुदेवो भुत्तभरहद्धो गओ अहोगइं । तव्विरहे य आणंदबलदेवो निक्खमित्ता सिद्धो त्ति ॥ पुंडरीयवासुदेवो त्ति गयं ॥
★ अत्र कथायाः कश्चिद् भागस्त्रुटितोऽस्ति ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |