Page Text
________________
[९१]
'अहं परिवाडीए बोल्लावेमि, पेच्छह मह सामत्थं' । तओ कइवयपहाणनरवइ-पुरिसाहिट्ठिओ गओ साहुणा(णी)पडिस्सयाभिमुहं । लग्गो य तस्स नयरलोओ [मग्गओ] ।
___ तओ पविसंतेहिं ठविओ वारवालिओ । सिक्खाविया य पुव्वमेव तेण ते सहेज्जया जहा - 'तुब्भेहिं कहाणयं तत्थ गएहिं अहं पुच्छियव्वो' । तओ विचित्तपरिवारो पविसित्तु पडिस्सए पणमिऊण य पडिमाओ पणमियाओ सुव्वयागण(णि)णि-पमुहाओ साहुणीओ । तओ गंतुमुवविठ्ठो देवमंडवंमि । समागयाओ य तत्थेव वामणयकोउगेण पियदंसणा-ऽणंगसुंदरी-रयणप्पहाओ साहुणीसहियाओ उवविट्ठाओ ।
भणियं च वामणेणं – 'जाव राया सुहासणत्थो भवइ [ताव] इह ठिया विणोएण चिट्ठामो' । तओ महल्लएहिं जहाभणियं [भणियं] जहा – 'साहेहि किंचि सकोउगं कहाणयं' । तेण भणियं – 'किं कहाणगं साहिज्जइ उयाहु वित्तगं ?' तेहिं भणियं - 'को उण विसेसो ?' तेण भणियं - [जं चिरंतण]पुरिसचेट्ठियं परोक्खमम्ह, तं कहाणयं । जं पुण संपयं चेव वित्तं पच्चक्खमम्ह तं वियत्तं(वित्तयं)'ति । तेहिं भणियं – “वित्तगं चेव सकोउयं साहेसु' । वामणेण भणियं - 'जइ एवं ता सुणह' -
___ "तामलित्तीए नयरीए उसहदत्तो सेट्ठी । सो य कयाइ पोइणीखेडं गओ । तत्थ य सागरदत्तधीयं पियदंसणं दट्ठण परिणाविओ नियपुत्तो वीरभद्दो । सो य तीए सह विसयसुहमणुहवंतो कयाइ रत्तीए उठ्ठित्ता पियदंसणं जग्गावेइ । सा भणइ – 'किं निच्चलो न चिट्ठसि ? सीसं मे दुक्खइ' । तेण भणियं - 'कक्खा [स्सा]ऽणक्खेहिं?' सा भणइ - 'तुह' । [सो भणइ] - 'केरिसेहिं?' [सा भणइ] -जं (जह - कह)मेरिसी[इ]मंमि समए वियवृत्ती ?' सो वि – 'पिए मा कुप्पसु, संपयं तहा करिस्सामि जहा ममाऽणक्खेहिं न तुह दुक्खमुप्पज्जइ'त्ति वोत्तुं तं रवे(मे)इ । तओ सब्भावसुत्ताए पियदंसणाए निग्गंतुं गओ देसंतरं वीरभद्दो' ।
'संपयं उस्सूरं, राइणो मूलमहमधिगमिस्सामि'त्ति वोत्तुं उट्ठिओ वामणगो । तओ पियदंसणा सायरं भणइ – 'कहेहि ताव, कत्थ गओ सो वीरभद्दो ?' वामणगो भणइ – 'नाऽहं परमहेलियाहिं समं उल्लावं करेमि' । तओ सा भणइ – 'किं पुच्छज्जइ तुह सुसीलयाए ? परं गुरुनिहोर(रोह)एण ताव कहेव(हि)' । तओ वामणगो – 'जइ एवं तुह निब्बंधो ता कल्लं कहिस्सामि'त्ति वोत्तु(त्तुं) [ग]ओ वामणगो राउलं । कहि(हियं) पच्चइयपुरिसेहिं वामणयविलसिण(यं) । विम्हिओ राया।
तओ बीयदिवसे वामणगो पडिस्सयंमि गंतुं तहेव कहिउमारद्धो -
"तओ सो वीरभद्दो निग्गओ तामलित्तीओ काऊण य गुलियापओगेण गोरं पि सामलं सरीरं । नाणाविण्णाणेहिं देसंतरेसु परिहिंडंतो पत्तो सिंहलदीवं । तत्थ य रयणपुरंमि हट्टोवविठ्ठो दिट्ठो संखसेट्ठिणा। पुच्छित्ता य विन्नायवुत्तंतो नीओ सगिहं । सम्माणिऊण य पडिवन्नो पुत्तो" ।
"अन्नया सेट्टी(ट्ठि)धीयाए वियणवईए सहउंगणारूवं काउं कोउगेण गओ रयणागररायधीयाणंगसुंदरीसगासं । अक्खित्ता य सा तेण सविण्णाणाइसएणं । परिणीया य कमेण सब्भावागया । तओ सो तं घेत्तुमागच्छंतो तामलित्तीए समुदंमि भग्गपवहणो जाओ" । ___'संपयमहमवि भग्गकहणाभिप्पाओ राउलं जाइस्सामि, न किंचि केणाऽवि वत्तव्वं' । तओऽणंगसुंदरी भणइ - 'न अन्नं किंचि बोल्लामि । परं पसायं काऊणेत्तियं साहस - कत्थ सो चिटुइ ?' वामणो
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |