Page Text
________________
[९०] गुलियं । तओ जाओ पुव्वसहावो वण्णेणं । परिणाविओ य वज्ज[ वेगस्स] वेगवईए भारियाए रयणप्पभाहिहाणं धूयं । पयासियं च तेण अत्तणो नाम बुद्धदासो त्ति । अच्छइ य तत्थ सह ती विज्जाहरोचिए भोए भुंजंतो ।
अण्णया य विज्जाहरमे(लो)यं महासम्मद्देणं गच्छंतं पासिऊण पुच्छिया रयणप्पभा बुद्धदासेणं जहा - 'कहिं एसो विज्जाहरलोओ पत्थिए (ओ)?' तीए भणियं ‘सिद्धाययणे तित्थेसरजत्ताए । तत्थ सासयाओ जिणपडिमाओ वंदिज्जंति । तन्निमित्तं सव्वे विज्जाहरा जत्तं कुणंति' ।
-
तओ सो वि सह भज्जाए विसे[ से ] णुज्जलनेवत्थो सव्वालंकारविभूसियसरीरो वेयड्ढसिहरं समारूढो । दिट्टं तत्थ देउले जिणबिंबं । तं च तेण भत्तिनिब्भरेण पयाहिणीकयं वंदियं च । कयं च रयणप्पभाए विविहं संगीयं नट्टं । तओ तेण भणिया नियजाया – 'अउव्वो एस मए देवो दिट्ठो, जओऽहं सिंहलदीववत्थव्वो वणिज्जत्थमागच्छंतो समुद्दमज्झमि भिण्णपवय (ह) णो कंठगयपाणो उत्तारिओ तुह पिउणा । तओ परिणाविओ तुमं । अहं च कुले बुद्धो कुलदेवया' । तीए भणियं 'तेणेव पिय ! तुमं जंपसि 'अउव्वो ममेसो देवो" ।' एवं च विसयसुहमणुहवंताणं तेसिं गच्छंति दियहा ।
"4
-
अण्णया य भणियं बुद्धदासेण - 'गच्छामो भरहद्धं कीलानिमित्तं' । तीए भणियं 'एवं करेमि' । तओ विज्जाए दो वि रया (य) णिसेसे संपत्ता पोमिणिखंडं नयरं । उत्तरिया य सुव्वयागणिणीपडिस्सयबाहिं । तत्थ य तेण भणिया रयणप्पभा 'एत्थेव चिट्ठस तुमं जाव पाणियं हत्थेण छिवित्ता सहसाऽऽगच्छामि' । तीए भणिय–‘मेवं कुरु, परं सिग्घमागंतव्वं' । तओ सो गंतूण थेवं भूमिभागं ठिओ तत्थेव निलुक्को ती रक्खणनिमित्तं । जाव थे [व] वेलाए सा विज्जी (ज्जा) [हरी] [तंमि] अणागच्छंतंमि एगागिणी हरिणि व्व दिसाओ पलोइउमाढत्ता । अपेच्छंती य नियपइमबलासहावओ [3] म्मुक्कधाहा [रोविडं लग्गा ] निसुया डिस्सयठिया गणिणीए । तओ उग्घाडियं दुवारं । दिट्ठा य देवी व सुरूवा तीए रयणप्पभा भणिया [य] – ‘पुत्ति ! का तुमं ? कीस वा रुयसि ?' तओ तीए रुयंतीए चेव साहिओ सव्वो वि पइवुत्तंतो । समासासित्ता य गणिणीए पवेसिया पडिस्सयंमि । वंदियाओ तीए साहुणीओ । कयं च तत्थठियाणं चेव पियदंसणाणंगसुंदरीसाविगाणं वंदणयं । साहिओ य तासि पि तीए सिंहलदीववत्थव्वाईओ सवित्थारो गोरवण्णपइवुत्तंतो । म (त)ओ सोउमेवं भणियं पियदंसणाइ सिंहव (ल) दीववत्थव्वो न य बुद्धदासो त्ति' । अणंगसुंदरी भइ सिंहलदीववत्थव्वयाए गउरवण्णेणं बुद्धदासनामेणं विसंवाओ' त्ति
।
तओ रयणप्पभा वि तासि संघाडिणी
जाया ।
एवं च भा(ता)ओ धम्मपराओ पुरिसेण केणाऽवि सममजंपमाणीओ पडिस्सए चिट्टंति । जाया य सीलरूवाइगुणेहिं तासिं सव्वत्थ पसिद्ध (द्धि) त्ति । बुद्धदासो वि पडिस्सए पविसंतिं रयणप्पभं दट्ठूण निब्भओ जाओ । तओ वामणयवेसधारी तत्थेव चिट्ठइ ताओ तिण्णि वि जायाओ पइदिणं पेच्छं । अखि(क्खि)त्तं च नयरं तेण वामणगरूवधारिणा गीय-चित्तकम्म - वीणा - वंसन (ग) सद्दाइविविहविणोएहिं । राया य तत्थेसाणचंदो वामणगेण हयहियओ कओ ।
—
-
-
'सव्वं घडइ, परं मम भत्ता न
'ममाऽवि भत्तणो सव्वं संवयइ, परं
अण्णया य रायत्थाणीए कहा पयट्टा जहा - " एत्थ नयरे पडिस्सए अईव रूवस्सिणीओ तिणि विजुवईओ चिट्ठति । न य ताओ कोई पुरिसो वे (बो) ल्लावेउं समत्थो" । तओ भणियं वामणगेण
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |