________________
[८४]
NNNNNNNNNNNNNNNNN
सावणकण्हाणवमीए चविऊणिहेव जंबुद्दीवे भारहे वासे हत्थिणाउरे नयरे सूरो नाम राया । तस्स सिरीए देवीए चोद्दससुमिणसूइओ संभूओ गब्भे। तओ वइसाहकण्हचउद्दसी[ए] जाओ पंचाणवइवरिससहस्साऊ कणयवन्नो पुत्तो । गम्भंगयंमि य जि(ज)मिमम्मि जणणीए रयणविचित्तो थूभो तद्देसभाए कुंथू नाम दिट्ठो । तेणेसो पइट्ठिओ पिउणा कुंथू नाम ।
पंचतीसधणूसिओ कुंथूनामो अद्धट्ठमवरिससयाहियतेवीससहस्सा(स्सो)वरि तत्तियं चेव कालं मंडलीयत्तं पालित्ता चक्कवट्टी जाओ । अवि य -
चउदसरयणोवमनिहि-सामी सोलसहस्ससु[र] रक्खो । बत्तीसमउडबद्धय-रायसहस्सेहिं कयसेवा(वो) ॥ चउसट्ठिसहस्संतेउर-भोगी बारसजोयणावासो । चुलसीचुलसीकि(क)रि-रह-हयलक्ख-छन्नउइजोहकोडिजुओ ॥ छक्खंडभरहखेत्ते, छन्न[उ]ई गामकोडिसाराणं ।।
बाहत्तरि पुरलक्खाण-महिवइ(ई) चक्कवट्टि त्ति ॥ एवं च कुंथुचक्कवट्टी अट्ठमवरिससयाहियतेवीससहस्सोवरि वइसाहकण्हपंचमीए निक्खंतो । सोलसवरिसोवरि चेत्तसुद्धतइयाए संपत्तकेवलो छालयलंछणो वाम-दाहिणपासेसु बलादेवीगंधव्वदेवपज्जुवासिज्जमाणो संतिजिणतित्थपल्लट्टणेण पवत्तियनियतित्थो कुंथुकेवली सोलसवरिसूणअद्धट्ठमवरिससयाहियाणि तेवीसं वरिस सहस्साणि जाव विहरेत्ता सम्मेयसेलसिहरे वइसाहकण्हपाडिध(व)याए सिद्धो त्ति । कुंथुनाथो त्ति गयं ॥
कुंथुजिणाओ य वरिसकोडिविरहिएण पलिओवमचउत्थभागेण सत्तमचक्कवट्टी अट्ठारसमजिणो य अरनाहो त्ति अरनाहकहा भण्णइ -
पुव्वविदेहे खेमउरं नाम नयरं । तत्थ सिरिधम्मो नाम राया । सो य संसाराओ विरत्तचित्तो संवरसाहुसमीवे पव्वइओ। कयाई चेमं पडिलाभेइ भविस्सो वीरभद्दो त्ति वीरभद्दकहा भण्णइ -
पुव्वविदेहे रयणउरं नाम नयरं । तत्थ जिणदासो नाम सेट्ठिपुत्तो परिवसइ । इओ य गीयत्थो कालेणेगल्लविहारी सिरिधम्मसाहू पत्तो रयणउरं । सो य कयचाउम्मासखमणो पारणनिमित्तं पविट्ठो जिणदासगिहं । पाराविओ य सो तेण विउलभत्तपाणएहिं परमभत्तीए । पुण्णाणुभावेण य जिणदासो कयकालो बंभलोए देवो जाओ । तओ चुओ एरवयवासे महेसरपुत्तो जाओ । तओ वि कालं काऊण अच्चुए कप्पे देवो जाओ त्ति ।
सिरिधम्मसाहू वि पालियनिक्कलंकसामण्णो गेवेज्जो देवो जाओ । तओ फग्गुणसुद्धबीयाए चविऊण इहेव जंबुद्दीवे भारहे वासे हत्थिणाउरे नयरे सुदंसणस्स रण्णो [देवीए] देवीए चोद्दससुमिणसूइओ संभूओ गब्भे । तओ मग्गसिरसद्धदसमीए जाओ चउरासीवरिससहस्साऊ कणयवण्णो पत्तो । गब्भगए य भगवंते जणणीए सुमिणे जच्चरयणमओ महामहंतो चक्कारओ दिट्ठो त्ति पइट्ठिओ पिउणो(णे)सो अपरो(अरो) नाम ।
तीसधणुहपमाणो य अरकुमारो एक्कवीसवरिससहस्सोवरि एक्कवीसं वरिससहस्साणि जाव मंडलिओ
