Page Text
________________
[६८]
'तओ गओ घर(रं) । खामिऊण सयणाइजणं चेज्ज (इ) य - संघपूयं च काऊण निग्गओ नयराओ । गओ य गिरिसिहरे । तत्थ अणसणं काउं पुव्वरि (दि) सिमद्धमासं काउस (स्स) ग्गेण ठिओ । एवं सेसासु वि दिसासु अद्धमासं अद्धमासं । तओ पट्ठीए निच्च (च्चं ) काग - सिवाईहिं खज्जंतो तं पीडं सम्मं सहिय नमोक्कारपरो मरिओ सोहम्मे देवो (देविंदो) जाओ । भगवो वि य (अ) भिओगियकम्मुणा तस्सेव सक्कस्सेरावणो नाम वाहणो जाओ । तओ चुओ नरतिरिएसु हिंडिऊण जाओ असियक्खजक्खो, सक्को य चुओ सणकुमारो नामेसो जाओ' ।
एवं च स(भ)वपरंपरागए वइरभावे दट्टु माणसे असियक्खजक्खेण अज्जउत्तस्स विणासणत्थं पह(ढ) मं गिरिगरुकक्कर- निब्भरो मोडियतरुवरो पवणो मुक्को । तओ नहयलं वहणे (ल) धूलीए अंधयारंतओ विमुक्कट्टट्टहासाऊलियजलणपि (पिं) गकेसा मुहनिग्गच्छंतजालाकराला पिसाया मुक्का । तहा वि न भीओ । तओ नयणमुक्कजालाफुलिंगेहिं नागपासेहिं बद्धो । तओ ज (जुन्नरज्ज (ज्जु) इव तेण त(तं) तोहिऊण(डियं) दट्टु करप्पहारेहिं लग्गो । तओ मुट्ठिपहारओ कुमारेण खंडाखंडि कओ । तओ पुणो वि रक्खसेण गुरुमच्छरओ लोहजडियमोग्गरेणाऽऽहओ वच्छत्थले कुमारो । तेण वि महाकायं चंदणरुक्खमुम्मूलिऊण अच्छोडिओ उड्डुं व ंतो ऊरु(रू)सु छिन्नदुमो व्व पडिओ भूमीए । तओ रक्खसेण दूरमुप्पाडिऊण गिरिवरो कुमारस्सुवरि पक्खित्तो । तेण य दढं पाडियंगो निच्चेयणो खणमच्छिऊणऽज्जउत्तो पुणो लद्धचेयणो लग्गो बाहुयुद्धेण । तम्मि य कुमारेण करमोग्गराहओ सयसिक्करीकओ वि न मओ जक्खो जहा (म्हा) अमरो त्ति जम्हा (तम्हा) विरसमारडियं(उं) मोत्तूण नट्ठो । तत्थ य कोउगदंसणत्थमागएण देवि - विज्जाहरीजणेण मुक्का कुसुमवुट्ठी भणियं चा 'हो जिओ कुमारेण असिअक्खजक्खो 'त्ति । असिअक्खजक्खो त्ति गयं ॥'
-
-
'तओ पच्छिमण्हे वलिओ माणससराओ जाव अज्जउत्तो पत्तो थेवं भूमिभागं ताव संगामं दट्ठूणाऽऽगयातो(ओ) नंदणवणम्मि रममाणीओ ससिणेहं समुहमवलोयंतीओ भाणुवेगविज्जाहरस्स अट्ठ धीयाओ दिव्वाओ प (पे) च्छित्तु चिंतेइ - 'काओ पुणेमाओ ? किं वा ममेवं वियप्पणेणोवसप्पिऊण पुच्छामि' । तओ तासिं समीवमागओ भणइ – 'काओ तुब्भे ? किं निमित्तं वा सुन्नारण्णंमि समागयाओ ?' ताहिं वि ‘विन्नायपरमत्थेण महाभाग ! सव्वं जाणिस्सइ । परमिहि भवे (ताव ) अम्हमिओ नाऽइदूरे पियसंगमाभिहाणाए पुरीए गंतुं वीसमसु'त्ति वोत्तुं किंकरव(द) रसियमग्गो पयट्टाविओ कुमारो | सूरत्थमणसमयंमि य पत्तो पुरीए । 'तायस्सेसो तए समप्पियव्वो 'त्ति सा ( स ) माइट्ठेण कंचु [इ]णा सह परिणा (णया) विओ रायभवणं । दिट्ठो भाणुवेगरण्णा । अब्भुट्ठिएण य कओ कयकिच्चो । भणिज्ज (यं) [च] समयम्मि जहा - 'महाभाग ! मम अच्चिमालिमुणिणा आयर (आहियं) पुव्वि चेवाऽऽसि – “जो असियक्खजक्खं जिणिस्सइ सो तुहेमासि (सिं) अट्ठण्हं कन्नगाणं पई स (भ) विस्सइ" तो परिणेहीमाओ' ।'
-
‘तं च पडिवज्जिऊण अज्जउत्तो परिणित्तु जाओ निबद्धकंकणो वासभवणंमि ताहिं समं पल्लंके सुत्तो जावऽच्छइ ताव पुणो असियक्खजक्खेण 'य (प) मत्तो' त्ति वसणपाडणत्थमुप्पाडिऊणेगागी पक्खित्तो अडवीए । पबुद्धो य करनिबद्धकंकण (णं) भूमिगयमप्पाणं पेच्छित्तु 'किमेयमेवं 'ति खणं चिंतिऊण [अ] विसन्नो विय समुट्ठिओऽडवीए भमंतो चडिओ गिरिसिहरमेगं । तम्मि य ने (ए) यभविस्सभज्जा सुनंदा नाम असिण (सणि) वेगविज्जाहरपुत्तेण वज्जवेगेण हरिऊण णे (णी) या जंम (मि) मंदिरे धरिया चिट्ठइ तं मंदिरं ण चिंते 'पुव्वे (व्वि)ल्लं पिवेदमवि नूणमिंदजालप्पायं भविस्सइ तहा वि वा (जा) मि' ।
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |