Page Text
________________
NNNNNNNNNNNNNNNNNNNNNNNN
वि चिट्ठइ कुमारो ?' मए भणियं - 'को कुमारो ?' [पु]रिसेण भणियं – 'एयन्नयरवासि(सामि)णो ईसाणचंदस्स पुत्तो गुणचंदो नामेहाऽऽगओ मज्झण्ण(ग्रह)समए । तेणाऽहं पेसिओ कज्जेणाऽऽसि । तं च काउमागओ, तेण पुच्छामि' । मए भणियं – 'सिद्धकज्जो गओ कुमारो' । तेण भणियं – “किं घडिया सा तस्स ?' मए भणियं – 'न केवलं घडिया किं तु नीया सभवणं' । तओ – ‘महंतोऽणुबंधो तीए दिट्ठमेत्तीए चेवोवरि कुमारस्साऽऽसि, ता सोहणं जायं'ति वोत्तुं गओ सो पुरिसो ।
अहं पि तत्थ 'धिरत्थ(त्थु) संसारवासस्स जत्थेरिसा विसयविडंबना । जावेसा महिला निब्बाहिरा
ताव य(डओ नाऽइदरे माउलगेहे पराहेमि(पराणेमि ?) । तओ जहोचियं करिस्सामि'त्ति चिंतिऊण गओ तीए समीवं, भणिया य मए 'गच्छामो' । सा भणइ - 'पच्चूसे वच्चिस्सामो' । मए भणियं सव्वो(त्थो?) लद्धो, ता संपयं चेव गंतव्वं' । तओ साऽनिच्छंती वि चलिया मए(ह) भएण । चउहिं दिवसेहिं नेऊण समप्पिया माउलगस्स । तओऽहं रयणीए निग्गंतुं जस्संतिए पुव्वं सुओ धम्मो तदंतिए गंतुं पव्वइओ त्ति । मुणिचंदमुणि [त्ति] गयं ॥
निसुयमुणिचंदमुणिचरियाई भद्द-सयंभुणो - 'भयवं ! साहुं ते [चरियं] निव्वेयकारणं' [ति] वोत्तुं गया नियठाणं । कयाइं च दूयपेसणाइकमेण रणे विणासित्ता मेरयं पडिवासुदेवं जाया ते बलवं(बलदेव)वासुदेवा । तओ सयंभुवासुदेवो भुत्तभरहद्धो गओ [नरय] गई । तवि(व्वि)रहे य भद्दबलदेवो निक्खमित्ता सिद्धो त्ति । सयंभुवासुदेवो त्ति गयं ॥
सयंभुवासुदेवपच्चक्ख(क्खं) विमलजिणाओ नवसागरोवमेहिं चउदसमो अणंतजिणो त्ति अणंतजिणकहा भण्णइ -
भद्दिलपुरे(अरिठ्ठपुरे) दढ(पउम)रहो राया चित्तरक्खगुरुसमीवे विहियपव्वज्जो जाओ सहस्सारे देवो । तओ सावणकण्हसत्तमीए चविऊणिहेव जंबुद्दीवे भारहे वासे अओज्झानयरीए सीहसेणस्स रन्नो सुजसादेवीए चोद्दससुमिणसूइओ संभूओ गब्भे । तओ वइसाहकिण्हतेरसीए जाओ तीसवरिसलक्खाऊ कणयवन्नो पुत्तो । गब्भत्थे व(य) जमिमंमि सुमिणे जणणी विचित्तं रयणमालं महामहंतत्तणेणा'ऽणंत'ति वियप्पंती पडिबुद्धा तेणेसो पइट्ठिओ पिउणा अणंतो नाम ।
पंचासधणूसिओ अणंतकुमारो अद्धट्ठमवरिसलक्खोवरि पन्नरसवरिसलक्खाणि जाव कयरज्जो वइसाहकण्हचउत्थीए निक्खंतो । तिव्व(व)रिसोवरि वइसाहसुद्धचउद्दसीए संपत्तकेवलो हुलाहिय(हुलायग)लंछणो वाम-दाहिणपासेसु अंकुसादेवी-पायालजक्ख-पज्जुवासिज्जमाणो विमलजिणतित्थवोच्छिता(त्ती)ओ गए[सु] चउभागीकयपलिओवमस्स तिसु भागेसु पव्व(व)त्तियनियतित्थो अणंतकेवलो(ली) तिव्व(व)रिसूणाणि अद्धट्ठवरिसलक्खाणि जाव विहरेत्ता सम्मेयसेलसिहरे चेत्ते(त्त )सुद्धपंचमीए सिद्धो त्ति । अणंतजिणो त्ति गयं ॥
अणंतजिणकालम्मि य चउत्थो पुरिसोत्तमवासुदेवो त्ति पुरिसोत्तमवासुदेवकहा भण्णइ –
इहेव जंबुद्दीवे भारहे वासे वाणारसीए सोम नाम राया । तस्स सुदंसणा-सीयाणं दोण्हं देवीणं चउ-सत्तसुमिणसूइओ(आ) जेट्ठ-कणिट्ठो(ट्ठा) सुपभ-पुरिसोत्तमा नाम दो पुत्ता । ते य महुणो भायरं केटवं नाम पडिवासुदेवं विणासित्ता जाया बलदेव-वासुदेवा । तओ पुरिसोत्तमवासुदेवो भुत्तभरहद्धो गओ अहं(हो?)गई। तव्विरहे य सुप्पभबलदेवो निक्खमित्ता सिद्धो त्ति । पुरिसोत्तमवासुदेवो त्ति गयं ॥
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |