Page Text
________________
[ ५९ ] होउं पाहरियाईहिं(हि)मद्दिस्समाणो चडिओ कणगवईबीयभूमियाए ताव ठिओ जाव ती [ ए ] 'हला ! कित्तिया रयण(णि)'त्ति पुच्छिए दुवारदेसट्ठियाहिं भणियं दोहिं दासचेडीहिं जहा 'किंचूणा दो पहरा' । तओ कयअलंकारा ताहिं चेव सहाऽऽरूढा विमाणे । हिं(हं) पि निविट्ठो तस्सेगकोणे । सिग्घं च गंतुं तं विमाणमोइण्णं महासरतीरठिए नंदणवणे । तमग्गगया सोवाणट्ठियस्स य विज्जाहरस्संऽतिए गंतुं पणया कणगवई दिण्णायएसा(दिण्णाएसा ) य तेणोवविट्ठा | थेववेलाए तहेवाऽऽगंतुमवराओ वि [ति]न्नि जणीओ वइट्ठाओ । खणंतरेण य तत्थाऽऽगंतुमण्णे विज्जाहरा पविट्ठा पुव्वुत्तरदिसि संठिए उसहसामिचेइहरे । ओ तम्मि वि विज्जाहरे गए तत्थ तासिमेक्काए वीणावायणं, बीयाए वंसवायणं दोन्हं च कागलीगीयं कुणंतीणं ण्हविओ विज्जाहरेहिं सामी । गोसीसचंदणालित्तस्स य पूजिऊण भगवओऽणुप्पाडिओ वो ।
तओ तेण विज्जाहरेणऽ 'ज्ज कीसे वारओ'त्ति भणिए उट्ठिया कणगवई नच्चिरं पवत्ता । तीए य नच्चंतीए पडिया कह वि किंकिणी । सा य ज्झड त्ति संगोविया मए न तेहिं जोयंतेहिं विदिट्ठा । खणंतरेण य पेक्खणयमुवसंहरिऊण विज्जाहरेण विसज्जियाओ ताओ गयाओ नियठाणं । अहमपि तहेवाऽऽगंतुं गओ रयणिचरमजामे नियावासं न केणइ विन्नाओ ।
पहायम्मि य किंकिणी समप्पित्ता भणिओ मइसागरो नाम मंती (ति) पुत्तो नियवयंसो जहा 'मम कणगवईसमीवत्थस्सेसा किंकिणी तए तीए समप्पियव्वा' । मंतियम्मि तेणाऽहं गओ कणगवईगेहं । साहि [कीडंत]स्स जितस्स मे मग्गियंमि गहणए समप्पिओ (आ) तीए मइसागरेण किंकिणी । तं परियाणित्ता सा भणइ ‘कत्थेसा संपत्ता?' । त(म)ए भणियं – मे (ए) सा पडिया पत्ता ' । सा भणइ 'कहिं ?' मए भणियं ' तुमं जाणसि' । सा भणइ 'न जाणामि' । मए भणियं ता ममेमं मइसागरं महानेमित्तियं पुच्छसु जेण सव्वं साहेइ'
'जइ एवं
-
।
पुच्छिओ य तीए सो ममाऽभिप्पायं नाऊण 'कल्लं कहिस्सामि' । तीए वि एवं होउ'त्ति वुत्ते किंचिव (वे) लं सारीहिं रमिऊणाऽहं गओ
भणइ
नियावासं ।
-
-
-
रयणीए य पुणो य तहेव तत्थ गएण मए वीणं वायंतीए कणगवईए चलणाओ पडियं घेत्तुमाणीयं नेउरं । तं पि पच्चूसे सिक्खविय मइसागरस्स समपे ( प्पे )त्ता गओऽहं कणगवईगेहं । पुच्छिओ य तीए मइसागरो ‘किं जोइयं तं जोइसं ?' सो भणइ 'जोइयं, परमन्नं पि ते किंपि नट्टं । सा भणइ 'किं ?' सो भणइ 'तुमं जाणसि' । सा भणइ 'जाणामि जहा नट्टं, किं तु कत्थ विनट्टं तं न जाणामि; ता कह कत्थ किं वा नट्टं ?' मए भणियं 'ममऽन्नेण कहियं जहा दूरदेसगयाए कणगवईए चलणाओ पडियं नेउरं' । मइसागरो भणइ 'न केवलं सो जाणिओ किंतु नेउरं पि तस्स हत्थाओ मए गहियं ।
-
-
—
—
-
-
-
-
तओ कणगवई ससंभमा कह वि तत्थऽज्जउत्तो गओ त्ति लि (ल) क्खित्ता छइलत्तणओ भणइ 'कत्थ तं नेउरं तुम्हेहिं पत्तं ?' तओ मइसागरेणा (ण) मे मुहं पलोइत्ता समप्पियं तीए नेउरं । ओ भणइ 'कत्थ मे ( कत्थेमं ?) तुम्हेहिं पत्तं ?' मए भणियं - 'कहिं तुह नट्टं ?' सा भणइ 'जहा न तहऽज्जउत्तो चेव जाणइ' । मए भणियं 'ममाऽण्णेण साहियं, ता न याणामि कहिं विनट्टं ?' सा वि [भणइ ] 'किम (मे)ए हिं नट्ठ- वोल्लेहिं ? जइ सइ (य) मज्जउत्तेण दिट्ठ ता सोहणं, जइ पुण म(अ) नेण केणइ दिट्ठ ता जलणपवेसओ वि नत्थि मे सुद्धी' । मए भणियं 'किं जलणपवेसेण ?'
-
-
—
| SR No. | 009889 |
| Book Title | Kahavali Pratham Paricched Pratham Khand |
| Original Sutra Author | N/A |
| Author | Kalyankirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 469 |
| Language | Hindi, Sanskrit |
| Classification | Book_Devnagari |
| File Size | 2 MB |